الموضوع: بنزين 80 ... فى اللوجان

السلام عليكم يا شباب
حبيت اقولكم على حوار البنزين فى عربيتى
لعل وعسى ينفع ومش يضر كتير
انا معايا اللوجان طبعآ الفول اوبشن
وعامل بيها دلوقتى فوق ال 8000 كيلو
المفجأه بقى اللى فى الموضوع
انى بستخدم بنزين 80 من اول ما جبتها
والعربيه طبعآ محصلش فيها اي مشاكل من ساعتها
ولغايت النهارده العربيه ماشيه وبتسحب وزي الفل
وربنا يستر على الرشاشات بقى
يا ترى طقم الرشاشات عامل كام عشان ابقى عامل حسابى
اوعدكم اول ما طقم الرشاشات يتسد هبلغكم


تنبيه للعضو بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الأدارية
مشرف الأوروبى 1

المشاركة الأصلية كتبت بواسطة super_star_h

السلام عليكم يا شباب
حبيت اقولكم على حوار البنزين فى عربيتى
لعل وعسى ينفع ومش يضر كتير
انا معايا اللوجان طبعآ الفول اوبشن
وعامل بيها دلوقتى فوق ال 8000 كيلو
المفجأه بقى اللى فى الموضوع
انى بستخدم بنزين 80 من اول ما جبتها
والعربيه طبعآ محصلش فيها اي مشاكل من ساعتها
ولغايت النهارده العربيه ماشيه وبتسحب وزي الفل
وربنا يستر على الرشاشات بقى
يا ترى طقم الرشاشات عامل كام عشان ابقى عامل حسابى :e_braces[1]:
اوعدكم اول ما طقم الرشاشات يتسد هبلغكم

ازاى حضرتك اذا كان غطا فتحه التانك مكتوب عليها 91 او 95 او 98 يعنى اقل حاجه 90

...وعشان الدول الاوربيه مفيش فيها اصلا 80 بيقى اكيد العربيه مصممه على ان تعمل..على الاقل ب 90

عموما شكرا جزيلا على التجربه والتضحيه بطقم الرشاشات من اجل عيون اعضاء المنتدى....

فى انتظار التقيم بعد ال 20 الف ان شاء الله

مين اللى قال ان بنزين 80 يعنى مش نضيف او فيه شوائب؟؟؟
الرقم ده يعنى قدة البنزين على تحمل الانضغاطدون ان يشتعل
وكلما زاد يعنى قدرة اعلى
و لأن الانضغاط فى فى اللوجان 9,5 يبقى بنزين 80 هيسبب احتراق عشوائى و قد يؤدى الى شروخ فى جسم المحرك او تأكل المكبس (البستم)
أتمنى الا تكون صادق فى كلامك

ااااه عرفت انت اللى موضوعاتك كلها غريبة و متناقضة و غرضها افساد سيارات الأعضاء
كده الموضوع عبارة عن اشتغالة تقدر تقولنا انت هتستفيد ايه لو حد صدق كلامك و بوظ عربيته؟؟؟؟؟؟؟؟

المشاركة الأصلية كتبت بواسطة wmz

طقم الرشاشات ملوش علاقه برقم الاوكتين بتاع البنزين خالص الى بيأثر على الرشاشات ديه نسبه الشوائب وديه بتكون واحده فى كل انواع البنزين طالما الجهه الى بتمون منها واحده يعنى نظافه خزانات البنزينه والعربيات الى بتنقل البنزين وحاجات كده ( ديه لو جت على الرشاشات يبقى عنب )
انما الفكره فى حاجه اسمها نسبه الانضغاط للمحرك فالمفروض أن الى يحط بنزين يحط بنزين زى الشركه ما بتقول ممكن بقى بعد كام سنه ولما العربيه تبتدى تتقادم نحط أيه حاجه ما هى الدنيا هتبقى خربت ومش هاتفرق بس مع عربيات فبريكيه صعب جدا مين يجيلوا قلب

ملحوظه :
يا احلى واجدع اعضاء منتدى شفتهم فى حياتى يا ريت ما نفترضش سوء النيه

يا باشا هو مش سوء ولا حاجه....يعنى لو بفرض ان حضرتك معندكش خبره فى السيارات

ودخلت وشوفت الموضوع الغريب ده قبل ما الساده الاعضاء اللى عندهم خبره زى حضرتك

اتكلموا....هايكون ايه العمل الرجل يروح ينفذ فى عربيه لانه ممكن يدفع 90 قرش فى التر بدل
185 قرش....

تانى حاجه انا تعليقى الاول كنت بتكلم بنفس اسلوبه لان كان بيصور لنا ان المشكله ها تكون فى

صقم الرشاشات...بس...فانا كان لازم اشكره على التضحيه العظيمه

العربية بتسقف معاك ولا لأ ولو مبتسأفش لما بتشغل التكيف بتسقف ولا لأ ؟؟؟

لو فعلا دى نيتة يبا انسان مش كويس .. اما لو صادق فدى تجربة تتحمل انتا عواقبها ولا انصح اى شخص راكب عربية حديثة ان يفعل هذا

المشاركة الأصلية كتبت بواسطة mazmaz

لو فعلا دى نيتة يبا انسان مش كويس .. اما لو صادق فدى تجربة تتحمل انتا عواقبها ولا انصح اى شخص راكب عربية حديثة ان يفعل هذا

ياريت يكون اصلا يكون من ملاك العربيه....مش عارف كده ان عندى لمبه حمرا منوره

المشاركة الأصلية كتبت بواسطة bishoy02010

العربية بتسقف معاك ولا لأ ولو مبتسأفش لما بتشغل التكيف بتسقف ولا لأ ؟؟؟

تم الرد على الخاص ...
ولأى استفسار من احد ممكن يكلمنى على الخاص وانا تحت امره
رجاء اول واخير من مشرف القسم والادارة
برجاء غلق الموضوع بناء على رغبتى فى ذلك
لانه تم اهانتى عمدآ من الساده الأعضاء المحترمين



تنبيه للعضو بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الأدارية
سيتم أغلاق الموضوع بناء على رغبتك و رجاءً أستخدم تقارير المشاركة فيما بعد لضمان أستجابة أسرع لطلبك
مشرف الأوروبى 1