ياجماعة هيا اللانسر هيجمعها ابو الفتوح ولا لا؟؟؟؟؟؟؟؟؟؟؟؟؟

**Ahmed Nouh** · 23-02-2010 12:43 AM

المشاركة الأصلية كتبت بواسطة amrelsaqqa

لا بلاش بلا تقفيل هنا بلا مصانع هنا بلا خامات هنا بلا قرف
و20 الف مش المبلغ اللى يخلي الواحد يركب عربية تقفيل او تجميع مصرى

مش بعيد الاسعار تفضل اصلا زي ما هى و اليابانى القديم يغلى اكتر ما هى بلد .......

نرجع ونقول , ماله التقفيل المصرى ؟

حضرتك ممكن تقولنا لما عربيه كانت يابانى وبقت تتقفل مصرى حصلها ايه ؟

ثباتها قل ؟ اعتماديتها قلت ؟ ولا هو لازم الخواجه اللى يركبها بإيده ؟

بالمناسبه 20 ألف جنيه يعنى حوالى 20% من سعر البومه الحالى وهى نسبه مش قليله ابدا , ممكن الواحد يقلب بيها عربيته ايفو مثلا

**abcdefghi** · 23-02-2010 01:03 AM

لأ صني لم إتقفلت في مصر باءت حاجة تانية كفاية ال ردتير ال سيئ ال مصري ال فيها غير عيوب ال تافيل ال فالصالون . يا رجل إسأل مجرب

**Ahmed Nouh** · 23-02-2010 01:17 AM

المشاركة الأصلية كتبت بواسطة abcdefghi

لأ صني لم إتقفلت في مصر باءت حاجة تانية كفاية ال ردتير ال سيئ ال مصري ال فيها غير عيوب ال تافيل ال فالصالون . يا رجل إسأل مجرب

والله مجرب وكنت بسمع الكلام ده كتير وخاصه عن الصنى ولما شوفت بعينى عرفت انها مجرد عقده صحيح لينا حق فيها بسبب قله ضمير العامل المصرى بس مراقبه الجوده فى المصانع دى مش سهله

الصنى مشوفتش حد من ملاكها قال ان ظهرله فيها تابلوه طق ولا خياطه فكت ولا كاوتش اتقطع ولا لما الدنيا مطرت العربيه دخلها ميه علشان نجزم ان التقفيل المصرى قتل العربيه

بالعكس الصنى مبقتش صنى غير لما اتقفلت فى مصر ولو كانت استمرت بالوضع اليابانى الله اعلم كان بقا مصيرها ايه

**amrelsaqqa** · 23-02-2010 01:37 AM

على فكرة انا كلامى لا يستند لتجربة شخصية بس اغلب الاراء اجمعت على ان تجميع السيارة في مصر

بيقتلها

والله اعلم ولم اجرب شخصيا الصنى وخلافه

**أبو إياد** · 23-02-2010 09:45 AM

انا ضد التقفيل المصرى بجميع المقاييس بالذات مع اى شركه غير اوروبيه
انا مصرى وعلشان انا مصرى عارف ياعنى ايه فهلوه
ومش هاقول اكتر من الكلمه دى فهلوه

**mgasser** · 23-02-2010 03:02 PM

بصراحه مش عارف ازاي مصنع بيجمع سبيرانزا يجمع لانسر ! و بعدين انا رأيي ان اللانسر يوم ما تنزل تجميع مصري هاتبقي بالنسبه ليه ... زيها زي الفيرنا. و طبعا انا ما بعبش في الفيرنا و لا في الاسبيرانزا و لكن هي ازواق

**seadaelbeda** · 24-02-2010 10:38 PM

انا جاري شغال في ابو الفتوح واكد معلومة ان ميتسوبيشي حتتقفل هنا عندهم في المصنع وان سعرها حينزل بس هو مش عارف كام بالضبط
ياريت لو تبلغنا باى اخبار جديده

**marwan_147** · 25-02-2010 04:35 AM

لا دى اشاعة ومفيش الكلام دة

**أبو إياد** · 25-02-2010 07:49 AM

المشاركة الأصلية كتبت بواسطة mazmaz

لا دى اشاعة ومفيش الكلام دة

والله انا عن نفسى اتمنى تكون اشاعه
بس بامانه لو عربيه زى دى اتقفلت فى مصر يبقا الواحد بعد كده مايركبش غير عربيات اوروبى على الاقل حتى لما بتتقفل فى مصر بتكون مواصفاتها خاضعه للشركه المنتجه

كفايه اللى واحد بيسمعه عن العربيات الصينى والعربيات الكورى والنيسان كمان