استشارة قانونية بنكية مهمة جدا ؟؟
معايا شيك بنكي من hsbc علي شخص و بكل اسف كان صديقي و معذور في مبلغ ضخم فسلفته هذا الميلغ لانه كان من اعز اصدقائي و بكل اسف معرفتهوش علي حقيقيته الا في هذا الموقف
كان الكلام ده في بداية 2007 و استلف مني 20000 علي ان يردهم بعد شهرين و انا اخدتها من باب من فرج علي مسلم كربة من كرب الدنيا فرج الله عليه كربة من كرب يوم القيامة و كتب علي نفسه شيك بنكي بالمبلغ بتاريخ 1/1/2008 من بنك hsbc و بكل اسف عندما طالبته برد المبلغ بعد اربعة شهور مش شهرين زي ما كان متفق قعد يماطل و يقسم باللله انه في خلال اليومين الجايين حيكون جهز المبلغ و لا حياة لمن تنادي و خصوصا انه معاه فلوس و الظروف اتحسنت معاه الا انه واثق من اني مش حقدر أذيه عشان هو عارفني كويس
المهم بعد ضغوط من الاصدقاء و المعارف اقدرت اتحصل منه علي 10000 و متبقي زيهم فولاد الحلال نصحوني بانه مش حيتحرك الا لما اخد عليه اجراء و السؤال:
- هل ينفع اني اروح البنك و اخد رفض دلوقتي علي شيك يستحق الدفع منذ 2008
- هل ينفع تظهير الشيك بأسم واحد تاني لان صاحب العمارة الجديدة اللي انا ساكن فيها و هو بالمناسبة قريبي و فيه بيني و بينه اقساط فلما عرف قالي ظهري الشيك باسمي و انا اعرف اتعامل معاه علي ان يتم قيمة الشيك من القسط اللي علي
- هل بعد اخدي رفض علي الشيك اقدمه للنيابة بمفردي كده و لا عن طريق محامي افضل و طبعا الشيك باجمالي المبلغ لكن بالطبع انا حاخد حقي و بس
شاكر جدا لردود الاخوة المحامين الافاضل
محمد فهمي