نيو اكسنت سبورت ولا جين 2

**abdelrahman82** · 23-02-2010 03:23 PM

بصراحة اه لو غليت يبقى كتير اوي

**ezzatfox** · 23-02-2010 03:58 PM

المشاركة الأصلية كتبت بواسطة ahmed.ali

مع شديد احترامي لكل الهيونداي

والله الجين2 مينفعش تتقارن بالنيو اكسنت لا اداء و الا ثبات ولا كماليات
النيو اكسنت غلطه تسعير من غبور و النيو اكسنت اسبور غلطه في كل شئ جميل

الجين2 عربيه ممتازه بالنسبه للسعر و الرينو سيمبول و الجراند بونتو

مع احترامى الشديد لحضرتك .. لية مينفعش تقارن الجين بالنيو اكسنت
كل عربية ليها مميزاتها .. و ليها عيوبها
اولا كاداء لو فى فرق بين العربيتين هيبقى لصالح النيو اكسنت مش الجين شوف حضرتك القوة الحصانية لكل عربية و تكنولوجيا الموتور الموجودة فى الاتنين و استهلاك البنزين فى الاتنين و بعدين قرر .
الثبات .. انا معاك ان الجين ثباتها احسن بس الكلام دة هيبان لما تعدى 130 و 140 كم و دة نادر لما يحصل .
الكماليات .. طبعا لصالح الجين بس الموضوع مش بكتر الكماليات .. اهم حاجة هتقعد معاك اد اية و هتعمل مشاكل و لا لا .
حضرتك نسيت كمان تتكلم عن التقفيل و مستوى العزل و قطع الغيار و اعادة البيع و مراكز الصيانة و دى كلها تصب فى صالح النيو اكسنت .

**ezzatfox** · 23-02-2010 04:02 PM

المشاركة الأصلية كتبت بواسطة molly

هى فعلا لو غليت و بقت بـ 88 انا شايفه انه كتيير اوى عليها
دى اكسنت برضه ...

هو ممكن فعلا اجيب العادية و اركب لها فوج لايت و جنوط ، بس مريات الكهرباء هعمل فيها ايه؟
انا كان معايا i10 و كانت لو المريا مش مظبوطه لازم اقف و اعدلها و قصه كده....
ينفع اركب مريات كهرباء..و هتبقى بكام؟

اه صحيح انا عجبانى جدا الـجين 2
بس خايفه جدا من سعر اعادة البيع و التوكيل و عدم توافر قطع الغيار

فى هيونداى انت معندكش مشكله غير مع التوكيل بس .. واهو بيعدى

لكن انتم فعلا رائيكم لو غليت مشتريهاش؟؟؟

بالنسبة للمرايات الكهرباء موجودة و تمنها حوالى 600 او 650 جنية و ممكن تركبيها برة او فى التوكيل و ان كنت لا احبذها .. لية
اولا مرايات النيو اكسنت كبيرة بغباء .. يعنى حتى لو مش ظبطاها كويس بتجيبلك كل حاجة وراكى .. و عشان المراية كبيرة بتبقى عرضة للخبطات - فلو المراية كهرباء مش هتلاحقى عليها كل شوية انما المراية العادية كبيرها يوم ما يحصل حاجة هتجيبى الكف الازاز ب 50 جنية و تركبية و شكرا .

**molly** · 23-02-2010 04:13 PM

المشاركة الأصلية كتبت بواسطة ezzatfox

بالنسبة للمرايات الكهرباء موجودة و تمنها حوالى 600 او 650 جنية و ممكن تركبيها برة او فى التوكيل و ان كنت لا احبذها .. لية
اولا مرايات النيو اكسنت كبيرة بغباء .. يعنى حتى لو مش ظبطاها كويس بتجيبلك كل حاجة وراكى .. و عشان المراية كبيرة بتبقى عرضة للخبطات - فلو المراية كهرباء مش هتلاحقى عليها كل شوية انما المراية العادية كبيرها يوم ما يحصل حاجة هتجيبى الكف الازاز ب 50 جنية و تركبية و شكرا .

وجهة نظر برضه....

متشكره جدا على مشاركة حضرتك...

**Ahmed.Ali** · 23-02-2010 05:09 PM

المشاركة الأصلية كتبت بواسطة ezzatfox

مع احترامى الشديد لحضرتك .. لية مينفعش تقارن الجين بالنيو اكسنت
كل عربية ليها مميزاتها .. و ليها عيوبها
اولا كاداء لو فى فرق بين العربيتين هيبقى لصالح النيو اكسنت مش الجين شوف حضرتك القوة الحصانية لكل عربية و تكنولوجيا الموتور الموجودة فى الاتنين و استهلاك البنزين فى الاتنين و بعدين قرر .
الثبات .. انا معاك ان الجين ثباتها احسن بس الكلام دة هيبان لما تعدى 130 و 140 كم و دة نادر لما يحصل .
الكماليات .. طبعا لصالح الجين بس الموضوع مش بكتر الكماليات .. اهم حاجة هتقعد معاك اد اية و هتعمل مشاكل و لا لا .
حضرتك نسيت كمان تتكلم عن التقفيل و مستوى العزل و قطع الغيار و اعادة البيع و مراكز الصيانة و دى كلها تصب فى صالح النيو اكسنت .

