لا بيان ولا دياولوا يا ابو على، كفايانا بيانات، خليها فى السر علشان بركتها متروحش
عرض للطباعة
لا بيان ولا دياولوا يا ابو على، كفايانا بيانات، خليها فى السر علشان بركتها متروحش
لا اعتقد انى اصلح لهذا المنصب
Great Minds discuss Ideas , Medium minds discuss Events , small minds ( better poor ) minds discuss people
اجمل ما قرأت اليوم فى المنتدى .. شكرا
لو بقيت وزير
نفسي ابقى وزير الصحه علشان اشد على بعض الدكاتره الي نسيو نفسهم اوي و نسيو انهم ملاك الرحمه و بقوا زيهم زي البلاط و يتعاملوا حلو شويه مع العيانين <مش كلهم برضه في عيانين مدمنين و دول لازم يخدوا بالجزمة >
و كمان ارفع مرتباتهم <ده لو بقيت وزير قبل التخرج> علشان انا شايف ان مرتبتهم قليله قصاد الي بيعملوة و قصاد السنين الي ضاعت من عمرهم في الدراسه و الزي منه <طبعا في شويه منهم شايفين شغلهم و بيتعلمو الجديد و بيخدمو المرضى بعنيهم و شويه منهم لا >
كمان لاحظت ظاهره غربيه جدا و هيا قله الممرضات <و دي روح المريض و الدكتور > و لو وجدوا ينعدم فيها الخبره و القلب الرحيم
ثالثا و دي حاجه نفسي فيها اني افيم عربيتي اسود في اسود و نمر سودا و بعدين اديها للسواق و امشي بمتوسكل جنب العربيه <اشتغلات و كده>
و أنا فى ثانوية ... كان نفسى أبقى وزير التعليم و أغير كل التخلف اللى بناخده ده و أعمل نظام جديد للثانوية . ميكونش بالمجموع لكن بميول و قدرات كل واحد..... كنت بتحسر لما أسمع عن طريقة التعليم بره و المناهج ...... :(
و لما دخلت الكلية .... نفسى أبقى وزير التعليم العالى أو عميد كلية الطب .. و أدمر كل المبانى القديمة بتاعتنا و المدرجات الغير أدميه .... و أعمل مبانى جديدة ...... و أجدد مستشفى الدمرداش بالكامل و أعملها زى القصر العينى كده من بره ..... معرفش من جوه حالتها إيه .. مدخلتهاش قبل كده
و أغير نظام التعليم .... يعنى عندنا كل التطوير بيجى من رؤساء الأقسام .... يعنى لو رئيس قسم خايب هيبقى القسم بتاعه زى الزفت ......... و أجيب محاضرين و دكاترة من بره ... يدونا كورسات .. تبادل خبرات يعنى.
و لما أتخرج و أبقى دكتور إن شاء الله ...... هيبقى نفسى أبقى وزير الصحة .... و أعمل زى ما الدكتور حاتم الجبلى ما بيعمل كده .... و حاجات كتييييييييير .... لما أكبر بقى :rolleyes:
ده فكرنى بفيلم شفته لعادل إمام و حسين الشناوى .... لما كان حسين الشناوى ماسك وزارة و كان بيبات بره البيت كتيير ..... فمراته بتسأل عادل إمام ... أحواله مش عجبانى اليومين دول .... فعادل بيقولها ... بيتعب يا مادام ..ماسك الوزارة كلها لوحدة الله يكون فى عونه و خصوصاً إنه ماسك وزارتين ...... فبتقوله إزاى ماسك وزارتين يعنى.... قالها .... الراجل من حقه أربع وزارات بس يعدل بينهم
:D
أنا بقى عايز تلاته بس :D
لو بطلنا نحلم نموت
انا عايز اى وزاره
المهم ربنا يعينى عليها و يجعل لى حظ انى اكون
عادل
عاقل
يا ميزا اسمه كمال الشناوى
اعتقد ان من الوزارات اللي محتاجة اعادة هيكلة لتحقيق المساواه الكافيه بين افراد الشعب هى وزارة الاسكان والمرافق .... وكمان هى اكتر وزارة يشيع فيها الفساد .... وهى تحتاج الى وزير قوي عادل يعرف مشاكل الشعب وعنده الاستعداد لحلها ...
بدون كلام امسك وزارة الاتصالات بحكم التخصص
لان احنا فى وقت العالم بقى اصغر و اصغر
ووسائل الاتصالات بقت من اهم الخدمات و لايوجد اى انسان لا يستخدمها
او امسك وزارة النقل و المواصلات و بعديها انتحر لانى مش شايفلها حل