من المشاكل الشائعه نوعا ما فى الواجا ... موضوع الازاز الكهرباء ... اصوات خشونه , بيطلع و ينزل ببطء, و للاسف ده فى الاخر بيوصل لاحاجتين ان مكنه الازاز تبوظ " زى ماحصل عندى فى مكنه من المكن " او ان اللوحه البلاستك و البكر الى شايل الازاز تتكسر " وديه تمنها 1500 جنيه فى التوكيل ":E_braces[1]: .
طبعا ده مشكله من مورد المكن و اللوحه الى شايله الازاز شركه ديفلى الامريكيه الى الحمد لله افلست مؤخرا .
المهم علاشان مانخرجش بره الموضوع
علاشان نحافظ على مكنة الازاز و اللوحه الى شايلاه لازم كل فتره نعمل عمليه تزيت لمجارى حركه الازاز علاشان نتفادى الحمل الزائد على المكنه و اللوحه " البلاستك " الى ممكن تتكسر من الضغط عليها .
خطوات العمل :-
- حنحتاج مفك صليبه , مفك مبطط عريض , مفك مبطط صغير , منديل ورقى , فوطه علاشان طبيعى ايدك حتتوسخ و احنا مش عاوزين نوسخ فرش العربيه :)
- حنحتاج تحديدا لقمتين مقاس 10 و مقاس 8 علاشان نفك المسامير الى رابطه لوحه الازاز .
http://farm5.static.flickr.com/4040/...8b4c04f4_o.jpg
- مزلل الصعاب WD40 :)
http://farm3.static.flickr.com/2723/...bfae0f1b_o.jpg
حنفك غطاء مقبض اليد " حنشده لبره "
http://farm5.static.flickr.com/4026/...0a793132_o.jpg
حنفك المسمارين الى رابطين طلبه الباب
http://farm3.static.flickr.com/2462/...055cb3f7_o.jpg
و حنفك زرار الازاز - بالمفك المبطط الصغير و نلف عليه منديل ورق علاشان منجرحش البلاستك - نحط المفك مابين البلاستك و نطلعه لفوق .
http://farm5.static.flickr.com/4052/...ea9a4a75_o.jpg
و نفك فيشة الكهرباء بتاعت الزرار
http://farm3.static.flickr.com/2712/...3e2f18a3_o.jpg
http://farm3.static.flickr.com/2791/...87946aea_o.jpg
حنفك المسمار الى ماسك الوش اكرة الباب البلاستك و نشد الوش مع اتجاة السهم يمين لو احنا شغالين فى الباب الشمال .... و شمال لو شغالين فى الباب اليمين .
http://farm5.static.flickr.com/4023/...24edb639_o.jpg
http://farm3.static.flickr.com/2802/...639a3022_o.jpg
حنفك المثلاث البلاستك الموجود فى اخر الشباك ...بايدينا حنشده لبره حيطلع بسهوله .
http://farm5.static.flickr.com/4012/...cb3999be_o.jpg
http://farm3.static.flickr.com/2681/...10266f68_o.jpg
بعد كده حنفك طبله الباب " حنجيب المفك المبطط العريض و نلف عليه منديل ورق و و ندخله مابين الصاج و طبله الباب و نفكه بالراحه ... و بعد كده ايدينا نشد طبله الباب لبره " بالراحه " .
http://farm3.static.flickr.com/2487/...782ff9ea_o.jpg
شكل طبله الباب و اماكن الكلبسات البلاستك
http://farm5.static.flickr.com/4023/...8fd26a4a_o.jpg
قبل مانبدا الفك ... ننزل الازاز تحت " لاخر مدى "
حنفك بس المسامير الى عليها الاسهم " فقط "
الاسهم الحمرا مسامير براس سداسيه مقاس 8
الاسهم الزرقاء مسامير براس سداسيه مقاس 10
الاسهم البينك مسامير صليبه
http://farm5.static.flickr.com/4072/...30f48ce7_o.jpg
للاسف الشديد باقى الصور الى صورتها طلعت مهزوزه و مش واضحة نهائى ... فحكمل باقى الشرح على اخر صوره ...
بعد ما فكينا المسامير حنشد اللوحه البلاستك بالراحه لبره " مش حنطلعها كلها لبره " مجرد 4 .. 5 سنتى علاشان نقدر ندخل ايدينا مابين الصاج و اللوحه و نرش الWD40 على مجارى حركه الازاز و البكر .
الكاوتشه الى جوه الدايره اللبنى الى فى النص حنشدها لبره .. حنلاقى المجرى الى الازاز بيطلع و بينزل عليه " مكان الاسهم الحمرا الى فى النص - حنرشه ب WD40 بعد مانكون حطينا الانبوبه البلاستك الحمرا الى بتيجى معاه علاشان نرش على المكان بالظبط -, " حنوصل تانى زرار الازاز و نشغل الكونتاكت " و نحرك الازاز لفوق و تحت و نرش عليه تانى
و فى نفس الوقت حنرش ال WD على مجارى التثبيت الى على اليمين و الشمال مكان الاسهم .
http://farm3.static.flickr.com/2683/...6ab40429_o.jpg
الحقيقه الموضوع فى الزاز الخلفى شمال و فرق كتير, الاول كنت بسمع صوت خشونة و تكتكه واضحه بعد ماعملت الموضوع ده صوت الازاز اتحسن بنسبه 95 % .
* نصيحه لو حد شاف عنده الازاز بيطلع و ينزل بصعوبه و فيه اصوات ياريت مايستعملوش لحد مايعمل الموضوع ده " او حتى لو مش حيعرف يروح عند حد متخصص يعمله .... لان الازاز الخلفى يمين فى عربيتى كان فى نفس المشكله و كبرت دماغى ... و فى الاخر الموتور باظ و لازم يتغير http://www.nilemotors.net/Nile/images/icons/icon9.gif.