ازيكوا يا هونداويه :)
انا بفكر اركب زينون 6000K اللى هو ناصع البياض ده (حلوه ناصع دى:shine[1]: )
ايه رأيكوا وانا بفكر اركبه فى العالى بس :)
عرض للطباعة
ازيكوا يا هونداويه :)
انا بفكر اركب زينون 6000K اللى هو ناصع البياض ده (حلوه ناصع دى:shine[1]: )
ايه رأيكوا وانا بفكر اركبه فى العالى بس :)
في العالي !!
ياراجل حرام عليك
هو ال 6000 حلو بس لو تلاقي 4300 يبقى فل الفل
بص انا مركب عندى فى العالى وفى الفوجات
وعايز اقولك الزينون فى العالى ميزة كبيرة جدا فى السفر فى الصحراوى والزراعى لأن بيكشف مسافة كبيرة (أوى) قدامك أكتر بكتير من العادى ، بس عيبه الوحيد إنك مش بتعرف (ترعش) بيه وهو بارد
لو ركبته فى الواطى هتضطر تنوره على طول وهيبقا فضيحة فى مع المرور وكمان هيأذى اللى قدامك طول الوقت
نصيحة ركب 8000k الابيض التلجي وبلاش 6000 لأنه ابيض مصفر
كل الزينون بيحتاج يسخن عشان يشتغل بقوته كاملة ماعدا الباى زينون اللى راكب فى عربيات عالية زى ال بى إم الجديد وكدة لأن هو بيبقا شغال أصلاً مع الواطى بس بيقا فيه عاكس هو اللى بيغير زاويته ويحوله لعالى أو واطى ، عموماً فى الزينون العادى لو شغلت الزينون شوية (بتاع نص دقيقة) واللمبات بقت جاهزة لما بتقلب بيها بتبقا شغالة عادى بقوتها كاملة بس لو سبتها 10 دقايق مثلاً ماشغلتهاش بتلاقيها رجعت قلت تانى ، عشان كدة هو دايماً بيبقا راكب فابريقة فى الواطى ، بس انا شايف فى مصر الأحسن يكون فى العالى خصوصًا لو الفوانيس مش عدسات
يا باشا مع احترامي لكلام حضرتك الكلام ده مش مظبوط انا مركب الأبيض التلجي 8000k عموما دي الألوان بأرقامها
ابيض على صفار وهذا رقمه 5000K
http://img43.imageshack.us/img43/6376/98219725.jpg
ابيض = 6000K
http://img23.imageshack.us/img23/4843/54122969z.jpg
ابيض ثلجي = 8000K
http://img59.imageshack.us/img59/808/58738237.jpg
ازرق = 10000K
http://img25.imageshack.us/img25/7452/27960234.jpg
ازرق على بنفسجي = 12000K
http://img59.imageshack.us/img59/658/98057441.jpg
يا باشا أنا عارف درجات اللون كويس ولا يمكن الـ 8000K يكون أبيض ثلجى هتلقى مزرق
Colour Temp (K) Colour De......ion 3000k Yellow light suitable for fog light
4300k White light with tinges of yellow 5000k Pure white light
6000k White light with tinges of blue
8000k Distinct blue color light
10000k Bluish-green light
12000k Bluish-purplish light
هى دى الالوان:
http://www.delonixradar.com.au/hid-x...ages/3000K.jpg
http://www.delonixradar.com.au/hid-x...ages/4300K.jpg
http://www.delonixradar.com.au/hid-x...ages/5000K.jpg
http://www.delonixradar.com.au/hid-x...ages/6000K.jpg
http://www.delonixradar.com.au/hid-x...ages/8000K.jpg
http://www.delonixradar.com.au/hid-x...ges/10000K.jpg
http://www.delonixradar.com.au/hid-x...ges/12000K.jpg
Colour Temp K
3000k- Yellow light suitable for fog lights
4300k- White light with tinges of yellow
5000K-PURE WHITE LIGHT
6000K-White light with tinges of blue
8000K-Distinct blue color light
10000K- Bluish-green light
12000K-Bluish-purplish light
المعلومات من:
HID color chart | Xenon colour chart
زى كلام مستر نابيل.
