اخوانى الاعزاء ممكن حد يقولنا اى سياره افضل الجين2 ولا الجراند بونتو2010
شاركونا الاراء
عرض للطباعة
اخوانى الاعزاء ممكن حد يقولنا اى سياره افضل الجين2 ولا الجراند بونتو2010
شاركونا الاراء
جراند بونتو احسن كتير
طيب ممكن ياباشمهندس سامح تقول ليه
عنية يا باشا ..
- الشكل ... الأتنين حلوين وشبابي
- التقفيل ... جراند بونتو احسن كتير
- الخامات ... جراند بونتو احسن كتير قوي
- الموتور ... جين2 اقوى ، جراند بونتو انعم واهدى وبردو سحبها حلو
- اعتمادية --- جراند بونتو احسن كتير
- جودة صناعة ---- جراند بونتو احسن كتير
- عفشة وثبات --- الأتنين ثباتهم حلو ، الجين2 عفشتها انشف من الجين2
يبقى الخلاصة ان جراند بونتو احسن كتير .. واستخير ربنا وان شاء الله يهيدك للصالح .. بالتوفيق ومبروك مقدما.
[frame="7 80"]
والله ياباشمهندس انا جيبت الجراند من حوالى شهر بس فى واحد صاحبى عايز يجيب الجين2 وانا بحاول اقنعه بالجراند بس انا معرفش امكانيات الجين2 علشان لا اظلم العربيه ولا اظلم صاحبى واشكرك على الافاده
[/frame]
اعتقد ان الجراند بونتو افضل
بس بردوا جين تو عربيه نضيفه
اختيار صعب شويه
الحاله الوحيدة الي تسيب فيها الجراند بونتو وتروح للجين ٢ إنك تكون عايز موتور للجري (بفترى) غير كده الجراند تتفوق في كل حاجة كماليات إستهلاك بنزين وطبعا الأمان
الجراند بونتو تتفوق في كل حاجه الا الموتور تتفوق فيه الجين تو .. بس بصراحة الجراند تحفة
هو في حد لسة بيركب فيات؟؟
معلش بس فيات خلاص مبقيتش ليها اي قيمة في السوق المصري ودا لأن توكيلاتها المتتابعين جابوها الأرض بالقاضية وبالذات اوماترا الحالي
نشوف المقارنة بين الأتنين:
السعر: الجين ب 85 و الجراند بونتو ب 90 هاف اوبشنز وب 100 بس للكاملة مانيوال
الشكل: الاتنين حلوين وان كان البونتو تكسب شكلها تحفة (أو يمكن انا اللي اتعودت على شكل الجين2)
الموتور: الجين2 موتور 1600 110 حصان والجراند بونتو 1400 77 حصان
الوسع الداخلي : من الواضح من شكل العربيتين من برا ات الجين 2 اوسع بس ممكن الاخ صاحب البونتو يوضح النقطة دي
سيتم نكملة المقارنة ان شاء الله عشان اللابتوب هيفصل شحن :shine[1]:
على فكرة أوماترا اتحسنوا شوية الأيام دى , و كمان قطع فيات برة التوكيل بدأت تنتشر فى محلات زى الكيلانى أو مستعملة فى الحرفيين , و أنا رأيى زى ما الأعضاء قالوا , ميزة الجين 2 فى قوة الموتور فقط
للأسف بسبب إسلوب تفكير حضرتك (زي معظم الشعب المصري) بتضيعوا عربيات كتير تحفة أنا مش بتكلم على فيات بس ﻷ بتكلم على حاجات كتير الناس بتاخد بالإشاعات وخلاص
