حليت مشكله جلد الابواب للتمبرا

**abdelmessih67** · 28-02-2010 12:05 PM

الف شكر يا أبو الدكاترة , أنا رحت أرض شريف لقيت كاوتش ناشف زي بتاع التوفيقية و كمان كنز و ليس عريض و الراجل قال لي هات بتاع الريجاتا و أعمل له وصلة علشان بتاع التمبرا عريض أعرض من الريجاتا و طبعا رفضت .

بس قولي هو زي الاصلي بالضبط و لا في فرق شوية ؟؟؟؟؟؟؟؟؟؟

أنا أنضميت للجروب بتاع التمبرا في الفيس بوك و برجاء نقل نسخة من خبراتنا الى هناك للأفادة هنا و هناك

**caysersosaih** · 28-02-2010 01:34 PM

ده غير بتاع الريجاتا
بتاعي أعرض منه وركبته والعزل اختلف تماما
في نقطه واحدة عند كورنر الباب فوق في زاوية كانت راكبه فوق الجلد القديم
اخدتها وركبتها
الان لا يوجد اي تسريب
والتكييف 100%

**Bonanza** · 28-02-2010 02:06 PM

يا دكتور ضياء
هل الراجل ده هو اللي بيركب الجلد بنفسة ولا بتركبة عند حد تاني و مصنعيتة كام ؟؟

**Bonanza** · 01-03-2010 10:43 AM

ياباشا ياريت ترد عليا عشان انا عاوز اروح اعمله النهارده

**abdelmessih67** · 01-03-2010 11:08 AM

لو مركبوش يا أخ بونانزا ممكن أي سروجي يركب كاوتش الابواب ده بسهولة

**caysersosaih** · 01-03-2010 11:50 PM

انا اسف بس انا لسه راجع من الشغل
الراجل مش بيركبه
انا ركبته عند واحد بتاع ابواب وخد مصنعيه 15 جنيه مع ملاحظة اني عملت البابين الامامين فقط

**Bonanza** · 02-03-2010 09:57 AM

المشاركة الأصلية كتبت بواسطة abdelmessih67

لو مركبوش يا أخ بونانزا ممكن أي سروجي يركب كاوتش الابواب ده بسهولة

الف شكر يا استاذ عبد المسيح علي ردك

المشاركة الأصلية كتبت بواسطة caysersosaih

انا اسف بس انا لسه راجع من الشغل
الراجل مش بيركبه
انا ركبته عند واحد بتاع ابواب وخد مصنعيه 15 جنيه مع ملاحظة اني عملت البابين الامامين فقط

انا امبارح رحت لاحمد الصعيدي يا باشا و جبت من عنده الجلد لثلاث ابواب و سألته علي جلط للشنطة قالي عنده و لما جابهولي لقية غير الاصلي في الشكل و الابعاد فا رجعتهوله تاني بس حاسبني المتر بـ 10 جنيه و بيني و بينك انا مافاصلتش خالص و هو قالي اعملة عند اي واحد بتاع ابواب بردو

تفتكر اجيب منين جلد للشنطة عشان الجلد اللي عندي بايظ تماما هل انزل التوفيقية ولا عندك مكان تاني ؟؟ انا لفيت في كل محلات الاكسسوارات و مستلزمات العربيات اللي في شارع شبرا و مالقيتش

كمان عاوز كلبسات للكاوتشة اللي بتتحط في البابين الخلفيين و دوخت السبع دوخات من اول ما اشتريت العربية و انا مش لاقي نفس الكلبسات اللي عندي ولا اي كلبس تاني عاوزة تمشي عليها

شكرا يا دكتور ضياء

**caysersosaih** · 02-03-2010 07:21 PM

كمان عاوز كلبسات للكاوتشة اللي بتتحط في البابين الخلفيين و دوخت السبع دوخات من اول ما اشتريت العربية و انا مش لاقي نفس الكلبسات اللي عندي ولا اي كلبس تاني عاوزة تمشي عليها

انت قصدك الكاوتشة اللي راكبه علي الابواب ورا من تحت من عند المنحني ولا ايه؟؟؟
انا هانزل عزبة شلبي واسأل عليهم

**Bonanza** · 03-03-2010 10:17 AM

المشاركة الأصلية كتبت بواسطة caysersosaih

انت قصدك الكاوتشة اللي راكبه علي الابواب ورا من تحت من عند المنحني ولا ايه؟؟؟
انا هانزل عزبة شلبي واسأل عليهم

ايوة يا باشا هي دي ... ربنا يكرمك اسأل علي الكلبسات لان الكاوتشة دي عندي انا بس عاوز الكلبسات

امبارح بقي روحت ركبت الكاوتش اللي اشتريته ، انا اشتريت 11.5 متر لثلاث ابواب

الراجل اللي روحت اركبه عنده طلع امين جدا والله ربنا يكرمة

لما بص علي الجلد عندي لقي ان في حتت كتير سليمة فا قالي حرام نشيل الجلد الاصلي بتاع العربية و قطلعي بس الحتت المقطعة و حط مكانها الجلد الجديد و علي فكرة هو بردو في فرق كبير بين الاصلي و اللي اشتريتة ، الاصلي برضوا اعرض شوية و فيه شفة مش موجوده في اللي اشتريتة .. المهم انه بيقضي الغرض و خلاص

في الاخر العربية اخدت حوالي 3.5 متر من الـ 11.5 متر اللي اشتريتهم مش عارف احمد الصعيدي بقي يرضي يرجعهم ولا ايه .. هابقي اجرب اروحله تاني بس المشوار لطيف من الهرم لشبرا ... ياريت لو حد يعرف رقم التليفون بتاعة يكتبه و يرحمني من المشوار

علي العموم بشكرك تاني يا دكتور ضياء