نيسان صني اختيار كويس
عرض للطباعة
نيسان صني اختيار كويس
بيرسونا ..
proton persona
نيسان تقفيل مصري البروتون تقفيل بلاده عربيه وهو
البروتون كويسة سواء جين او بيرسونا او حتى واجا انا لسه شايف واجا امبارح وراكبها بصراحة تقفيلها ممتاز وصاجها قوي وتوكيل بروتون اتحسن كثير عن الاول .....
النيسان برده كويس والناس بتشكر فيه رغم التقفيل المصري ولكن نقطة ان شكلها كلاسيكي شوية وده مش مبرر لعدم شرائها ........
برده ممكن تفكر في الكيا الريو 2010 الشكل الجديد ثابتة ومناسبة وتوكيل كويس بس سعرها مبالغ فيه شوية
مع الأسف كلام حضرتك أبعد ما يكون عن الصحة, و الواضح إن حضرتك ماركبتش العربية خالص و لا حتي شوفتها من قريب...!!!اقتباس:
المشاركة الأصلية كتبت بواسطة lambo100;38723941
81
لإن حضرتك بتتكلم عن السيفتي اللي هو ميزة كبيرة جدا بتميز العربية عن كتيير من العربيات اللي في نفس فئتها السعرية, وحتي اللي أعلي منها كمان,
وحضرتك كمان بتتكلم عن الصاج و اللي بردو مشاء الله علية حديد مش ورق زي بردو معظم العربيات اللي في السوق المصري.
فأرجو من حضرتك فبل إعطاء النصيحية إن حضرتك تعرف العربية كويس من خلال حتي قراءة مواصفات العربية, أو خلال تجربتها بنفسك, ساعتها هاتقدر تحكم بجد.
وشكرا.
حضرتك ممكن تدخل كل قسم و تشوف الاراء المحايدة(يعنى الى كاتب المميزات و العيوب) و شوف ظروفك ايه و ربنا يوفقك للاختيار السليم
بص ياباشا,
أنا حكيلك تجربتي لإنها بالظبط كان عندي نفس الحيرة من 7 شهور تقريبا,
أنا بردو كنت عايز أشتري عربية في الحدود اللي معاك وأول لما فكرت فكرت في الصني الأتوماتيك و جربتها مع أحد الأصدقاء و كنت وقتها مقتنع بيها إلي حد كبير و بالفعل حجزتها من معرض وكنت خلاص هاستلم بس سبحان الله حصل مشكلة في إجرءات البنك فكنت مضطر إن أعيد الإجرءات تاني,
في الوقت ده كنت معجب جدا بالجين تو بس عمري ماسألت عن سعرها لأني كنت فاكر أنه معدي حدود الـ 100 ألف......!!
وفي مره كدة ماش مع واحد صاحبي و عدت قدمنا جين تو فقولتلوا (ياااااه علي العربية الجامدة دي كان نفسي أجيبها بس سعرها أكيد عالي) وكانت المفاجأه إني عرفت إن سعرها في نفس حدود سعر الصني....!!! مع كل الإمكانيات اللي فيها دي,
وعلي طول مامكدبتش خبر و جريت علي المنتدي علشان أعرف عنها أكتر, ولاقيت واحد جاري في المنطقة راجل كبير و محترم و ذو خبرة كبيرة في العربيات معاه العربية 2007, قابلته و سألته إيه رأيك في العربية و كان رده كتالي (قالي أنا كفاية إني أقولك أن أن أنا ماجيب جين تو غيرت 6 في 3 سنين أخرهم كانت لانسر بومة 1600 وبصراحة دي عربية ركبتها فيهم.)
سألتوا إذا كان ممكن أجربها معاه و الراجل بكل إحترام وافق, وفعلا جربتها لآقيتها (وحش),
و في اللحظة دي علي طول إقتنعت بيها 100%, ولغيت حجز الصني, ورحت علي طول حجزتها, ومن ساعة ماأستلمت العربية في أول أغسطس 2009 وأنا بحمد ربنا و بشكر فضله عليا إنه وفقني إني أشتري العربية دي,
وعلي فكرة أنا اللي كان مخليني مقتنع بالصني واحد صاحبي و حبيبي وجنون حاجة إسمها صني و كان ناوي يشتريها بعدي علي طول ولما إشتريت جين تو زعل و قالي (إنت اللي خلاك غبرت رأيك) قولتلوا خد جربها و كانت النتيجة (إنه إشتري بيرسونا) علي فكرة البيرسونا هي هي الجين تو بالظبط مع فرق الشنطة بس.
و أخيرا بدعوك لزيارة منتدي بروتون لتتعرف أكتر علي العربية و مواصفاتها الفنية اللي أكيد هاتخليك تقتنع بالعربية إن شاء الله, و ربنا يوفقك للخير إن شاء الله.
وشكرا.
الراجل بيقولك
إيه اللي دخل الإلنترا في الموضوع بقه ؟؟؟اقتباس:
يهمني جدا الثبات والامان
مال الإلنترا و مال الثبات و الآمان ؟؟
إير باجز = لا يوجد
Ebs = لا يوجد
ABD = لا يوجد
ثبات إيه و أمان إيه ؟؟
وبعدين أنا ملاحظ إنك عضو جديد وكل مشاركاتك شكر في هيونداي !!
وأظن إنك شايف إن صاحب الموضوع طالب النصيحة بين عربيات معينة , هيونداي طبعا مش فيهم
اقتباس:
انا محتار بين الصني الاتوماتيك والفيات جراند بونتو الاتوماتيك والبروتون جين تو
proton persona