وتوكيل أوماترا جيد جدا من تعاملي معاهم وأكبر دليل إننا عملنا معاهم إتفاق للصيانه بسهولة وطلعت الناس متابعة معانا المنتدى من زمان ولما حد بيشتكي من حاجة بيحاولوا يصلحوها لكن للأسف هما مبيقولوش إنهم عملوا وعملوا بيقولوا إننا نشتغل في صمت أحسن وأنا شايف لازم يقولوا عشان يستعيدوا ثقة الناس
الخامات والتقفيل: معرفش خامات وتقفيل البونتو عاملين ايه بس الجين 2 كخامات جيدة وأحسن من أغلب الكوري بس يعيبها وجود بعض عيوب التقفيل احيانا وبتتحل في التوكيل في أول صيانة
الاعتمادية وجودة الصناعة: المهندس سامح بيقول بونتو احسن بكتير بس موضحش ليه انا شايف ان ممكن ناخد المقياس عربيتين لنفس الشركتين في نفس سنة الصنع ونشوف حالة كل عربية ايه وهو دا اللي يوضح الاعتمادية وجودة الصناعة....يعني : قارن بين فيات بونتو مو2000 مع بروتون ويرا مو2000 وشوف الحالة العامة للموديل دا في الشارع ايه وانت تعرف اذا كانت بروتون اعتمادية أو لأ غير كدا الجين 2 كل اللي راكبها شباب ومفرتكينها ومبهدلينها وما شاء الله العربية مبتقولش لأ ولا كوموتور ولا عفشة ولا أي مشاكل في أي اساسيات
اعادة البيع في الاتنين مش حلوة اوي وان كانت الجين 2 بدأت تعمل سمعة كويسة في السوق المصري و اعادة البيع بتاعتها بتتحسن باستمرار
التوكيل: عن تجربة عز العرب احسن بس هو تقييمه العام جيد مش اكتر من كدا بينما اوماترا ياخد سيئ بجدارة
استهلاك البنزين: البونتو تكسب الجين2 في النقطة دي بالتلاتة عشان موتور اصغر وحجم العربية صغير بالتالي استهلاك اقل بكل تأكيد
قطع غيار فيات الحديث كله غالية مش زي ما الناس فاهمين ان فيات يعني قطع غيار ببلاش
كماليات وعوامل أمان: الجين 2 تكسب بفرق كبير
في رأيي ان سعر الجراند بونتو عليها كدا كتير أوي بينما الجين 2 العكس احسن قيمة مقابل السعر في السوق المصري وكفاية ان الواحد يشتريها بنفس السعر اللي بتتباع بيه في ماليزيا وبريطانيا واستراليا
لو جراند بونتو ب 75 مثلا اشتريها فورا لكن بالسعر دا لأ لأ لأ
أولا خامات الجراند أنضف من جين٢ بكتير (ركبت الإتنين)
التوكيل: لو حضرتك إتعامل مع أوماترا يبقى عندك حق لكن غير كده متحكمش عليه زي ما أنا مبحكمش على عز العرب
كماليات وعوامل أمان إستحالة الجين ٢ تكسب
ومع حضرتك في الباقي
الإعتماديه مش هتكلم عليها غير إن الويرا الي حضرتك بتتكلم عليها راكنه جنب البيت عندنا الشاسيه كل جزء في ناحية!!!
فمينفعش تقارن غير لما يكون الإستخدام واحد تقريبا
بص يا باشا انا مش باخد بالاشاعات دا من تجربة صديق ليا انه عمل حادثة ببونتو 2003
راح التوكيل اعملولي مقايسة طيب سيبلنا العربية حاضر طيب اجي امتى لأ احنا هنتصل بيك استني يوم يومين وتالت يوم كلمهم قالولو لأ دا المهندس فلان مش موجود طيب اي حد يقولي عربيتي ايه اخبارها طيب اتصل بكرة يكون فلان موجود طيب مفيش حد يحل محله لأ!!!!!!!
