أنا جاى من إسكندرية صحراوى ، كيف أدخل بعد بوابة الرسوم كى أصل إلى مركز شباب التجمع الأول بمنطقة التجمع الخامس - رجاء الرد سريعاً حيث أننى مسافر غداً ليلاً إن شاء الله
عرض للطباعة
أنا جاى من إسكندرية صحراوى ، كيف أدخل بعد بوابة الرسوم كى أصل إلى مركز شباب التجمع الأول بمنطقة التجمع الخامس - رجاء الرد سريعاً حيث أننى مسافر غداً ليلاً إن شاء الله
قبل بوابات القاهرة بشوية هتدخل 6 اكتوبر وتنزل علي الدائري من اوله ها تفضل ماشي لغاية ما توصل كارفور وبعدين ها تركز مع المكتوب علي الطريق ها تلاقي الموضوع مايتوهش وتوصل بالسلامة
البوابة- ميدان الرماية- ش الهرم- المنصورية او المريوطية الى الدائرى.
خليك على الدائرى - ثانى نفق بعد كارفور المعادى من فوق متنزلوش ( اكادمية مبارك للامن )
. تدخل يمين حوالى 500-600 م وبعدين شمال لحد البنزينة
ومركز الشباب خلفها
واسهل من كدة
تعدي البوابة وتكمل لحد ماتوصل الدائرى هاتلاقية معدي من فوق الصحراوي قبل ماتوصل الرماية بشوية
اول ماتشوفة تخليك ماسك يمين وتاخد المطلع اللي هاتلاقية اول ماتعدي من تحت الدائري وهاتلاقية بياخدك لفة كاملة لحد ماتطلع فوق الدائري تفضل ماشي طوالي لحد ماتلاقي يافطة علي اليمين بتقول المعادي القاهرة الجديدة التجمع الخامس تخليك ساعتها ماسك يمين ودي بقة وصلة المريوطية الجديدة
افضل بعدها مغ الطريق لحد ماتلاقي يافطة مكتوب عليها مدخل التجمع الخامس
اوعي تزهق المسافة من البوابة لمدخل التجمع حوالي 50 كيلو
مع تحياتي
وتحت امرك في اي سؤال
بعد ما تعدي البوابة وتعدي من بعدها تحت كوبري المحور كمل على طول لغاية ما تلاقي كوبري عالي وقبله يافطة الطريق الدائري يمين تطلعه وتمشي بتاع 4 كيلو وهتلاقي يافطة على اليميين مكتوب عليها المعادي والقاهرة الجديدة تدخله وتفضل ماشي بتاع 30 كيلو تقريبا لغاية ما تلاقي اكاديمية مبارك للامن على اليميين متنزيلش النفق اللي قصدها وتدخل يميين وتمشي بجانب صور الاكاديمية للاخر وتعمل يو تيرن وتدخل يميين كده انت بقيت في التجمع الاول
والله ياجماعة انا شاكر لكم جميعاً وإن شاء الله يكون الموضوع سهل وكتر خيركم كلكم
يعني يا جماعة ممكن من بوابات اسكندرية اطلع الدائري في اتجاه كارفور المعادي بس من غير ما اعدي علي الرماية و المنصورية ... ممكن وصف تفصيلي من ساعة لما الواحد يعدي بوابات القاهرة ؟
عايز اى اتجاه فى الدائرى
عايز اطلع الدائري اللي بيوصل ل مصر الجديدة و مدينة نصر