عايز رايكوا فى فيرنا 2010 يرات تقوللى رايكوا وعايز اعرف ايه عيوبها
عرض للطباعة
عايز رايكوا فى فيرنا 2010 يرات تقوللى رايكوا وعايز اعرف ايه عيوبها
هات وتوكل على الله الهيونداى اكثر السيارات انتشارا والفيرنا فلة :wink:والفيفا فلتين :lovlie02[1]:
وكفاية انك مش هنحتاج تدور على قطع غيار ولعلمك كل العربيات فيها عيوب ومميزات مهما كانت الماركة انت مسمعتش عن الكورولا ؟؟:B4_564:
الفيفا ال 1500 سىسى اوكتنها 87 يعنى نص التانك 80 و النص التانى 92
اما الفرناال 1600 سى سى فاوكتينها 91 يعنى لازم تحت 92
كمان اللانوس اوكتنها بردة زى ال 87 يعنى ينفع تحط نص تانك 80 و نص 92 و لو ظبت الكهرباء ممكن تحط 80 فقط لا غير
توكل على الله العربيه معايا من 2004 و عاملة 170000كم و الله كويسه بالنسبة لسعرها و قطع غيارها متوفرة و في منها الاصلي و في منها الكوري ,,, اهم حاجه تعمل الصيانات في ميعادها سواء في التوكيل او بره و بالتوفيق
طيب بالنسبة لتقفيل العربية عامل ايه انا عرفت انو مصرى هل بقى عامل مشاكل ولا ايه يعنى فى مشاكل متكررة ظهرت مثلا ولا لا
ويرات برضو الناس اللى سافرت بيها العربية عاملة ايه ثابتة ولا شوية هوا بيطروها؟؟
ومتشكر اوى لكل اللى ردوا ومستنى بقيت الردود
توكل على الله
عربيه ممتازة وتعتبر من احسن العربيات فى سعرها
التقفيل جيد هو مفيهوش مشاكل بتحصل بس مش ممتاز
الثبات معقول وبيتحسن كتير بعد الجنوط
انا مركب جنوط 15 وبسافر كتير جدا
العربية تمام و الحمد لله سهلة وبسيطة و قطع غيارها فى الأكشاك زى ما بيقولوا
التقفيل أديله 8 من 10 بس كله بتمنه العربية ب 70 ألف و مميزاتها حلوة بصراحها يمكن تلاقينى متحيز عشان أنا من ملاكها بس أنا كنت زيك على فكرة و كنت بكره الفيرنا جدا لعلمك
هاتها يا باشا, الفرنا عربية كويسة فى الفئة السعرية دية و فيها ميزات كتير زى ماتور حديث و قوى و مش بيتاثر بالتكيف و التحميل - تكيف ممتاز - رخص قطع الغيار - توافرها فى كل مكان - سعر اعادة بيع كويس - سهولة الصيانة خارج التوكيل. بس هتها فول اوبشن و متغلطش زى :M_yes[1]: و الف مبروك مقدما
والله انا متشكر جدا لردودكوا الجميلة دى كلها بس دلوقتى الناس اللى بتقولى هات اللانوس يا جماعة اللانوس موتورها 1500 سىسى87 حصان يعنى صباح البطة مع التكيييف هل فى عربيات تانية فى نفس الرينجز ويرات بجد كل اللى قالو بلاش تقفيل مصر يقوللى العيوب اللى شفوها؟؟وكمان كنت عايز اسال عن عفشته ناشفة بتدب ولا معقولة الى حد ما؟ ومستنى بقييت الردود
شكرا
عمري ما كونت اتوقع اني في يوم من الايام اركب فيرنا بعد الالماني انا بركب الماني من 10 سنين تقريبا وبعد كده الفيرنا عن تجربه شخصيه عربيه جميله جدا العيب الوحيد فيها هو الثبات بس
هات الفيرنا وتوكل على الله الفيرنا افضل ماتور وعفشة من اللانوس
توكل على الله
عربية حمّالة اسية بجد .. كفاية انها شغالة تاكسي و بايعة اكتر من 50 ألف عربية
بص العيوب كلها تتلخص فى مسلسل الأصوات ياعنى مثلا تزييقة من الكنبة أو من الباب اللى جنبك أو مثلا الإزاز بقى تقيل (بطىء كهرباء) شوية (ال wd-40 بيعمل العجب)
بس أشهد ان عافشتها بسم الله ما شاء و كمان مجنط 15
أنا واحد صاحبى معاه أوبترا و بنتحرك بعربيته كتير و عفشتها بتعد تدب بقيت مش مصدق
توكل على الله العربيه كويسه
يا سلام يا رجالة الفيرنا ووالله طمنتونى جامد الحمد لله لغاية دلوقتى انا شايف انها عربية كويسة جدا فعلا على كلامكوا دا...
