شكر جامد للسيد الوالد
والدي مهندس كهربا ..على المعاش
وطبعا
مش بيحب إني أصرف على العربية في حاجات(ملهاش لازمة) من وجهة نظرة
سارينة الشرطة التايواني إلي أنا مركبها
باظت ...ليه ؟؟
الله أعلم
المهم
الكهربائي قالي ..روح لواحد بتاع تليفزيونات وكاسيتات
روحت لواحد مشهور
قالي باظت ومش نافعة
سيبتها في البيت ..ونسيتها
إمبارح بس ..والدي شافها
والدي :" إيه دي يا أحمد ؟"
أنا :" سارينة يابابا."
والدي:" يعني بتعمل إيه في العربية."
وبكل كسوف :" سارينة شرطة يابابا"
طبعا ..نظرات معناها
ياهاااااااااااااااااايف
المهم
والدي:" بكام بقا البتاعة دي يادكتور (مع التشديد على كلمة دكتور)؟"
أنا:" بـ40 جنيه ياحج."
- مع إني شاريها بـ180 جنيه من التوفيقية ..ولو كنت قلتله كده ..مش بعيد كان فكرني بأيام الإبتدائي :khd:-
والدي:"ومش حرام تدفع 40 جنيه ..في حاجة هايفة ملهاش لازمة"
أنا :" ياحج دي قديمة أوي .ومن زمان"
المهم
إنها بايظة
راح ماسكها..وفاتحها
وجاب العدة بتاعته..ولبس نظارة القراءة
وجاب الأفوميتير..وكاوية اللحام
وقعدوا مع بعض شويتين
المهم
الحج صلحها
وببلااااااااااااااااااااا ااااااااااااااااااااااش
...
والأجمل بقا
الحج عنده عدة شحن تلاجات قديمة
وكل مالتكييف بتاع العربية يفضى
الحج يشحنه
وببلااااااااااااااااااااا ااااااااااااااااااااااااش
...
وكمان
عندي شاحن متعدد بتاع الاب توب
كل شهر تقريبا ..الجاك بتاعه ينتني..ويبوظ
الحاج النهاردة
جابلي جـــاك ..من شنطة العدة بتاعته
وعمله
وبقا تمام
ولا الأصلي
ووفر عليا تمن شاحن جديد..علشان الجاك مش بيتباع لوحده
وببلااااااااااااااااااااا اااااااااااااااااااااش