بعد اذنكم رد سريع

**DR_UNIQUE** · 23-02-2010 10:33 AM

لو سمحتم عاوز اروح مدينة العبور من ميدان الرماية بالعربية مش مواصلات وهل اقرب طريق هو الدائري ام هناك طريق اخر

**Ashraf_Ashraf** · 23-02-2010 10:38 AM

هو الدائرى من على الطريق الصحراوى اقرب ليك من ميدان الرمايه واسرع ( بدون اشارات ) وان كان هتبقى المسافه طويله
لكن فى كذا طريق لكن هتدخل فى اشارات وزحمه لو حابب اوصف لك

**DR_UNIQUE** · 23-02-2010 10:47 AM

اه ياريت يا باشا توصفلي واشكرك لردك جدا

**e_amrawad** · 23-02-2010 10:57 AM

الدائري افضل طريق وليس أقرب طرق

وبما انك في الرماية ممكن تاخد الدائري في اي اتجاة يعني ممكن تاخد الوصلة الجديدة وتنزل علي دائري المعادي وتفضل مكمل علي دائري المعادي لغاية نزلة مصر الاسماعلية وبعد نتنزل هتفضل ماشي حوالي 5 دقايق لغاية مدخل العبور.

وممكن تاخد الدائري في الاتجاة الاخر اللي هو اتجاة شبرا والمرج وتكمل لغاية نفق السلام وتنزل النفق وتاخد أول ملف ف الاتجاة الخر هتلاقي نزلة طريق مصر الاسماعلية.

**DR_UNIQUE** · 23-02-2010 11:01 AM

اشكركم على الرد جدا

**Ashraf_Ashraf** · 23-02-2010 11:17 AM

بص ياباشا لو انت مش عاوز الدائرى
خد شارع الهرم او فيصل لاخره وادخل على جنينه الحيوانات فشارع الدقى وتطلع كوبرى الدقى بعد ماتنزل هتلاقى مطلع كوبرى اكتوبر ( بعد شارع نوال) هتطلعه وتروح معاه الى منزل صلاح سالم هتمشى فى صلاح سالم لغايه مساكنم الشيراتون وتطلع كوبرى المطار
وتلف منه شمال وتنزل كانك رايح ملاهى السندباد وتمشى علطول ( المطار هيبقى على يمينك ) لاخر الشارع فى كوبرى هتطلعه
هتنزل على اول طريق الاسماعليه ومنه هتروح سوق العبور ومدينه العبور
وتوصل بالسلامه

**DR_UNIQUE** · 23-02-2010 11:18 AM

ممكن اسال برضو ازاي اروح مدينة العبور من زهراء المعادي

**Ashraf_Ashraf** · 23-02-2010 11:23 AM

ياباشا انت تؤمر
هتاخد الاتوستراد فى اتجاه مدينه نصر لغايه ماتعدى النادى الاهلى هتلاقى كوبرى اطلعه وكمل علطول اخر الشارع هيوصلك عند مساكن الشيراتون هتعدى من تحت كوبرى المطار وتمشى هتلاقى ملاهى السندباد وتكمل زى الوصفه اللى فاتت