اجييب فيرنا ولا لاااااا

**SAMEHNOSHI** · 23-02-2010 04:36 PM

هاتها يا باشا, الفرنا عربية كويسة فى الفئة السعرية دية و فيها ميزات كتير زى ماتور حديث و قوى و مش بيتاثر بالتكيف و التحميل - تكيف ممتاز - رخص قطع الغيار - توافرها فى كل مكان - سعر اعادة بيع كويس - سهولة الصيانة خارج التوكيل. بس هتها فول اوبشن و متغلطش زى و الف مبروك مقدما

**amrehab** · 23-02-2010 07:20 PM

والله انا متشكر جدا لردودكوا الجميلة دى كلها بس دلوقتى الناس اللى بتقولى هات اللانوس يا جماعة اللانوس موتورها 1500 سىسى87 حصان يعنى صباح البطة مع التكيييف هل فى عربيات تانية فى نفس الرينجز ويرات بجد كل اللى قالو بلاش تقفيل مصر يقوللى العيوب اللى شفوها؟؟وكمان كنت عايز اسال عن عفشته ناشفة بتدب ولا معقولة الى حد ما؟ ومستنى بقييت الردود
شكرا

**tamershaweky** · 23-02-2010 09:23 PM

عمري ما كونت اتوقع اني في يوم من الايام اركب فيرنا بعد الالماني انا بركب الماني من 10 سنين تقريبا وبعد كده الفيرنا عن تجربه شخصيه عربيه جميله جدا العيب الوحيد فيها هو الثبات بس

**frontera09** · 23-02-2010 09:32 PM

هات الفيرنا وتوكل على الله الفيرنا افضل ماتور وعفشة من اللانوس

**M.Osman** · 24-02-2010 12:00 AM

توكل على الله

عربية حمّالة اسية بجد .. كفاية انها شغالة تاكسي و بايعة اكتر من 50 ألف عربية

**shouk_1987** · 24-02-2010 01:21 AM

المشاركة الأصلية كتبت بواسطة amrehab

والله انا متشكر جدا لردودكوا الجميلة دى كلها بس دلوقتى الناس اللى بتقولى هات اللانوس يا جماعة اللانوس موتورها 1500 سىسى87 حصان يعنى صباح البطة مع التكيييف هل فى عربيات تانية فى نفس الرينجز ويرات بجد كل اللى قالو بلاش تقفيل مصر يقوللى العيوب اللى شفوها؟؟وكمان كنت عايز اسال عن عفشته ناشفة بتدب ولا معقولة الى حد ما؟ ومستنى بقييت الردود
شكرا

بص العيوب كلها تتلخص فى مسلسل الأصوات ياعنى مثلا تزييقة من الكنبة أو من الباب اللى جنبك أو مثلا الإزاز بقى تقيل (بطىء كهرباء) شوية (ال wd-40 بيعمل العجب)
بس أشهد ان عافشتها بسم الله ما شاء و كمان مجنط 15
أنا واحد صاحبى معاه أوبترا و بنتحرك بعربيته كتير و عفشتها بتعد تدب بقيت مش مصدق

**M.Elsheikh** · 24-02-2010 01:50 AM

توكل على الله العربيه كويسه

**amrehab** · 24-02-2010 12:56 PM

يا سلام يا رجالة الفيرنا ووالله طمنتونى جامد الحمد لله لغاية دلوقتى انا شايف انها عربية كويسة جدا فعلا على كلامكوا دا...
طيب ايه ظروف الصيانة توكيلها كويس ولا لا اصل فى ناس كتير تقولى اى حاجة تغور مدام من غبور الكلام دا صح ولا ايه
وشكرا بجد يا جماعة لكل اللى ساعدونى برايهم ومشاركتهم

**amrdiab** · 25-02-2010 08:31 AM

المشاركة الأصلية كتبت بواسطة amrehab

والله انا متشكر جدا لردودكوا الجميلة دى كلها بس دلوقتى الناس اللى بتقولى هات اللانوس يا جماعة اللانوس موتورها 1500 سىسى87 حصان يعنى صباح البطة مع التكيييف هل فى عربيات تانية فى نفس الرينجز ويرات بجد كل اللى قالو بلاش تقفيل مصر يقوللى العيوب اللى شفوها؟؟وكمان كنت عايز اسال عن عفشته ناشفة بتدب ولا معقولة الى حد ما؟ ومستنى بقييت الردود
شكرا

طب متجيب اللوجان عربيه بتنتشر كالنار في الهشيم
عايز معلومات ادخل قسم رينو وادخل اهم موضوعات القسم تقرير مصور عن لوجان
وتحياتي لكل اعضاء قسم هيونداي

**dolly13** · 25-02-2010 09:58 AM

هات فيرنا ومش هاتندم
انا معايا 2009 وعاملة بيها 30 الف وزى ماهى مفيش فيها اى مشكلة وباعمل بيها اللى انا عايزاه على الطريق يعنى ساعات كتير باشد بيها لو طالبة معايا جنان وطبعا محدش بيعدى منى فى الفئات المعقولة يعنى!
ولو عايز تمشى بيها فى روقان كدة فهى برده جميلة لان عفشتها ناعمة جدا وانعم من اللانسر بتاعة زوجى كمان
هى بس صوتها عالى شوية بس مش مزعجة
توكل على الله ومش هاتندم صدقنى
بس للامانة برده هى الكنبية ضيقة حبتين تلاتة لكن لحد دلوقتى مش مسببالى مشكلة لان اولادى صغيرين
وعلى فكرة هى احسن من اللانوس وعن تجربة لان كان معانا لانوس برده
وربنا يوفقك