ياريت يا جماعة اللى عمل فرش للينيا يقولنا عامله فين وبكام علشان انا عايز اعملها فرش جلد علشان انا فرش عربيتى بيج فاتح فى غامق قطيفة وانتو عارفين الجو عندنا فمش هيستحمل
عرض للطباعة
ياريت يا جماعة اللى عمل فرش للينيا يقولنا عامله فين وبكام علشان انا عايز اعملها فرش جلد علشان انا فرش عربيتى بيج فاتح فى غامق قطيفة وانتو عارفين الجو عندنا فمش هيستحمل
نفس السؤال ويا ريت محمد ينزل صور اللينيا الي إتعملت في جينزكار
وانا معاكم لو هتعملوا ممكن كلنا نروح مع بعض 3 لينيا و أكيد هناخد تخفيض جامد عند أي حد
اللي عايز حل مؤقت - هو مؤقت عشان بيغطي ٩٠ ٪ من مساحه القماش - و سريع و فعال و رخيص ينزل شارع زكي و يجيب طقم (الطقم ٤ قطع) و نصف او طقمين فرش كليم الواحد ب ٢٥ جنيه و يروح لسروجي يركبهوله ب٣٠ -٥٠ جنيه و يريح دماغه لحد مينزلها فرش ... و بسرعه عشان القطيفه البيض بتتوسخ لما تبصلها بعينيك بس و بدون ما العيال يوقعوا عليها ايس كريم شوكولاته :majd(4):
ادى الصور يا يوكو واسف جدا على التأخير
شكرا يا محمد وشكلي هاخد الوالد ونروح بس عنوانهم فين بالظبط
شكرا يا محمد بس ياترى اتكلف كام
انا رحت عند جينز كار لأنه جنبى وشفت الصور دى لكن صاحبها غير الألوان وأنا اخترت لونين تقريبا زى الوان الفرش الأصلى جلد بيج ومطعم ببيج غامق والسعر حوالى 1450 قبل الخصم والواجب والذى منه والمده حوالى 4 ساعات فى التركيب ومش محتاج ياخد الكراسى عنده لأنه خلاص عنده الباترون ومقاس اللينيا والبرافو اللى خده من محمد ولغايه ما اقرر اعمل ده عملت حل كويس اولا الكراسى الأماميه حطيت عليها قاعده بلون الفرش من عند سبير كار ب 50 جنيه والكنبه الخلفيه حطيت عليها سجاده قطن جميله حدا من كرداسه ماشيه مع لون السياره ب 20 جنيه وممكن تجيب طقم 4 قطع وده حل مؤقت لكن جميل جدا ولو عاوزين تشوفوه ممكن نتقابل لأن الصور مش هاتجيب الشكل العام والف شكر ليك يامحمد انت اللى شجعتنى بصراحه لأنى كنت خايف من موضوع فك الكراسى
العفو يا باشا.
كلفتنى للبرافو 1400 جنيه بجانب 400 جنيه للأرضية والشنطة.
وايمن باشا قال انها ها تكلفه 1450 قبل الخصم.
يا فندم انا بس نقلت معلومة مش اكتر حبيت افيد بيها حبايبى هنا، بس كده تروح من غيرى :star1:
:36_3_10[1]: ايه رأيك تظبط مع ايمن باشا وتعملوها مع بعض فى وقت واحد؟؟؟
أنا راشق معاكم على فكرة بس نعكس اللون اللي في الصور يعني نخلي القاعدة سودة و الكرسي بيج
طب كويس، ياريت تجمعوا اكبر عدد وتروحوا تتفقوا سوا عشان يتعملكوا تخفيض حلو
يا رجاله انا صحيح مش لينياوي بس انا ناوي اروح اعمل عنده لما تتفقوا ممكن اجي معاكم و نظبط الخصم
معنديش مانع وليه الشرف انى هتعرف عليكم حددوا ميعاد ونروح ونحاول ناخد ااحسن خصم منهم
على فكره سعره ممكن ينزل عن 1400
انا عامله ارخص من كده
قولولي لما تيجو تروحو وانا آجي معاكم او اكلمهلكم
وكمان عرفوه انكم من نايل موتورز
اساسا جين2 ليها عرض عند جتز كار من زمان
http://www.nilemotors.net/Nile/94663-cps.html
بصراحة يا جماعة أنتوا بتهرجوا
متركبوا أي فرش مؤقت حتي لو من أبو 150 جنية علشان تحافظوا علي العربية و بعدين لما تلاقو الفرش التاني ربنا يحلها
