هل سحب العربية ضعيف احد الاسباب لتغيير طلمبة البنزين
هل سحب العربية ضعيف احد الاسباب لتغيير طلمبة البنزين
ايه اخبار الدواره معاك في الصباح ؟
هناك أسباب كثيرة لعدم سحب السيارة ربما تكون مشكلة في الكهرباء الخاصة بالإسبراتير أو أن يكون الأبلتين غير جيد وينبغي تغييره وكذلك الكوندينسر وأما بالنسبة للبنزين فتأكد من نظافة الكاربياتير وجودته في العمل وتستطيع تشغيل السيارة وفتح غطاء الكاربياتير " العمة " وملاحظة عملية ضخ البنزين هل تتم بصورة عادية أم فيها تقطيع وحينها احتمال الشك في طلمبة البنزينوالله أعلم
محمد السيد
الدايو اللي معاه مافيهاش كاربراتير أصلا !
أيوة يا باشا ممكن الطرمبة وممكن يكون الفلتر بس هو اللي مسدود ..
أقوللك .. فك الخرطوم اللي جاي من الفلتر ورايح على المانيفولد وخلي حد يدي مارش وشوف البنزين الخارج ضغطه عامل إزاي ..
وبعد كده فك الخرطوم اللي داخل على الفلتر وكرر الحركة .. لو لاحظت اختلاف واضح في قوة خروج البنزين قبل الفلتر وبعده يبقى الفلتر .. ولو ماكانش في فرق يبقى الطرمبة
طبعا انا مع الكلام ده , بس اعتقد كمان في حاجات تانيه كتير ممكن تكون سبب ضعف السحب
منها مثلا :-
1- اسطوانه دبرياج
2- بوجيهات
3- رشاشات
4- خلل كهربي
5- خشونه في البلي
6- مشكله في حساس العادم (الشكمان)
7- اعتقد كمان لو في مشكله في علب الشكمان ممكن تخنق العربيه في السحب
اتوقع في اسباب واحتمالات تانيه كتير
بس حبيت اشارك برأيي ومنتظرين رأي اصحاب الخبرات :shine[1]:
سبق اني سالت في النقطة دي و محدش رد عليه لاني بحس لما يكون التنك مليان (full)بيبقي سحب العربية زي الفل لكن لما يقل عن النص الوضع بيبقى اسوأ خاصة اني عارف اني طلمبة البنزين عندي شكلها هتودع ففي علاقة فعلا بينهم؟؟؟
الدايو ياباشا حقن إلكتروني متعدد النقاط وبالتالي لايوجد بها كاربتير زي ما العضو الفاضل أفاد ومفيش فيها أبلاتين وكوندنسروذلك لوجود وحدة الكنترول المركزية المسئوله عن ذلكecu
بس العيب فعلاً ممكن يكون إمابسبب بمجموعة ضخ الوقود أو الكهرباءأو ميكانيكا
الكهرباء: راجع على بوجيهات & سلوك بوجيهات &موبينة
ضخ الوقود :طرمبة بنزين &رشاشات& فلتر بنزين & فلتر هواء
ميكانيكا: بلي عجل& تيل فرامل&إسطوانية دبرياج
(و تحط العربية على السكانر علشان تطمن على مجموعة الحساسات و الرشاشات)
سبحانك اللهم وبحمدك ، أشهد أن لا إله إلا أنت أستغفرك وأتوب إليك
على فكرة .. ممكن تقطع معاك في مكان يخليك تتمنى لو كنت مليت شنطة العربية بطرمبات احتياطي .
شوف .. لو انت بتعرف تغيرها لوحدك .. خلي معاك الاحتياطي في الشنطة لحد ما تقطع خالص وابقى ركب الجديدة إنت . (الموضوع سهل جدا)
لو مش هاتعرف ..الأحسن ماتستناش عليها وغيرها طالما أعراضها بدأت .. تجنبا للوقوع في المشاكل أو إنها تعملها في وقت غير مناسب خالص .
اقتباس:
لو تضمن انها حتقطع فى حتة امان و فى مكان قريب من حد بتاع قطع غيار نضيف و ميكانيكى بيفهم و ميكونش معاك عيلتك و الساعة مش 3 صباحا و متكونش فى مشوار مهم و ضرورى يبقى سيبها لحد ما تقطع لوحدها
mmamdouh
والله إنت مشكله يا ابو يوسف.
يفضل بصراحة لان الحاجات اللى بتفصل بدون مقدمات دى بتقلق خصوصا ان تغيير الطلمبة مش عملية سهلة مقارنة بالبوبينة مثلا... غيرها و ريح دماغك من القلق
MMamdouh