+1111111111
طيب متشكر اوى يا جماعه على المعلومات دى :)
عندى سؤال دلوقتى اللى حيركب حيقطع فى الفيش بتاعت الفانوس ولا حيركبه ازاى؟
لأ مش محتاج يقطع فى أي حاجة، كلها فيش بتركب فى الفابريكة
نصيحة لو تركب عدسات يكون أحسن عشان تاخد أفضل أداء و تضرش حد
طيب والعدسات دى مين اللى بيعملها ؟
ولا اجيب فانوس بعدسات احسن؟
ممكن تركبها عتد "جو" بتاع محمد عثمان بس حيعمل تعديل فى الكشاف! خسارة طبعا
ممكن تركب كشافات بعدسات، حتلائى عنده إختيارات كتير
هى العدسه حتفرش احسن من الفانوس العادى مش كده؟
ولو عندك صور للفوانيس اللى هنا فى مصر اكون شاكر جداً ليك لو نزلتها :)
مش هتقطع فى الأسلاك عشان الفيش إنما هتقطع عشان الكتاوت ، ويستحسن تحط الكتاوت فى حتة قريبة وأمان بعيدة عن المياه ، يعنى مثلاً فوق شوية ناحية الكنترول ، وابعد عن الكتاوت أبو 3 جنيه اللى مكتوب عليه تركى عشان هو صينى وبيضرب على طول والغريبة إنه كان بيخرف معايا أحياناً ينور العالى مع الواطى وأحياناً يفصل الواطى لما أولع العالى كدة بمزاجه والله من غير أى لعب !! :) ، فيه واحد تركى بجد ب 17 جنيه وحجمه أكبر ونضيف
ايه لزمة الكتاوت!!
انا مركبه كذا مرة ولا مرة احتجت كتاوت
الكتاوت بالذات انت ونصيبك ، هو الكتاوت اسمه بالإنجليزى relay وهو وظيفته إيه ؟ هو بيفصل ويوصل بين دايرة الحمل الأساسية ودايرة المفتاح بدون تلامس بينهم ، يعنى إيه ؟ يعنى أنا ممكن بزرار صغير أوى ماشى فيه سلكة شعرتين تلاتة أشغل دايرة كبيرة ماشى فيها لمبات كبيرة أو تكييف مثلاً ، بس لو التيار بتاع الدايرة الكبيرة دى مشى فى المفتاح الصغير ده المفتاح مش هيستحمله وهيسخن وهيتحرق ، عشان كدة بيركب الكتاوت كوسيط يعمل على فتح وغلق الدايرة بدون كونتاكت فعلى بين دايرة المفتاح ودايرة الحمل الأساسية ، بتبقا عن طريق مجال مغناطيسى صغير بيشد ريشة صلب فيعمل توصيل ولما تفصل المفتاح المجال المغناطيسى يروح والريشة ترجع تانى فتفصل الدايرة ، يعنى بتوصل وتفصل زى ما قولنا بدون تلامس فعلى يعنى بدون ما التيار الكبير يمشى فى المفتاح
معلش على المقدمة بس ضرورية عشان التوضيح ، إجابة السؤال بقا إن غالباً المفتاح اللى هو دراع النور فى حالتنا بيبقا متصمم على حمل اللمبات الفابريقة 55 وات مثلاً فلو انت ركبت لمبات 100 وات مثلاً المفتاح ممكن مايستحملش الكهرباء الزيادة دى وبتلاقى دراع النور بيسخن وممكن يتحرق ويسيح من جوا ، وممكن برضه يستحمل ومايتحرقش يعنى انت ونصيبك ، بس الأضمن طبعاً إنك بتركب على الدايرة كتاوت عشان تحمى مفتاح النور وخصوصاً إن الكتاوت رخيص وبيحميك من مشكلة كبيرة لا قدر الله عشان زى ما حضرتك عارف مشكلة صغيرة فى الكهربا ممكن تضيع العربية بالكامل
فى الأحمال الكبيرة فى العربية زى مروحة التكييف مثلاً غالباً بيبقا المفتاح راكب عليه كتاوت فى الفابريقة وده تجنباً إنه يضطر يعمل مفتاح كبير ويمشى كابلات تخينة جوا التابلوه
بس كدة
شكرا يابيه انا عارف الريلاي ملخصه انك متسيحش التبلوه ومتعملش حلرارة زيادة جوه الصالون
انا قصدي ان الزينون بيسحب كهرباء اخف بكتير من اللمبة العادية فالكتاوت الاصلية بتاعة نور العربية كفاية قوي
انا عن نفسي ركبته في عربيات وراكب في ال راسينج كمان ومفيش اي مشكلة:verygood:
خلاص يبقا 100 100 وربنا يسترها بس عموماً لو أخدت بالأحوط خصوصاً فى الكهربا يبقا أحسن
وتقبل تحياتى
يا رجالة الزينون بييجى بالمكنة بتاعته (البالاست) و هى المسئوله عن تحويل الكهرباء و الفنيات دى كلها (طالما الزينون 35 وات يبئى مفيش مشكلة، أما لو حتركب أعلى من كدة يبئى حتحتاج ضفيرة كشافات بدل الفابريكة "هارنس"، و عموما مصر مافيهاش غير ال 35 وات تقريبا)
شكراً يا رجاله على المعلومات :)
محدش يعرف ممكن اجيب زينون من بره واركبه فى التوكيل ولا لأ ؟
السلام عليكم...