طيب ايه ظروف الصيانة توكيلها كويس ولا لا اصل فى ناس كتير تقولى اى حاجة تغور مدام من غبور الكلام دا صح ولا ايه
وشكرا بجد يا جماعة لكل اللى ساعدونى برايهم ومشاركتهم
هات فيرنا ومش هاتندم
انا معايا 2009 وعاملة بيها 30 الف وزى ماهى مفيش فيها اى مشكلة وباعمل بيها اللى انا عايزاه على الطريق يعنى ساعات كتير باشد بيها لو طالبة معايا جنان وطبعا محدش بيعدى منى فى الفئات المعقولة يعنى!
ولو عايز تمشى بيها فى روقان كدة فهى برده جميلة لان عفشتها ناعمة جدا وانعم من اللانسر بتاعة زوجى كمان
هى بس صوتها عالى شوية بس مش مزعجة
توكل على الله ومش هاتندم صدقنى
بس للامانة برده هى الكنبية ضيقة حبتين تلاتة لكن لحد دلوقتى مش مسببالى مشكلة لان اولادى صغيرين
وعلى فكرة هى احسن من اللانوس وعن تجربة لان كان معانا لانوس برده
وربنا يوفقك
أنا أرشحلك اللوجان ...سياره تتحدى المطبات الصناعيه و الثبات ممتاز وصالون واسع والشنطه وااااااسعه. مع العلم أن الفيرنا من السيارات إللي تصميمها الخارجي بيعجبني جدا وبيبان فيها الترويش ... عموما ربنا يوفقك للأفضل بإذن الله ....تقبلوا تحياتي.
اواتوماتيك الفيرنا أخباره ايه ؟؟
طيب و اخبار البنزين ايه هل بيسحب بنزين من مشوار جوة البلد في الزحمة و الوقفة عشان البلد تقريبا وقفة طول اليوم و عاوز اعرف مسئلة البنزين ديه عشان مزينتي مش تسمح اني افول بنزين كل يومين ياريت تنصحوني هل هي موفرة ولا هحس بفرق عشان انا عربيتي 1300 سيس و الفيرنا 1600 يعني هل في فرق شاسع بينهم ولا ايه ؟
بص على الرابط ده و اقرأه بتأنى
http://www.nilemotors.net/Nile/93604-a-5.html#post3872477048
و بعد ما تقراه قول لنا وصلت لايه
السلام عليكم. انا من قسم اللانوس و جاى علشان بفكر فى الفيرنا مش جاى ارد على الناس اللى بيقولوا الفيرنا احسن من اللانوس لأن العربيتين قريبيين من بعض اوى. انا جاى أسأل سؤال للشباب الفيرناوى. ليه الفيرنا بيبقى شكلها وحش فى الحوادث ؟ ده اللى مخوفنى منها و شكرا لكم
اواتوماتيك الفيرنا أخباره ايه ؟؟
بص على الرابط التالى كويس
http://www.nilemotors.net/Nile/35256-2008-80-a.html
طيب فيرنا ولا فيفا ؟؟؟
السلام عليكم
بالنسبة للتقفيل المصري احب اوضح يعني ايه تقفيل مصري وده كلام اكتر من واحد في توكيل هيونداي .
1- الزجاج مصنوع في مصنع جريش
2- كاوتش الببان والشنطة والزجاج مصري .
3- الفرش مصنوع في مصنع في العاشر من رمضان ومتقفل في مصر طبعا .
4- الدهان بيكون في مصر هنا يعني هي مش جايا قطع مدهونة .
5- تجميع العربية نفسها وتركيب القطع بيكون هنا في مصر بايدي مصرية يعني لو الشنطة مرحلة 2 ملي مش هاتفرق طبعا ودي بشوفها في عربيات كتير اوي وبتكون زيرو والله .
6- وسمعت والله اعلم ان الجنوط الحديد بتكون مصري برده بس دي مش متاكد منها .
بالنسبة للفيرنا هي عربية قوية موتورها جامد وعفشتها حلوة بس هي كان عليها كلام كتير من حيث العيوب والمشاكل وده كنت بشوفه في التوكيل بس اعتقد ان الشركة بدات تتلافي هذه العيوب دلوقتي وكان زمان اول لما نزلت الفيرنا كان فيها مشكلة في الموتور وتم تغيير اكتر من 1500 موتور لـ 1500 عميل لكن طبعا دلوقتي مابقاش في الكلام ده .
انا من مستخدمي هيونداي واحب اقولك ان العيب الفظيع في الماركة دي هو التوكيل . راي انك تشوف مركز خدمة يكون معتمد وجنب بيتك وتحاول تظبط نفسك معام كويس وتتعرف على حد هناك وتعمل عندهم الصيانة الدورية وبانتظام لكن لو في عيب لازم تروح غبور لان المراكز المعتمدة دي مش هايغرولك حاجة على حسابهم وبياخدوا وقت اعتقد على مابيصرفوا اللى هما غيرهولك او يا خدوا فلوسهم من غبرو فعشان كده بيستسهلوا انهم يصلحوا .
يارب اكون قدمتلك معلومة كويسة
وربنا يوفقك
اواتوماتيك الفيرنا أخباره ايه ؟؟
طيب ما تشوف الشيفروليه لانوس انا شايفها افضل