الموضوع: طلب تسعير شقة على اوتوستراد المعادي

هى ليه المنطقه دى مهجوره؟؟

المشاركة الأصلية كتبت بواسطة superiorboy

هي مش مهجورة ولا حاجة الفكرة كلها ان العمارات دي اخدت وقت كثير جدا علشان تتبني لأن الشركة كان عندها مشاكل مادية لحد ما الجهاز حط الشركة تحت الوصاية بتاعتو و كملوا البنا تحت رقابتو على الفلوس و المباني لكن هي مفيش اي مشاكل فيها كاساسات او مرافق

انا عاوز اقول لحضرتك ان والدي و والدتي المفروض كانوا هيتجوزوا فيها و انا اصغر اخواتي و عندي 21 سنة و يادجوبك لسة مستلمين مكملناش سنة

يااااااااااه كل ده انتظار علشان تستلموا يعني والدك ووالدتك لو كانوا اتكلوا علي انهم هيستلموا الشقة ويتجوزوا فيها كانوا زمانهم بيبتدوا حياتهم دلوقتي.

المشاركة الأصلية كتبت بواسطة superiorboy

هههههههههههههههههههههه بالظاااااااااااابط تحديدا 30 سنة انتظار

حضرتك بم ان لييك خبرة في مجال العقارات متعرفش تتسعر بكام بحكم المنطقة و الخدمات اللي حواليها و الوصف يعني سعر تقريبي

الحقيقة معرفش اقدر السعر في المنطقة دي حتي هنا في العبور مابحبش ادي سعر لحاجة من دماغي لازم اسأل اكتر من تاجر وسمسار لغاية ما اوصل لأعلي سعر انت لو سألت سمسار محترم ممكن يقولك علي السعر لكن لو تاجر هيقولك ثلاث ارباع السعر تقريبا كمان السمسار يحب يعرض لأعلي سعر علشان عمولته تزيد ....يعني خلي بالك لازم تفرق بين السمسار والتاجر لما تيجي تسأل.

نسيت برضه اقول حاجة لو سمسار شاطر اوي هيقولك السعر لتاجر بكام ولو لفرد عادي بكام لكن لو سمسار نص نص هيقولك مش هتزيد عن كذا او هيديك متوسط السعر.

المشاركة الأصلية كتبت بواسطة superiorboy

طيب حضرتك احنا منعرفش سماسرة في المنطقة خالص و وصينا البواب ان يشفلنا ليها بيعة و حاسين انو بيعمل شغل علينا و على اللي بيجيبو علشان يجيبلو سعر قليل ليه فياخد منو و ياخد مننا علشان جابلنا مشتري

و لقينا اعلان لشقة اخت بتاعتنا في العمارة اللي جنبنا بس في الدور الخامس و نفس المواصفات بالظبط و كان مطلوب فيها 250 فهل فرق الدور الخامس من التاسع يفرق 50 الف!!! و انسب طريقة لمعرفة السعر و البيع ايه؟
و معلش انا مش فاهم قصة سعر تجاري و سعر غير تجاري دي انا متأسف لتعب حضرتك معايا بس اخوك ملوش في الحاجات دي خاااالص

فرق 50 الف كتير اوي هي ممكن تفرق 10-15-20 بالكتير اوي .
ولو ملقتش سماسرة او تاجر في المنطقة ممكن تشوف الشركة او الجهاز اللى انتم اشتريتو منه بيبيع سعر المتر بكام وبرضه تبص علي الأحياء المجاورة ليك اللى فيها حركة تشوف متوسط السعر للمتر كام وتحط سعر قريب منه وده تعرفه عن طريق الأعلانات بتاعت المنطقة دي ....هو التسعير محتاج بحث شوية لأن مش اي حد عادي يعرف يسعر ممكن واحد يديك سعر يخلي الشقة تتباع بأبخس سعر او بمعني اصح يحرق سعرها ويخليك تبيعها بأقل من سعر السوق وواحد تاني يديك سعر عالي يوقفلك بيع الشقة ومتعرفش تبيعها ولا بعد 10 سنين.
الفرق بين السعر التجاري والسعر العادي عامل كده زي الفرق بين سعر الجملة والقطاعي التاجر بيشتري منك بسعر اقل من السوق شوية علشان يعرف يكسب فيها وميزته انه فلوسه جاهزة لكن لو واحد عادي هيشتريها منك بسعر السوق ممكن يقسط او مش هيكون سلس زي التاجر في عملية الشراء.