التوكيل هيرفض تماما انة يركبة,انصحك انك تركبة عند ارابكوم,
بصراحة غالى شوية بس شغل نضيف,
لكن لو حضرتك بتدور على الزينون الاصلى (التوكيل اسعار مبالغ فيها جدا) انصحك بهاشم باص اخد توكيل فيليبس وما شاء اللة اسعارة فى المعقول,
فين هاشم باص يا موسولينى؟ و بكام؟ حد جربه قبل كدة؟
حد يعرف ال 12000 بيتباع فين؟؟؟؟؟ وسعره كام
شكرا يا موسيلينى...متعرفش السعر تقريبا كام وهل بيفرق حقيقى عن ال 8000 ولا مجرد فرق لون؟
العفو يا باشا,انا دائما فى الخدمة,فرق اللون بس وسعرة ب650..
بس اهم حاجة قولو انك من طرف د/ احمد (هلمنز) و ان شاء اللة يعملك خصم كويس...
بس بنصحك للة انك متركبش لا 12000 ولا 8000
اولا : هاتئذى الناس من الاضاءة..
ثانيا : الاضاءة مش حلوة فى الطريق ومش واضحة..
فانصحك بال 6000 (ابيض فقط) او ال 4300 (ابيض مصفر) و عن تجربة ال 4300 افضلهم
ال 4300 هو اقوي اضاءة يليه6000 ثم 8000 ثم 12000
كل مازدت في الرقم كل ماللون اتغير بس الاضاءة قوتها بتقل
السلام عليكم...
وانت كمان واحشنى يا باشا,كلامك مظبوط 100%,بالاضافة انهم نزلو كاوتش تويو لموديلات 2006-2008(مقاس 15/65/195),
بس فى حاجة فى موضوع التأمين دا سمعتها,ان اول سنة مش فى اى نسب تحمل (او بتتحمل 15%) فى السنة التانية 30% التالتة 45% و هكذا....
ماشاء اللة الفطيم بيوسع و هايعمل كايرو فيستيفال سيتى (المساحة الكبيييرة اوى اللى جنب التوكيل)
السلام عليكم
ايوه تأمين المشرق - و فعلا نازلين في تويوتا كمان - و غالبا الفطيم ليه يد في تويوتا من زمان ( لان هوه وكيل تويوتا في الامارات )
و التأمين عرضه كويس ( 3.5 % ) بدون تحمل
و 3% بتحمل ( بنسبه 10 % )
و ميزته ان مدخل الخدوش و العجل في التأمين ( انا مأكد عليهم في النقطتين دول)
موضوع العجل : لو مثلا نزلت لقيت حد مقطعهولك بسكينه و باظ همه بيغيرهولك
و كمان بيصلحوا العربيه و يحاسبوا ( الشركات الاخري بتخليك تحاسب التوكيل و بعد كده تروح تحاسب التأمين و يدولك فلوسك)
و كمان بيصلحولك في التوكيل لمده عشر سنوات (اي تأمين اخر اقصاها خمسه في التوكيل و بعد كده ورش )
ولكن المشرق بيصلح اول خمسه توكيل و بعد كده خمس سنين في التوكيل برده بس هيزود عليك نسبه التحمل
ده اللي اعرفه
السلام عليكم...
سيدى الفاضل,انت كدا بتتكلم فى حسبة ال 10الاف جنية...
اولا عشان تركب زينون اللى فى التوكيل لازم تجيب الفوانيس vti (سألت فى التوكيل و قالى لازم عشان كمرة الفانوس مختلفة) اللمبة الواحدة سعرها 880 جنية و هى من نوع اوسرام,الموديولفهو تابع لشركة ميتسوبيشى و سعرة ما بين 1200 الى 1400 للواحد(انا سألت قبل كدة بس على فترات متباعدة و كان بين الاسعار دى)و فى قطعة قالى مش عارف بتعمل اي بتوصل اللمبة بالموديول و دى ب 1000 جنية,لو جينا نحسب كدا هتلاقى الحسبة اكتر من 10 الاف...
وكل دة عشان الضمان بتعهم!طب ما الفيليبس,واى زينون هايديك ضمان بردة,وفية موجود منة نفس درجة اللون ال 4300ك ...فارخص و اوفر بكتييييير
تحياتى...