يا جماعه انا في حيرة بين العربيتين السعر واحد 144 ألف
رينو ميجان H/B F/O A/T ام فيات برافوF/O A/T High Line
ايه رايكم اختار ايه الرينو الميجان الهاتش باك الهاي لاين الشكل الجديد
ولا الفيات برافو تعتبر شكلها ايضا جديد وامكانيات حلوه فياريت تقولولي اعمل ايه وشكرا
برافو طبعاً مش عشان عندى لأنى بحب العربيات الفرنساوى أوى بس البرافو حاجة تانيه خالص (موتور أقوى 120 حصان (بس الحقيقة أكتر من 130 ) مقابل 115 حصان وعزم أقوى (210 نيوتن مقابل 150) - تسارع أحسن من 0-100 فى 9.5 ثانية مقابل 12.5 ثانية- فتيس سيمى أتوماتيك 6 سرعات مش 4 سرعات أتوماتيك وفيها كمان بادال شيفت فى الدركسيون - قيادتها ممتعة جداً - سرعة قصوى أعلى (اكثر من 210 كم/الساعة ) - كماليات وخامات أعلى - جنوط أسبور 16 - سعر أقل 143000 وحاجات كتير
العربتين وهم طبعا ... مش هتندم لو أى واحدة فيهم ...
بس بما إنى فياتاوى متعصب ..
انا هختار برافو
من ناحية الشكل هى عملية ازواق
بس الميجان تكسب
الاتنين هتخسر فى بيعهم بس الفيات تكسب
كموتور وكعربيه قيات تكسب
وهى فى الاول فى الاخر عملية نصيب
بس رأى الشخصر البرافو تكسب
تصدق انا والله لسه كنت بفكر ان الميجان الهاتشباك بلماتور والفتيس اللى نزلت بيه مظلومه جداااااااا وسط العربيات المنافسه
لو كانت نزلت بماتور تربو كانت بقت افضل من اى عربيه هاتشباك تانيه وبدون اى منافس
انما بلماتور دا ومع ان شكلها تحففففففه و توكيلها ممتاز بس لازم اقوللك برافو !
هى تكسب لو اتقارنت مع سيات ليون او جولف 5
فيات تتفوق في كل شئ على رينو .. بجد البرافو سيارة رائعة .. انا حضرت اول نزولها في اوتو ماك اللي فات وركبت الفئة التي جيت هاي لاين الاسبورت .. بجد عربية تستحق الاحترام .. وكبت الرينو الهاتش باك في فورميولا الاهرام .. العربية حلوة اوي ..بس فيات تتفوق
المقارنة متكافئة جداً جداً وصعبة الترجيح ,, الميجان فيها فتحة سقف وفيها مثبت , والبرافو ايطالي أصلي
العربيتين جامدين قوي بصرحة بس الفيات تكسب علشان الحاجات اللي اتقلت فوق متور اكوه وكامليات أقطار وأنا بصرة برشح البرافو بس ده مايمعنعش إن المجان الجديدة جامدة أوليه بردو بس البرافو تتفوق وفعلا لو هتقرينها يبقى ب جولف 5 أو سيت ليون
شكرا علي كل الردود
ومتابع باهتمام
البرافو اكيد
اكيد البرافو ايطالى 100 فى الميه وكماليات وموتور مع العلم ان الميجان جامده برضه
البرافو تكسب لو ماعندكش مشكلة فى بنزين 95 وخصوصاً إنه هيغلى قريب
برافو ماتور وقوة حدث ولا حرج
البرافو بردو فيها مثبت سرعة بس مش فيها فتحة سقف ويارب التوكيل ينزل ال2010 فيها فتحة سقف.اقتباس:
المشاركة الأصلية كتبت بواسطة د.محمود صلاح
بخصوص ان كل الناس اجمعت ان البرافو افضل حد عنده فكرة ايه الفرق بين البرافو 120 حصان و150 حصان في حميع النواحي وايه اخبار التوكيل من ناحية الصيانه وقطع الغيار وشكرا
شوف الرابط ده
http://www.nilemotors.net/Nile/127089-120-150-a.html
بس يا باشا , انا مش مع كل الناس الى فوق دول لسبب.
البرافو عربية جميلة و ممتازة بس فتيسها مش اوتوماتيك ,دة مانوال و عاملوة اوتوماتيك اسمة ديوالوجيك و بالتالى فية نتشة كدة مع كل نقلة ممكن متعجبكش فبالتالى لو مش فارقة معاك السلاسة فى السواقة و نعومة الفيتيس وقت الغيار توكل على اللة بس انت راكب موتور مانوال اما الميجان فدة اوتوماتيك صرف مش هاتحس بحاجة خالص .
شوف الرابط ده انا اللى كتبته ، العربية بالفتيس ده أمتع فى السواقة حتى من المانيوال او الأتوماتيك لوحدهم . دي وجهة نظرى
http://www.nilemotors.net/Nile/126157-120.html