عندك حق بس مقانه غبور بعزوز مقارنه قريبه بجد من بعض و ان كنت شايف من صحابي ان عز العرب احسن
العزل الجين2 عزلها مش بطال نهائي لاني لو قافل الازاز و ماشي علي 3.5 rpm مش هتحس بحاجه لاكن الموتور صوته عالي علي السرعات العاليه
استهلاك البنزين متقارب جدا و انا واحد من الناس متوسط استهلاكي 11 كيلو للتر
مراكز الصيانه المركز الجديد علي وشك الافتتاح و هنشوف
الكماليات في الجين2 مش مجرد كماليات بس عوامل امان مش عارف الناس مش بتهتم بيها ليه

**molly** · 23-02-2010 05:22 PM

المشاركة الأصلية كتبت بواسطة ezzatfox

مع احترامى الشديد لحضرتك .. لية مينفعش تقارن الجين بالنيو اكسنت
كل عربية ليها مميزاتها .. و ليها عيوبها
اولا كاداء لو فى فرق بين العربيتين هيبقى لصالح النيو اكسنت مش الجين شوف حضرتك القوة الحصانية لكل عربية و تكنولوجيا الموتور الموجودة فى الاتنين و استهلاك البنزين فى الاتنين و بعدين قرر .
الثبات .. انا معاك ان الجين ثباتها احسن بس الكلام دة هيبان لما تعدى 130 و 140 كم و دة نادر لما يحصل .
الكماليات .. طبعا لصالح الجين بس الموضوع مش بكتر الكماليات .. اهم حاجة هتقعد معاك اد اية و هتعمل مشاكل و لا لا .
حضرتك نسيت كمان تتكلم عن التقفيل و مستوى العزل و قطع الغيار و اعادة البيع و مراكز الصيانة و دى كلها تصب فى صالح النيو اكسنت .

انا بصراحه مشفتش حد اشتكى مشاكل جوهرية من الجين 2
وفعلا جين2 مش كمليات بس لا دى فيها ABS , EBD , Airbags, ودى حاجات مهمه مش بتبقى موجوده غير فى اعلى فئات من العريبات التانيه بس شوف بكام.

مشفتهاش غير فى الجراند بونتو بس بصراحه معجبنيش شكلها و صغيره جدا من جوه و مش ضامنه اسعار قطع الغيار و طبعا اغلى من الجين 2 تقريبا بـ10 الاف

سعر اعاده البيع هو اللى مشكله (مع انه نصيب)

على فكره انا بحب هيونداى جدا و هو ده اللى عاملى المشكله......

**eng.m7md.ali** · 23-02-2010 05:48 PM

فعلا وبدون زعل مينفعش نقارن الجين 2 بالاكسنت
على اساس الثبات والامكانيات وعوامل الامان والشكل الشبابي

والموتور اللي حضرتك بتقول عليه اداءه اقل من اداء الاكسنت
ياريت حضرتك تقرى عن موتور الكامبرو وعزمه وقوته وتقرى كمان عن شركة لوتس وهي من افضل الشركات لصناعة المواتير في العالم

**eng.m7md.ali** · 23-02-2010 05:50 PM

:b4_048:كل مشاكل البروتون تقتصر على التقفيل والخامات فقط
مفيش حد بيشتكي من الموتور ولا العفشة و لا الفتيس ولا اي اجزاء ميكانيكية

**ezzatfox** · 23-02-2010 07:29 PM

المشاركة الأصلية كتبت بواسطة felix

والموتور اللي حضرتك بتقول عليه اداءه اقل من اداء الاكسنت
ياريت حضرتك تقرى عن موتور الكامبرو وعزمه وقوته وتقرى كمان عن شركة لوتس وهي من افضل الشركات لصناعة المواتير في العالم

بالنسبة للمواتير فعلا الاتنين قريبين من بعض فى القوة و الفرق حصان او اتنين لصالح الاكسنت عشان كدة قلت لو فى فرق يبقى لصالح الاكسنت دة غير ان الاكسنت اخف فى الوزن بالتالى التسارع بيزيد و كمان موتورها انعم و استهلاكة اقل فى الوقود ... و بردة موتور الجين مش وحش بالعكس موتور قوى و قوتة بتبان اكتر على السرعات العالية .