الموضوع: محتاج مساعدة فى تسعير فوكس جيا 2009 sw

أيه يا جماعة مفيش حد عنده فكرة عن العربية ولا مالك ليها فى المنتدى؟

هو محدش خد باله من الموضوع ولا العربية صعبة يا جماعة كده
أنا قلقى زااااااااااااااااااد أوى

الف شكر يا رجالة على وقتكم وإهتمامكم والعربية انا شفتها بحالتها وهاخدها أكشف عليها فى فكرى لما أتفق معاهم على السعر إن شاء الله ولو فى علامة إستفاهم ليه بيبعوها فده جوابه عندى هم ناس جيرانى وصاحب العربية جابها من شهرين وتوفى يعنى ملحقش يركبها غير ال 900 كم دول ووالورثة عايزين يبيعوها هى فى فكرى جديدة بـ168000 كمان مش طالبين سعر محدد بيقولوا ثمنها أنت وقول واحنا نقول اه ولا لا .. إمبارح قولتلهم 130000 عشان عارف انى هتعب جدااااااااااااااااااااااا اا لما أجى ابيعها واخسر جامد فقولت أأمن نفسى خصوصا انى اصلا كنت رايح اشترى اوكتافيا ساعة مقالولى بس هم رفضوا السعر ده..و النهاردة ممكن أرفع معاهم 5000 وأظن كده كويس... بس قولولى أيه أخبار قطع الغيار وإستهلاك البنزين للأن كان فى حد هنا فى المنتدى يشتكى من إستهلاكها العالى للبنزين مع أنها 1600سم 4 سلندر مش الفورد الأمريكانى يعنى واخبار وكيلها أيه كويس ولا لا؟ وشكرا لتعبكم الف شكر

العربية كانت معايا 2008 الشكل الحالى وبعتها لأخويا وقطع الغيار سعرها معقول يعنى زى الفولكس بس لازم تحطلها 95 واخويا حطيلها 92 لمسافة 5000 كم إضطر يغيرلها حساسات وخلافة يجى 2000 جم ، وتقييمى للعربية ديه ما تزودش عن 135000 جم وديه مش شطارة ولا إستغلال موقف والعياذ ب الله بس ده ثمن كويس لأن إحسبها تنزل 20% من ثمنها لو عامله أى كيلو متر لحد 10000 كم

المشاركة الأصلية كتبت بواسطة kmhbravo

العربية كانت معايا 2008 الشكل الحالى وبعتها لأخويا وقطع الغيار سعرها معقول يعنى زى الفولكس بس لازم تحطلها 95 واخويا حطيلها 92 لمسافة 5000 كم إضطر يغيرلها حساسات وخلافة يجى 2000 جم ، وتقييمى للعربية ديه ما تزودش عن 135000 جم وديه مش شطارة ولا إستغلال موقف والعياذ ب الله بس ده ثمن كويس لأن إحسبها تنزل 20% من ثمنها لو عامله أى كيلو متر لحد 10000 كم

شكرا ياباشا على الإفادة وانا رأيى برضه ان لحد 135000 كويس بعد كده لا وياريت لو عندك اى ملاحظات تانية بخصوص العربية الفوكس عموما وتوكيلها وإعادة البيع وقطع الغيار وهكذا تفيدنى للأنى معنديش فكرة عن العربية خالص