طيب هل فيه منها بكذا درجة حرارة مختلفة ؟؟؟ولا كلهم بيبدأوا الفتح عند درجة حرارة واحدة؟
عرض للطباعة
طيب هل فيه منها بكذا درجة حرارة مختلفة ؟؟؟ولا كلهم بيبدأوا الفتح عند درجة حرارة واحدة؟
على فكرة الراجل اللى بعها لى قال لى ان التجار بيفكوه من بعضه وبيعوا التموستات لوحده والكوع لوحده
اللى فاكره انها بتيجى حته واحده و المايلى اللى فى العلبة الزرقا كويسه
طب درجات حرارتها ايه؟؟؟يعنى اول ماتفتح بتفتح على كام؟؟؟والاقيها فين حاليا فى القاهرة على السعر ده؟؟؟وياريت حد ياكدلنا موضوع انها تركب على كل الموديلات ده
الترموستات الداخليه واحده في كل الموديلات (استاندارد) وفي منها صناعه فرنسي راكبه علي موديلات قبل عام2000 ومنها الماني راكب بعد كده . بالنسبه للمدي الحراري اللي بتشتغل عنده الترموستات فعلي مااتذكر 76درجه وممكن اللي راكبه عنده الترموستات يتاكد لما تدور العربيه الصبح لاحظ مؤشر الحراره هتلاقيه بيعلي بسرعه ثابته وده معناه ان الترموستات قافل علشان يسخن الموتور وفجاء هتلاقي المؤشر بتاع الحراره سرعته بتثبت تقريبا وده معناه ان الترموستات فتح وبدا يشتغل .في اللحظه دي بص علي امبير الحراره واقف علي كام ويبقي هو ده المدي الحراري اللي بتشتغل عنده الترموستات .
و ده الطبيعى
بس يا فادى انا متأكد ان اللى عندى المانى
اولا مش بتعيش لانها مش الماني ومفيش منها الماني اصلا
ثانيا التروموستات مش بيستحمل وبيصدي ويعلق
وبيخلي الترموستات تقفل علي المية بمعني اصح بيقفل دورة المية فالحرارة متنزلشي عن 100
ثانيا عن سعرها استيراد 400 جنية ودة في الحرفيين والسعر دة حقيقي لاني كنت هشتريها
لان الترموستات اللي في الكوعة خلتني اغير جوان وش سلندر وغيرت طرومبة المية وعملتي مشاكل بس الحمد للة كلة بقي تمام
ونفس الموتور برده انا مسقطه عندى وواحد صحبى لسة مسقطه عنده ومشالش الترموستات وماشاء الله حرارة عربيته تحفة لاتزيد بأى حال من الاحوال عن 88-90 اقصى حاجة........اما بالنسبة لكلام حضرتك بتاع ان الموتور ده منزلش منه لمصر ومصر متعرفش عنه حاجة فمع كامل الاحترام لحضرتك معلوماتك ناقصة كتير قووى لأن الموتور ده نزل منه فى مصر فى موديلات مابعد سنة 2000...وعندى واحد اعرفه هنا معاه العربية دى نازلة اوريجنال بالموتور ده لو تحب ابقى تعالى شفها قبل ماتقول نزلت ومنزلتش..ولمعلوماتك برده انا مش بقول حاجة غير لما اكون متاكد منها كمان مرة...لحد هنا وكلامى انتهى وماعتقدش انه هيكمل تانى طالما ده اسلوب الحوار اساسا
بامانة ربنا و شهادة حق
عندك حق تسيب الحوار ده
سيب وانا اسيب :E_braces[1]: . معرفش الراجل دخل شمال كده ليه؟ بس للامانه سرور راجل محترم:11:
علي فكره يا طناني عربيتك مكوناتها كلها الماني . انما انا كان قصدي علي الفيكترا بي وان حتي موديل 99 فيها كوكتيل اوروبي في المكونات بجانب الالماني .يعني وش الاسبراتير من شركه سيجم الفرنسيه-بلف الايديال كونترول صناعه اسباني-شداد الموتور مكتوب عليه صناعه امريكي -ترموستات الكوع فرنساوي..نعمل ايه بقي في منص :I_angr1[1]:
والله ياجماعة انا مااعرف ايه اللى اتعمل ده....بس عموما انا مبحبش الحوار يبقى كدة....عموما قدر الله وماشاء فعل ....
