لو سمحتم عاوز اروح مدينة العبور من ميدان الرماية بالعربية مش مواصلات وهل اقرب طريق هو الدائري ام هناك طريق اخر
عرض للطباعة
لو سمحتم عاوز اروح مدينة العبور من ميدان الرماية بالعربية مش مواصلات وهل اقرب طريق هو الدائري ام هناك طريق اخر
هو الدائرى من على الطريق الصحراوى اقرب ليك من ميدان الرمايه واسرع ( بدون اشارات ) وان كان هتبقى المسافه طويله
لكن فى كذا طريق لكن هتدخل فى اشارات وزحمه لو حابب اوصف لك
اه ياريت يا باشا توصفلي واشكرك لردك جدا
الدائري افضل طريق وليس أقرب طرق
وبما انك في الرماية ممكن تاخد الدائري في اي اتجاة يعني ممكن تاخد الوصلة الجديدة وتنزل علي دائري المعادي وتفضل مكمل علي دائري المعادي لغاية نزلة مصر الاسماعلية وبعد نتنزل هتفضل ماشي حوالي 5 دقايق لغاية مدخل العبور.
وممكن تاخد الدائري في الاتجاة الاخر اللي هو اتجاة شبرا والمرج وتكمل لغاية نفق السلام وتنزل النفق وتاخد أول ملف ف الاتجاة الخر هتلاقي نزلة طريق مصر الاسماعلية.
اشكركم على الرد جدا
بص ياباشا لو انت مش عاوز الدائرى
خد شارع الهرم او فيصل لاخره وادخل على جنينه الحيوانات فشارع الدقى وتطلع كوبرى الدقى بعد ماتنزل هتلاقى مطلع كوبرى اكتوبر ( بعد شارع نوال) هتطلعه وتروح معاه الى منزل صلاح سالم هتمشى فى صلاح سالم لغايه مساكنم الشيراتون وتطلع كوبرى المطار
وتلف منه شمال وتنزل كانك رايح ملاهى السندباد وتمشى علطول ( المطار هيبقى على يمينك ) لاخر الشارع فى كوبرى هتطلعه
هتنزل على اول طريق الاسماعليه ومنه هتروح سوق العبور ومدينه العبور
وتوصل بالسلامه
ممكن اسال برضو ازاي اروح مدينة العبور من زهراء المعادي
ياباشا انت تؤمر
هتاخد الاتوستراد فى اتجاه مدينه نصر لغايه ماتعدى النادى الاهلى هتلاقى كوبرى اطلعه وكمل علطول اخر الشارع هيوصلك عند مساكن الشيراتون هتعدى من تحت كوبرى المطار وتمشى هتلاقى ملاهى السندباد وتكمل زى الوصفه اللى فاتت
متشكر جدا للرد