اتصل والمهندس فلان قاله العربية هتتكلف 14000ج بس ليه؟؟ هنغير كرتيرة زيت وكوبلن وحاجة تالتة مش فاكرها طب خلاص مش عايز اصلحها بس أصل حضرتك كرتيرة الزيت مكسورة ومش هينفع تاخد العربية
باختصار في النهاية جاب هو كل حاجة من برا بعد ما داخ عليها شوية عشان قطع الغيار مش متوافرة والموضوع كله كلفه حوالي 2500ج والتوكيل برضو اللي عملها
وعموما دا انطباعي اللي اخدته منه كل ما كنت بساله عن العربية كان بيسب ويلعن في التوكيل ...على فكرة العربية اتعملت في شهرين
انا بقول اننا نبص على الموديل عموما في العربيتين مش عربية معينة مانا ممكن اجيبلك 100 عربية فيات متبهدلين اخر حاجة بس دا مش دليل ان فيات وحشة وفيات فعلا مش وحشة بس الاسعار دي لأ خالص والتوكيل دا لأ برضو غير ان فيات فقدت اهم ميزة كانت بتعجب الشعب المصري وهو رخص وتوافر قطع الغيار
في الأخر لو شاب اللي هيركب البونتو ام 77 حصان عمره ما هيستمتع زي لو هيركب الجين 2
حضرتك واضح أنك تملك Gen 2 وشايف إن كلام حضرتك فيه شوية تحيز وكثير من العقلانيه وبإختصار المفروض من الأول كان حد يرد على الأخ اللى بيسأل إن المقارنة مش هاتبقى 100 % صحيحة لإختلاف سعة المحرك فى الإثنين وكذلك ثقافة بناء السيارتين (أوروبى مقابل ماليزى) وده والله مش معناه إنى بأقلل من شأن الماليزى بس عشان المقارنة تبقى عادله للطرفين يبقى أقارن بونتو مع إيبيزا مع بولو وأقارن Gen 2 مع سيراتو مع إلنترا مثلاً
الأسعار لو هاتقارن حضرتك مع الأوروبى (جراند بونتو أقل فئة 89000 بكماليات أعلى من الإثنين) مقابل ابيزا 99000 مقابل بولو 110000 يبقى مين أحسن قيمة بالنسبة للفلوس المدفوعه فيها جراند بونتو .
نيجى للجين 2 أتوماتيك مثلاً 91000 جم مقابل إلنترا 99000 مقابل سيراتو 102000 يبقى مين أحسن قيمة بالنسبة للفلوس المدفوعه فيها جين 2 .
وبكده تستقيم المقارنة
غريبه أنا عملت حادثة وإتعملت المقايسه في نفس اليوم والعربيه إتصلحت في يوميناقتباس:
بص يا باشا انا مش باخد بالاشاعات دا من تجربة صديق ليا انه عمل حادثة ببونتو 2003
راح التوكيل اعملولي مقايسة طيب سيبلنا العربية حاضر طيب اجي امتى لأ احنا هنتصل بيك استني يوم يومين وتالت يوم كلمهم قالولو لأ دا المهندس فلان مش موجود طيب اي حد يقولي عربيتي ايه اخبارها طيب اتصل بكرة يكون فلان موجود طيب مفيش حد يحل محله لأ!!!!!!!
اتصل والمهندس فلان قاله العربية هتتكلف 14000ج بس ليه؟؟ هنغير كرتيرة زيت وكوبلن وحاجة تالتة مش فاكرها طب خلاص مش عايز اصلحها بس أصل حضرتك كرتيرة الزيت مكسورة ومش هينفع تاخد العربية
باختصار في النهاية جاب هو كل حاجة من برا بعد ما داخ عليها شوية عشان قطع الغيار مش متوافرة والموضوع كله كلفه حوالي 2500ج والتوكيل برضو اللي عملها
وعموما دا انطباعي اللي اخدته منه كل ما كنت بساله عن العربية كان بيسب ويلعن في التوكيل ...على فكرة العربية اتعملت في شهرين
وغيرت علبه دركسيون ومقص وميزان
وكلفت ٤٢٠٠ جنيه بس!!!!
