قواعد الموتور .. متى يتم تغييرها...

**ahmed_h_g** · 27-02-2010 03:14 AM

المشاركة الأصلية كتبت بواسطة shankosi

لأ مفيش - انا رفعت العربية وشيكت عليهم كلهم وسلام والحمد لله.

يا ترى ممكن الاسطوانة او الديسك يعملوا رجرجة مع دوسة البنزين؟

ممكن لو فى الطلعه
أخبار السحب معاك ايه ؟؟
وممكن الكوبلن الطويل لو الصليبه الداخليه بليها باظ بيعمل فيه رفه
بتغربل غربله خفيفه طول ما دايس عالبنزين ولو رفعت من البنزين الرعشه بتروح (والعربيه ماشيه طبعا" )

**أحمد علوان** · 27-02-2010 02:50 PM

متابع .. وشكرا لردود الاعضاء المفيدة

**otefa** · 27-02-2010 02:57 PM

المشاركة الأصلية كتبت بواسطة د.محمود صلاح

عشق العربية على الاول وشد فرامل اليد جامد وحاول ( بمساعدة شخص اخر ) تتحرك وتقف برفع وخفض رجلك من على الدواسة
واثناء ذلك انظر للموتور هتلاقيه بيلعب للامام والخلف

+1111111

**SAMEH_FOUAD** · 27-02-2010 07:54 PM

غالبا بتبقى مشكلة صليبة الكبالن الداخلية

**shankosi** · 01-03-2010 11:10 PM

شكراً لكل من تكرم بالرد والإفادة

**m000dy** · 02-03-2010 10:30 AM

لأ مفيش - انا رفعت العربية وشيكت عليهم كلهم وسلام والحمد لله.

يا ترى ممكن الاسطوانة او الديسك يعملوا رجرجة مع دوسة البنزين؟

الاسطوانه والديسك يعملوا رعشه وانت طالع بالعربيه وتحسها كمان وانت بتنقل من الاول للتانى
وفى مرحله متقدمه بتلاقى السحب قل وصوت المكنه على
وفى مرحلة اكثر تقدما العربيه بتقف معاك على الغيار التالت على سرعة 40 -50 وبتلاقى صوت الموتور بيعلى بسرعه وبيصرخ من غير ماالسرعه تزيد

اما موضوع الصلايب ده فانا اعرف انه يعمل بوش فى الدركسيون لكن مدى تاثيره على ثبات العربيه فى الملفات ماعرفش
بس تقريبا الصلايب لما بتبوش بتعمل صوت فى المطبات كان العربيه جايبه مساعد
الخلاصه فى الرجه دى انك تكشف على الاتى وبالترتيب حسب التكلفه عشان ماتكلفش نفسك حاجه ماكانتش تستاهل
شوف جلد الشكمان ( وانت قلت انك كشفت عليه وتمام )
شوف الصلايب وان لم يكن
شوف قواعد الموتور وان لم يكن
اكشف بقى على الاسطوانه والديسك
لو كنت راكب فيات 127 او 128 كنت قولتلك اكشف على الحوض
غير كده من اسباب الرعشه انا ماعرفش ونستنى يمكن حد من الاعضاء يكون يعرف

**m000dy** · 02-03-2010 10:33 AM

اه صحيح معلش افتكرت ان واحد صاحبى معاه ماتيز وكانت عنده الرعشه دى راح كشف عليها لقى مسامير الفتيس مفكوكه
جرب دى ان شاء الله هاتطلع السبب ومش هاتكلف اكتر من 10 جنيه ربط و5 دقايق وقت
طمنى وقوللى بعد ماتشوف كده

**shankosi** · 02-03-2010 10:37 PM

المشاركة الأصلية كتبت بواسطة m000dy

اه صحيح معلش افتكرت ان واحد صاحبى معاه ماتيز وكانت عنده الرعشه دى راح كشف عليها لقى مسامير الفتيس مفكوكه
جرب دى ان شاء الله هاتطلع السبب ومش هاتكلف اكتر من 10 جنيه ربط و5 دقايق وقت
طمنى وقوللى بعد ماتشوف كده

m000dy ده كلام في الجون

بالنسبة للصلايب انا لسه كاشف عليهم قريباً لأني كن بغير كواتشات الكوبلن لأنها مقطوعه وطلبت من الميكانيكي الكشف على الصلايب ووجد حالتهم جيدة.

أما قصة ربط الجيربوكس فدي ما خطرتش على بالي فعلاً وماكنتش أعتقد انها تعمل الرجرجة بس فعلا حشيك عليهم في أقرب فرصة ممكنة.

بالمناسبة الماتيز عربية ممتازة لما تكون مظبوطة وانا الصراحة محتفظ بيها لأني اتعلمت حاجات كتير منها ودي لاستخدامي الشخصي ومزاجي فقط أما المشاوير العائلية والسفر باستخدم الياريس ودي الحمد لله مش عاملة معايا أي مشاكل وصيانتها كلها في التوكيل.

شكراً لمساعدتك ...