بالمناسبة انا عاوز هل المانيا بنفسها مش قادرة تصنع الحساسات بتاعت العربية دى لدرجة انهم يستوردوا الحساسات بتاعتها من دول تانى؟؟؟ولا دة شغل منصور والعربية دى لما بتنزل المانيا بتنزل صناعة المانى 100%؟؟؟
مش عارف اخدت الموضوع كدة لية دة نقاش وكل واحد ماسك في ملعوماتة كويس وكل واحد يقولك عندك حق ومش عندك حق
كل دة مش القصة احنا في موضوع والاختلاف وارد
لا في حد قل ادبة ولا غلط في التاني ودة وجهات نظر
وكل قصدي في الكلام ان العربيات دة بالموتور دة مش معمول لمصر
بس موجود منة كتير
ولمعلومات ساعدتك
فك الترموستات وبص علية وشوف درجة الحرارة اللي مكتوبة علية كام
هتلاقيها 92 و 95
يبقي ازاي موتور ايكيوتيك 2000 سي سي درجة حرارتة مش بتعدي ال 90
لو عندك تفسير اوي اي حد من اباطرة الفيكترا بي ياريت حد يرد
وعموما ماتخدشي الموضوع بشكل شخصي احنا في تناقش والاختلاف شيء وارد
السلام عليكم...
واضح من مشاركات حضرتك انك لسه جديد معانا وعلي العموم اهلا بيك وسطنا...بس احنا عمرنا مابنزعل من المناقشه وكل واحد بيقول اللي عنده وزي مابيقولوا الاختلاف في الراي لا يفسد للود قضيه .تمام .انما اللي يزعل ان حضرتك حجرت علي راي زميلنا واتهمته بعدم المعرفه ومع ذلك هو رد عليك تاني بجنتله .اللي عاوز اقوله ان اهم من المعلومه هو الاسلوب .
اسمحلي ارد عليك في موضوع الحراره وانا عبد الله الفقير ومش من اباطره الفيكترا زي مانت طالب ..الحراره الطبيعيه للموتور ال2000 سي سي هي 90 د ولو حضرتك رحت التوكيل هتلاقي ارشادات معلقه هناك ان لغايه 91 درجه شىء طبيعي ..الترموستات اللي حضرتك بتتكلم عليها ترموستات اللي هي راكبه في الرادياتير وبتدي اوامر التشغيل للمراوح بتايد كلامي ان لغايه 91 د امان ومن اول 95د تبدا تشتغل المروحه علي السرعه الاولي واذا وصلت الحراره ل105د تشتغل المروحه بسرعتها التانيه للحفاظ علي حراره التشغيل . شفت الموضوع بسيط ازاي ومش مستاهل تحدي او معرفه وعدم معرفه ..لتاني مره بقول حضرتك اهلا بيك وياريت نتشرف باسمك . انا اخوك فادي محمد :satelite:
من الآخر ترموستات الكوع ده مهم ومن الواجب عدم شيله من العربية
اخيرا لقيت الترموستات دى جى ام عند الشركة الدولية فى الحرفيين وسعرها 200 جنيه بالعافية بس جاية فى قلب الكوعة بتاعتها..ولسة هركبها واقولكم ان شاء الله على النتيجة
على البركة ان شاء الله
و اياك تزعل من حد
و استحالة حد هيزعل منك
ممكن الgm أفضل بس الميكانيكى قال لى حتى لو جرا لها حاجة الحرارة بتعلى بسرعة وحتاخد بالك
ركبها وما تقلقش والله النهاردة مشيت بالعربية تحس ان الخرارة زى باقى السيارات لعالية ولا حاجة فعلا بيفتح عند حوالى 80 درجة
انا عارف ان حضرتك قولتلى انها ب95 جنيه...بس السعر ده انا ملقتوش فى القاهرة كلها....يعنى مثلا عند الشيماء اوبل كانت عاملة 200 جنيه برده وعند امريكان ستار كانت عاملة 210 جنيه زى ماسألت....وبينى وبينك انا خفت اجيبها استيراد لأنها بتبوظ لو طلعت من الماء...فضلت اجيبها جديدة احسن....وللعلم هى مكتوب عليها انها بتفتح عند 92 درجة....طبعا ممكن البعض يقول كدة عالى...بس هى الفكرة طلعت سهلة جدا جدا وال92 دى تعتبر عادية جدا...والفكرة ببساطة انها بتفضل حاجزة الماء لحد مايوصل لدرجة 92 دى وبعدها تفتح وتاخد الماء البارد الموجود فى الراداتير وتقفل تانى وطبعا الماء البارد ده بيهدى جدااا من حرارة الموتور للدرجة الطبيعية...فى نفس الاثناء دى بيكون الماء الساخن الخارج من الموتور استقر فى الراداتير بتاع العربية والمروحة تكون اشتغلت تبرد الماء ده تبريد كافى لحد ماحرارته تنزل ولحد ماده يحصل بيكون الماء اللى داخل الموتور سخن مع حرارة الموتور وتتم عملية الفتح من اول وجديد وهكذا....وبكده حرارة الموتور بتستقر ديما مابين 88-92 وده الطبيعى بتاع الاوبل....طبعا الفكرة مفيدة جدا صيفا وشتاء لأنها بتدى الفرصة للماء انه يتبرد كفاية قبل مايرجع الموتور فى الصيف وفى الشتاء بتحافظ على درجة حرارة العربية انها تبرد زيادة عن اللزوم وبالتالى تستهلك بنزين اكتر وبتساعد على سرعة تسخين العربية صباحا....
