تانى اصدقاء
وتانى باردو 20000ج
وباردو فى 2007
ربنا يكون فى عونك ده يمكن انا اكتر واحد فى الدنيا حاسس بيك
بس نصيحه ماتعملش اى اجراء قانونى بس اقرفه وزن عليه وماتزهقش
عرض للطباعة
تانى اصدقاء
وتانى باردو 20000ج
وباردو فى 2007
ربنا يكون فى عونك ده يمكن انا اكتر واحد فى الدنيا حاسس بيك
بس نصيحه ماتعملش اى اجراء قانونى بس اقرفه وزن عليه وماتزهقش
علشان تريح نفسك روح بالشيك لاى فرع اتش اس بى سسي او حتى كلمهم على 19007 وتشوف ليه صلاحية ولا لا
وعلى فكرة فى الاغلب البنك قبل ميديك رفض حيكلم العميل يساله وبالتالى حيتهز شوية لما يلاقيك ابتديت تتخحرك بالشكل ده
* الشيك صالح لمدة ثلاث سنوات ( بدون تظهير ) .
* الشيك صالح لمدة سنة واحدة فقط - ( فى حالة التظهير ) ..
" وفى هذه الحاله يكون المستفيد الاخير هو صاحب الحق فى اختصام : المظهر له فقط - أو المظهر له و الساحب الأصلى معاً "
نصيحه أخويه من محامى :
خليك مع محامى - و يفضل يكون ثقه و سيبك من حكاية الصور و الكلام ده ( لو عايز تطمئن , ممكن يستلم منك الأصل على صوره لاتخاذ الاجراءات القانونيه ) ده هايسهل كتير شغله و يجيب نتيجه أفضل و أقوى - طبعاً الاخوه القانونيين فاهمين قصدى ..
تحياتى ,,,
بص ياباشا الموضوع بسيط جدا
1- الشيك بيسقط بعد مرور ثلاث سنوات علي تاريخة بمعني لو التاريخ محرر في 2006 يبقي سقط الشيك ولومحرر في 2007/1/1 يبقي سقط وهكذا تعد ثلاث سنوات من التاريخ المدون علي الشيك
2- في حالة مرور اكثر من ثلاث سنوات زي ماقولت بيسقط الحق الجنائي ويتحول الموضوع الي حق مدني يعني يكون القضاء المدني هو المختص وده طبعا وجع دماغ جامد اما في حالة عدم سقوطة بيكون القضاء الجنائي المختص يعني ترفع الشيك ومن اول جلسة تاخد حكم علية مباشرتا
ايه الاجراءات؟
1- هتروح لاي فرع من فروع البنك اللي مسحوب علية الشيك او لو ليك حساب في بنك ممكن تروح للبنك بتاعك يحصلك الشيك او يديك رفض لاكن الانسب تروح للبنك المسحوب علية هيديك افاده بنكية بعدم كفاية الرصيد او الحساب مغلق او عدم وجود رصيد
2- هتاخد الشيك والافاده وتروح لمحامي موثوق فية هتعملو توكيل علشان يرفع الشيك وزي ماقالو الاعضاء ممكن تحتفظ بالشيك ليوم الجلسة وتروح معاه تقدم الشيك وده لو رفع الجنحة بالطريق المباشر يعني في المحكمة علي طول اما لو راح القسم التابع ليه المتهم علشان يعمل محضر يبقي تروح معاه القسم لان القسم بياخد صورة من الشيك والرفض وبيوقع الظابط علي الاصل وتخلي الشيك معاك لحد مايتحدد جلسة تروح مع المحامي تقدمة
3- بالنسب لاتعاب المحامي فالعرف الدارج ان الاتعاب بياخدها المحامي من المتهم لما يتنازل عن القضية بس بما انك مش هتامن للمحامي ياخد الشيك اكيد كمان مش هيامن ليك انك ممكن تضيع اتعابة وتتصالح من واراه المهم حاول تسئل عندك في الموضوع ده
4- بعد صدور الحكم هيكون للمتهم الحق في عمل معارضه في الحكم وبعد الحكم في المعارضة من حقة استئناف مع سداد الكفاله وبعد الاستئناف من حقة معارضة استئنافية ودي اخر حاجه بعدها الحبس النهائي
