عايزة عربية لانوس اتوماتيك

**Reham Ahmed** · 26-12-2007 08:03 PM

انا عايزة عربية لانوس اتوماتيك ضروري وحالتها كويسه وياريت تفيدوني بسرعه قبل ما اقع في دوامة اقساط الزيرو لاني بصراحة خايفه اوي من كده وانا كنت سألت قبل كده وعرفت اسعارها في حدود 45000 اقل او اكتر حاجه بسيطه وده اعتقد انه افضل من اقساط الزيرو لاني هدفع 50% من تمنها والباقي علي 5 سنوات فياريت حد من الساده الاعضاء يفيدني ويساعدني في قراري بسرعه

**belal rashed** · 26-12-2007 08:21 PM

نصيحه لوجه الله: إبعدىىىىىىىىىىىىىىىىىىىىى ىىىىى عن الأوتوماتيك فى الكورى المستعمل.

**limo** · 26-12-2007 08:48 PM

انا عارض عربيتى للبيع مو 99 جميع الكماليات اوتوماتيك
دواخل الفاربيقه -عداد 94600 كم

**ahmed_3omda** · 26-12-2007 08:58 PM

أختي العـزيـزه . .

نصيحه فكري في سزوكي Alto زيرو سياره صغيره ومناسبه في زحمه الطريق وابعداها كويسه تقدري تحفظيها بسوله و في معارض كتير تبيعها قسط .. وجارتي اشتريتها من حوالي خمس شهور والسياره أكتر من رائعها دا حسب كلامها

وحسب كلامي بعد تجربتي الشخصيه .. السياره واسعه من الداخل وقمه في السهوله في قيادتها

اليكي بعض الصور للسياره : -

**dr.amr** · 26-12-2007 09:03 PM

انا اسمع ان السوزوكي التو كويسه

**hishamabdelhafez** · 27-12-2007 04:38 AM

طب معلش ممكن اعرف انتى ازاى هتقسطى عربية مستعملة ؟؟
هل فى بنوك بتقسط مستعمل ؟؟ وبفايدة كام ؟؟ وهل بيشترطوا التأمين على العربية ؟؟

شكرا جدا واسف على كل الاسئلة ديه :$

**Reham Ahmed** · 27-12-2007 01:18 PM

لا انا هقسط زيرو طبعاً وبنك عودة طلعوا عيني علشان فايدة 7% وفي الاخر ما نفعش وانا دلوقتي مع بنك باركليز ف 8.75%
هو ده اللي مخوفني اني هدفع نص تمن العربيه وادفع 810 كل شهر علي 5 سنين وكمان نفسي في عربية اتوماتيك ومش عايزاها صغيرة بصراحة انا عارفه ان ا لالتو حلوه لكن صغيرة وانا سامعه ان اللي معاهم عربية لانوس اتوماتيك مش بيشتكوا منها وبقول انها احسن من الدين ولا ايه دول خمس سنين وانتوا عارفين محدش ضامن الظروف......صح

**Reham Ahmed** · 27-12-2007 01:30 PM

يا أ \Limo
انا اعتقد اني كلمتك قبل كده ممكن تقولي سعر نهائي لعربيتك هى تقريباً نبيتي مش كده؟
انا رقمي 0101139914
ياريت ترد عليه وتقولي النهائي بالضبط لاني عايزة اخلص بسرعه من الموضوع ده

**analyzer** · 27-12-2007 01:54 PM

الاخت الفاضله
بعد التحيه لى سؤال هل يناسبك اكسيل اتوماتيك كامله ؟

**limo** · 27-12-2007 02:15 PM

المشاركة الأصلية كتبت بواسطة Reham Ahmed

يا أ \Limo
انا اعتقد اني كلمتك قبل كده ممكن تقولي سعر نهائي لعربيتك هى تقريباً نبيتي مش كده؟
انا رقمي 0101139914
ياريت ترد عليه وتقولي النهائي بالضبط لاني عايزة اخلص بسرعه من الموضوع ده

انا عربيتى سوداء
انا مش عارف حصرتك كلمتينى قبل ذلك ولا لا
السعر النهائى 43000 وده السعر النهائى جدا
بس انا هطلب من حضرتك طلب صغير لو حضرتك جاده فى الشراء ممكن خضرتك تتفرجى على العربيه خلال الاسبوع ده ولو حصل نصيب انا ممكن اخلص على اخر الاسبوع الجاى نظرا لانى محتاج العربيه اليومينن دول اوى