و بصراحة 1450 جنية كتييييييييييييييييييييييي ييييييييييييييييييييييير قوي
حد فيكم جرب يروح عن سبير كار اللي وسط البلد في لاظوغلي جنب وزارة الداخلية
انا متأكد أنة حيعمل نفس الفرش اللي صورتة محطوطة دة بسعر اقل من كدة بكتيييييييييييييييير جدا
و بالنسبة لأرضية العربية صحيح
واحد صاحبي كان منزل جيتا من الخليج و كان عامل فيها فكرة مفتكسة
عارفين البلاستيك الشفاف اللي كان بيركب زمان علي الصالونات و كراسي السفرة
عمل الأرضية كلها بية و كان مكلفة في الكويت حوالي 500 جنية، بس ماشاء الله زي الفل
و يوم ما تحب تشيلة كاتر و تشيلة كلة في 10 دقايق و بيتحمل فوق اي حاجة، و أنا اسمع أن دلوقتي في منة لزق منة فية يعني حيتلزق فوق الأرضية علي طول
سبير كار مش حلو وحكايه الشفاف للأرضيه أنا عامله في العربيه في السعوديه وكلف حوالي ٢٥٠ ريال أو ٣٠٠ مش فاكر
يا جماعة سبير كار عندة تفصيل و ممكن أنت تجيبلة الخامات بنفسك و هو يشتغل عليها، و بعدين سريع و بينجز، و إن كنت أنا برضة عند رأيي ركبوا اي حاجة دلوقتي لحد ما تعملوا حاجة نضيفة
الفكرة أن لازم تنجزوا لأن فرش الفابريكة حيتمرمط و حيسد نفسكم من العربية أخر حاجة و خصوصا لو لون فاتح
يوكو : متعرفش حد بقي بيعمل الشفاف بتاع الأرضية دة هنا في مصر ؟؟
للأسف معرفش وأنا على العموم هروح لجينز كار النهاردة وهقولوكوا أخر الأخبار
انا لسه جي من هناك وبصراحة حاجة تحفه بس متكلمتش في السعر هو قال ١٤٠٠ بس شاويرلي إن فيه ناس وقالي لو أكتر من عربيه لينيا إتفقوا في نفس الوقت هيبقى فيه تخفيض كويس
سبير كار جنبى والناس هناك تعبانة جدا، هو حلو بس فى الفرش ابو 150 وكده لكن الحاجات النضيفة لا والف لا (عن تجربة)
هو جينز كار ممكن يكون غالى فعلا بس شغله لو شفته على الحقيقة حاجة تانية خااااالص.
حمدلله على السلامة يا يوكو، كده تروح من غير ما تقولى، انا عندك فى مدينة نصر طول اليوم بكرة، شوف ها نعرف نتقابل ولا لأ.
فعلا الناس هناك بيعملولنا الف حساب وبينزل السعر عشانا، وانا فرشى اتكلف 1400 فرش جلد مع قماش (اغلى من الجلد بس) ولونين وتطريز.
واحد تانى قادمى عمل جلد بس لكروز وكان لون واحد وكلفه 1600 جنيه.
إن شاء الله وغريبه
لإن لونين جلد ب١٤٠٠
ولونين جلد وقماش ب١٣٠٠
ده الي قالهولي أنا وأيمن!!!!
لأ خياطه عاديه بيج
انا قال لى لونين جلد وانا اخترتهم نفس لون الفرش لدرجه انه عجبهم جدا وخياطه زى الفابريكه تماما ب 1450 قبل التخفيض والكلام ده واعتقد انه ممكن ينزل 100 جنيه
لما كنا بنتفق علي ديل البروتون كان 3 انواع جلد مع خياطه بنوع مختلف و كمان بيزود اسفنج في الكرسي لان الجين كرسيها جامد شويه و الموضوع بـ 1300 جنيه و كمان بيعمل الهاند و المسند هديه و فرش الارضيه و الشنطه بـ 400 جنيه
ما دي الأسعار من بقة لسا مفصلناش معاه
عن تجربه الراجل دا الفصال معاه مستحيل دانا ريقي نشف و منزلش مليم :( بس الشغل ممتاز
لازم ينزل عن 1400 يا جماعة لأن للاسف أنا مش هأقدر عالمبلغ ده لأني لسة دفع 500 جنيه النهاردة تحت الحساب علشان أجيب المفتاح و مش هينفع أروح تاني لوالدي أقوله عايز كمان 1500 علشان الفرش
أنا عارف إنكم مالكوش دعوة بالقصص دي بس أنا بعتبركو اخواتي و حطوا نفسكم مكاني