اعتقد كده الامور وضحت قدامك
احسن ردود شفتها من البرنس ومستر سامح بالنسبه لانى خريج حقوق
فعلا اللى اعرفه ودارسه ان الشيك صلاحيته 3 سنين من يوم تاريخ كتابته ونك تظهره ديه حاجه كويسه عشان تريح دماغك من وجع القلب والمشاكل
ريحتني كتير يا احمد باشا الله يريح قلبك لان الدنيا اسودت في عيني فعلا لما شكيت في ان صلاحية الشيك سنة واحدة لان الشيك يستحق الدفع في 1/1/2008 و كلمة ادفعوا لامر مش مشطوبة و هو مش متسطر و لكن هل يكفي لتظهير الشيك مجرد توقيعي علي ظهر الشيك بدون تحديد الشخص المراد التظهير له؟
استاذ احمد شاكر جدا للاهتمام لكن الاخوة وضحوا ان سنة الصلاحية دي للشيك المظهر انما الغير مظهر ثلاث سنوات
ربنا ما يوقع حد في هذا الموقف ابدا و لكن هل الموقف ده يا استاذ محمد يعني ان من النهاردة مافيش اصحاب ..او فيه اصحاب انما بعيد عن الماديات حتي تظل الصداقة نقية - بس اعتقد ان ده يتناقض مع مبادئ اسلامنا اللي بتقول كان الله في عون العبد ما دام العبد في عون اخيه
المسألة بقت خلطبيطة بكل اسف لان صاحب عمرك اللي جاي يطلب منك فلوس و يتحايل عليك و يقسملك انه حيسددهم قبل ميعادهم و انت واخد كل الاحتياطات عليه بناء علي الحاح منه هو و ما يسددش و هو معاه فلوس و في الوقت اللي انت محتاج فيه فلوسك اشد الاحتياج زي حالاتي دلوقتي اشتريت شقة جديدة و قاسمة ضهري و بكل اسف اني مدخل الفلوس اللي ليا عند صاحبي دي في حسابات الاقساط و بعدين الواحد متعود يتعامل بحساب و باحترام مع اي حد و ميتأخرش في اي مستحقات عليه فتلاقي الموقف ده يحطك في مواقف حرجة جدا
انا علي فكرة مش مبطل زن عليه و قدرت اخد منه نص المبلغ بطلوع الروح بس زهقت من كذبه و ملاوعته
حيحصل يا باشا في اقرب وقت و حبقي اقول لسيادتك علي النتيجة و شاكر لمرورك الكريم
اكتر كلام ريحني وواضح ان سيادتك محامي و محامي عقر كمان و شاكر جدا لحضرتك و نصايحك العظيمة بس اسمحلي حضرتك اسألك نفس السؤال اللي سألته للاستاذ احمد كمال و هو عن التظهير .. هل يكفي توقيعي علي ظهر الشيك للتظهير و لا لازم اكون محدد الشخص المظهر له الشيك لان انا عارف ان الحرف و الشرطة علي الشيك ممكن تبوظه
فعلا يا باشا وضحت كتير بفضل الله ثم بفضل نصائح الاخوة الافاضل و جزاك الله كل خير و نجاك من المشاكل
الله ينور عليك يا باشا و بكرة تبقي متر قد الدنيا ان شاء الله و شكرا علي المشاركة و الاهتمام
محمد فهمي
تحت أمرك يا باشا انت أو أى من الاخوه الأفاضل الأعضاء ...
س : هل يكفي توقيعي علي ظهر الشيك للتظهير و لا لازم اكون محدد الشخص المظهر له الشيك
ج : يظهر الشيك بتوقيعك فقط - و يصبح حامله هو المستفيد .
وبرده هكرر النصيحه للجميع و كنت قلتها فى موضوع آخر :
لازم يكون عند كل واحد محامى يا جماعه علشان مصلحته تخلص بسرعه و تخلص صح و حقه يرجع .. و مش لازم تعطل وقتك و تروح بنفسك - المحامى الشاطر بالتوكيل هايخلصلك العفريت ..