الموضوع: استفسار فى مقاس الجنط !!

المشاركة الأصلية كتبت بواسطة craunchy

انا الجنط القديم بتاعى ال اوف ست بتاعه كان 46 و الجنط الجديد 30
هل الرانج كده كبير على عربيتى (هيونداى جيتز) و لو كبير ايه الحل ؟

اللى اعرفه ان فرق الاوفست يكون فى حدود 7 ارقام بالزيادة او بالنقص
و حضرتك بتقول ان القديم الوفست بتاعه 30 يبقى الجديد المفروض يبقى 37 او 23

المشاركة الأصلية كتبت بواسطة craunchy

شاركونى ارائكم فى المقارنه دى

بص ياسيدي ، انت المقاس الاصلي بتاع الجيتز هو 175/65/14 ، ومن الواضح انك غيرت فعلا لمقاس 195/55/15 .
بالنسبة للعفشة أن شاء الله هاتستحمل ، والعربية هاتعلى معاك 0,5 سم من على الارض ، وده هايسبب قرب الكاوتش من سقف الرفرف بنفس النسبة ، وبرضه هايغير معاك قراية العداد ، يعني لما هايقرى العداد 96 كم/س هاتكون سرعتك الفعلية 98 كم/س .
االمهم بقى في القصة دي كلها انه الجنط عندك الاوفست بتاعه قليل ، وده هايخلي الكاوتش يحتك بالرفارف وانت بتلف الدركسيون لأن الكاوتش بارز اكتر من 2,5 سم عن المقاس الاصلي.

وبعدين ياراجل مش لما تعدي على الموضوع بتاعي تبقى تمسي !!

المشاركة الأصلية كتبت بواسطة craunchy

ايه ده ولله يا باشا انا لاقيته على جوجل مع شوية مواقع تانيه بس تشكر اوى على مجهودك الرائع .. المهم انا فيه جمله لافتت انتباهى اللى هيا make sure that you have enough room under the fender المهم انا عندى فى عربيتى مساحه كبيره جدا تحت الرفرف حوالى من 7-9 سم فا انت ايه رأى حضرتك ؟؟

ولا يهمك يا باشا .

والله الارتفاع ده كويس ومش هيأثر معاك إن شاء الله ، ولو مش هايفرق معاك وانت بتلف الدركسيون يبقى كده تمام .

وبعدين سيبك ، قلي يبقى اخبار الثبات أيه ؟؟

المشاركة الأصلية كتبت بواسطة craunchy

انا لسه مركبتوش دانا عامل الموضوع ده مخصوص عشان اشوف هاركب كاوتش مقاس كام

ياراااااااااجل مش تقول كده من الصبح

عموما انت المشكلة في المقاس اللي انت مختاره مش الارتفاع لأنه هايكون 6مم يعني مقبول .
مشكلتك كلها في الاوفست انه قليل وانت اللي هاتحكم على الموضوع ده ، بمعنى تاني ، انت المفروض تقيس المسافة بين الكاوتش اللي راكب والرفرف ، هاتقيس بالعرض ورا وقدام وكمان تلف الدركسيون للاخر وتقيس برضه ، خلي بالك هاتقيس بالعرض ، وهانعرف المسافه مناسبة للاوفست ده ولا كبير ، لأن بالأوفست ده هيقرب من الرفرف 2,6 سم وده كتير .

ولو عاوز تريح نفسك ، هات المقاسات البديلة من الاستيكر الموجود على القايم بتاع الباب

وجرب وقولي.