متزعلش نفسك يا حج سرور وده نيقاش عادي من حق كل واحد انه يقول الي هو عاوزه بس في نطاق محترم وانت راجل محترم والاخ الجديد محترم برده بس هوه لسه مخدش على الوضع وعلى الناس الي هنا وعلى راي المثل من حب الى بعد عواوى .:satelite::120105~352::36_1_37[1]:
معلش ايه المثل ده
انا خبير امثال بس مش عارف بيقول ايه
انت قصدك
ما محبة الا بعد عداوه
يا طناني مفيش عداوه ولا حاجه . اكلت حلاوه المولد ولا لسه ؟ كل سنه والجميع بالف صحه وعافيه .
مليش فيها لسببين
1. بدعه
2. السكر
و فين اللب و السودانى
شفاك الله وعفاك ...خلي بالك اللب والسوداني بيرفعوا السكر برده !
ملكش دعوه بالسكر
ادينى بس و انا اكله براحتى
مفيش عواوى بين الاخوان , و بعدين انا اللى اعرفه عن حلاوة المولد انها بتخلص يوم ما بتيجى طبقا للى بعمله انا و اخى
لأ ممكن عندى العيال يسيبوها يومين لو جيبتها
ربنا يخليهملك يا محمد, و متجيبهاش احسن انا بحس انو ادمان الواحد يوعد ياكل لحد لما تخلص و ببقى حاسس ان نفسى مموعة و عاوز بجنيه طرشى
جربتها اليومين اللى فاتوا
شكلها كدة كان فيه حفلة اكل هنا ومحدش عزمنا.....ماشى ياجدعان تتعوض...
عموما انا ركبت ترموستات الماء فعلا واللى لاحظته انها بتفتح على 88 او 90 تقريبا ويمكن 92 والحرارة معاها بتكون ثابتة ديما عند مابين 88-90 سواء على طريق او داخل البلد فى حر او فى برد مهما كانت الظروف الحرارة ثابتة وواحدة ...والتكييف لما يكون شغال بتكون الحرارة مابين 90-92 ديما مهما كانت الظروف ولسة برده تحت التجربة...
على خيرة الله
و مفيش حفلة و لا حاجة ده حوار عن حلاوة المولد و محدش كلف خاطره و جاب معاه عروسة ولا حصان للعيال عجبك كده
مع كامل الإحترام لكل الأراء وبناءا لترجمتى لبعض المجلات المتخصصة اللى على قدى فإن مواتير الأوبل بكل طرازاتها ليها درجة حرارة مثالية للتشغيل وإستهلاك البنزين وإعطاء المستوى القياسي للآداء والمحافظة على ثبات معدلات تمدد وإنكماش سبائك الموتور وهى دى فايدة الترموستات بتاع الكوعه وده سر ثبات درجة حرارة المتور حول معدل قد يزيد أو يقل حاجه بسيطه لأنها موش زي بقيت العرابيات
كلام سليم جدا وعن تجربة فعلا فيه فرق
انا رفعت صورة حرارة التشغيل للاوبل
و هتلاقوا كل ما هو متعلق بفتح ترموستات الكوعة و درجة الحرارة الطبيعية لمواتير الاوبل
http://img200.imageshack.us/img200/6885/77281478.jpg
و دة لانى لقيت النقاش احتد ما بينكم
فعلى اية يا جماعة الحكاية سهلة و اولها و اخرها معلومة معتمدة موثوق فى مصدرها
و شكرا ليكم