الموضوع: بنزين 80 ... فى اللوجان

المشاركة الأصلية كتبت بواسطة cementman

ااااه عرفت انت اللى موضوعاتك كلها غريبة و متناقضة و غرضها افساد سيارات الأعضاء
كده الموضوع عبارة عن اشتغالة تقدر تقولنا انت هتستفيد ايه لو حد صدق كلامك و بوظ عربيته؟؟؟؟؟؟؟؟

المشاركة الأصلية كتبت بواسطة mazmaz

لو فعلا دى نيتة يبا انسان مش كويس .. اما لو صادق فدى تجربة تتحمل انتا عواقبها ولا انصح اى شخص راكب عربية حديثة ان يفعل هذا

حرام كل الاتهامات دي ل شخص واحد..هو مقلش ل حد حُط 80 هو قال أنا بحط 80 ومستني اشوف بيحصل إيه..هل هو جه خبط على بيتك وقال 80 للبيع والله المنتدى بقى فكسان وكله أي كلام في أي حتى

المشاركة الأصلية كتبت بواسطة engehab

انا هنقل تجربتى الشخصية بكل صراحة للجميع

فى احد المرات للاسف التانك معى خلص ولم اجد 90 واضطريت وضع صفيحة 80

ولم اجد اى تاثير على السيارة فى السحب او تسقيف او غيره
بعدها وضعت صفحية 90 تكملة للاولى


ومن ذلك الوقت اخلط صفحتين 90 و80 واحينا بيكون 90 فقط او 80 فقط فى الظروف الطارئة

اغلب الناس الخبرة العملية بيقلو عربيتك زى ما تعدوها 90 او 80 المهم تثبتها على نوع معين وتمشى بيه

وانا اعرف واحد معاه اوبترا بقالها 3 سنين شغالة ب 80 فقط ولم يحدث لها شئ

بالتوفيق

هو ده اللي بيسموه نقل التجربة للافادة مش الهجوم عالغير لانه جرب..يا جدعان الراجل جرب في عربيته ا اللي مزعلكوا..حد فيكم ليه حصة في مبيعات بنزين 90,92,!؟

يا راجل دا انا مرة حطيت بنزين 92 مغشوش كان شكله 90 العربية حسيت انها قلبت 127 وبقا سحبها مفيش وعمالة تكركر وتعطس وتكح

المشاركة الأصلية كتبت بواسطة moral

لو كان كل واحد يضع بنزين على كيفه كانو ليه بيكتبه اقل حاجه 91
وانا ارجو من صاحب الموضوع ان كفايه ثلاث مواضيع كتبتهم تعبت كل المنتدى معاك
:i_angr1[1]:

ربما يكون المنتدى هو من اتعب نفسه بنفسه

المشاركة الأصلية كتبت بواسطة aelhossan

انا كمان مش مصدقك

﴿ يا أيها الذين امنوا اجتنبوا كثيرآ من الظن أن بعض الظن اثم ﴾

يا شباب .. هو فيه حد فينا هنا لسه فى الحضانة علشان ينضحك عليه؟؟
متهيأ لى كلنا رجالة رجالة بشنبات وستات ناضجات ونقدر ناخد قراراتنا بحكمة ..

الأخ نقل تجربة مشكور عليها ..
وهو على فكرة مش أول واحد يحط بنزين 80 فى عربية حديثة
ياما شفت عربيات أغلى من اللوجان فى البنزينة بتفول 80

مافيش داعى للتكذيب .. يعنى لو حد مش مصدق ، يقفل الموضوع وخلاص
ومايقلقش على باقى الأعضاء لأنهم مش صغيرين ..

اولا: ارجوا من الجميع الهدوء
ثانيا: ارجوا من كل عضو جديد وانا منهم ينضم الي قسم ان ياخذ جوله بسيطه علي القسم التعليمي فهناك سيجد الكتير من المعلومات الفنيه والثوابت لجميع السيارات ومنها علاقه انوواع البنزين ونسبه الانضغاط واداء المحرك
http://www.nilemotors.net/Nile/16758...engine-cr.html
ثالتا : للاخ صاحب الموضوع انا بعتذر لك حظك معانا كده كل ما تعمل موضوع يثير الجدل مش عارف !!!
لكن لوكنت اخذت جوله في القسم التعليمي كنت هتلاقي ان تجربتك دي ليها وعليها
ليها....انك بتوفر فلوس من تمن البنزبن ....
وعليها ....ان انت بتدفع الفلوس دي مره تانيه نتيجه تلف الموتور بالكامل وليس الرشاشات....

[gdwl]لو نسبة الإنضغاط عالية زي المواتير الحديثة عموما وهذا يكون موضح في الكاتلوج وأعلى نسب إنضغاط تكون في السيارات الغالية مثل المرسيدس والبي إم والسيارات الرياضية أيضاً أو كل سيارة من مستواهم في هندسة المحركات الحديثة
ولو لم يحدد في الكتالوج الخاص بتلك النوعية من السيارات المتقدمة ذات نسب الإنضغاط المرتفعة نوع البنزين الموصى به (إحتمال ضعيف) .فعلينا أن نبحث بالكتالوج عن نسبة إنضغاط المحرك ومن النسب التى وضعتها بالأعلى نختار نوع البنزينأو نسأل التوكيل أو نبحث عن موقع السيارة على شبكة المعلومات الدولية وننظر ما هو نوع البنزين المناسب للمحرك.
ومن الطبيعي أن نضع في تلك السيارات رقم بنزين عالي لأن محركات هذه السيارات متقدمة ونسبة انضغاطها عالية ومصممه للبنزين ال 95 مثلا أو 92 على الأقل لكن لو وضعنا بها بنزين 80 مثلاً وإسترخصنا فكأننا نقوم بتدمير المحرك بدون مبالغة ولكن على المدى الطويل (ليس تدمير فوري) [/gdwl]

رابعا :للاخوه الاعضاء بالهداوه لا يجب ان نتهم الناس جزافا فنحن لسنا فاقدي الاهليه ليدفعنا اي شخص او اي عرض سواء اعلان او منتدي ليجعلنا نفعل شيئ فيه ضرر سواء لنا او لممتلكاتنا او نقدم علي فعل شيئ رغم عن ارادتنا.
فليس منا من يستمع لتجربه اي شخص اخر ويسارع بتنفيذها.واذا حدث ذلك فالعيب ليس الا في من قام بتنفيذ تجارب غيره دون دراسه.
خامسا: اؤيد بشده راي photographer , Egyzizo, MNBahr