وكمان عربيتي جديدة وفئة أعلى من البونتو كلاسيك
أما كماليات الجرانداقتباس:
انا بقول اننا نبص على الموديل عموما في العربيتين مش عربية معينة مانا ممكن اجيبلك 100 عربية فيات متبهدلين اخر حاجة بس دا مش دليل ان فيات وحشة وفيات فعلا مش وحشة بس الاسعار دي لأ خالص والتوكيل دا لأ برضو غير ان فيات فقدت اهم ميزة كانت بتعجب الشعب المصري وهو رخص وتوافر قطع الغيار
معاك حق بسالناس لازم تغير تفكرها شويه وفيات رخيصة عشان قدمت مش أكتر!!!
في الأخر لو شاب اللي هيركب البونتو ام 77 حصان عمره ما هيستمتع زي لو هيركب الجين 2
عندك حق
الفئة الاولـى
الكماليات
مانيوال - تكييف بكر - باور - سنتر - زجاج كهرباء امامى - 2 اير باجز - abs - ebd - راديو سي دي - مالتي فانكشن
السعر
88 الف
الفئة الثالثة
الكماليات
مانيوال - تكييف بكر - باور - سنتر - زجاج كهرباء امامى - 2 اير باجز - abs - ebd - راديو سي دي - مالتي فانكشن - فوج لايت - زجاج فاميه - بلو اند مى - مثبت سرعة
السعر
98 الف
بصراحه انا مش عارف الموضه اليومين دول
وهو محاولة مقارعة العربيات الاوروبيه ذات السمعه العريقه بعربيات حديثة العهد فى السوق
ولسه بتخطى خطواتها لاولى
مش معقول يعنى ... عايز تجيب عربيه ايطالى لشركه عريقه بقالها 100 سنه او اكتر بتصنع عربيات
وتكنولوجيا وهميه وامان ووووووو ..الخ
بعربيه من بلد لسه بتقول ياهادى فى صناعة السيارات .... ..
ياجماعه من فضلكم .... اصابع اليد مش متساويه ....
ولكل قام مقام .... الموضوع مش عافيه يعنى ...
ومش كل واحد راكب عربيه كورى او حتى ماليزى او صينى يجى ويبقى عايز يطلعها افضل فى كل شىء
من العربيات الاوروبيه العريقه سواء المانى او ايطالى ....
لما نيجى نقارن ماليزى نقارنه بيابانى او حتى كورى او صينى ...
والعكس
بس مش نشطح اوى فى خيالنا .. ونروح نقارنه باوروبى ...
ومش اى اوروبى كمان ... ...لا دى فيات ...
عزيزى .. اليابان ... منطقتها .... الاكترونيات ..
وتفوقها فى صناعة السيارات مش زى تفوقها الكاسح فى الالكترونيات ....
وبعدين .. ممكن اكون دخلت اليابانى غلط فى السكه ... بس اقصد مش كل اليابانى ..
وعلى فكره انا بعشق اليابانى .... وبكرهه فى نفس الوقت
بعشقه بسبب التحفه المازدا 3
.. وبكرهه بسبب لانسر بومه
تحياتى
أرجوا إن إحنا نهدى شوية وأنا شايف ان الموضوع اللى كتبه الأخ الكريم وصل لنهايته بتحقيق الهدف من المقارنة وكل المشاركات ركزت على كل العناصر يبقى ما نزعلش بعض وكل واحد حر فى رأيه و زوقة وتفضيله الشخصى
[frame="7 80"]
معلش يا جماعه اصل كنت شغال باليل ومكنتش فاتح الكمبيوتر انا شايف ان كل واحد متحيز للعربيه اللى ركبها بصوا انا رحت امبارح الظهر عز العرب مع صاحبى علشان يشوف عربيته المهم انا عقول على اللى شوفته بكل امانه من جهة الوسع الداخلى يعتبر واحد بس الجين2 اعرض شويه وبالنسبه للخامات بالامانه مفيش مقارنه الجراند تكتسح شوف الجين حلوه بس التقفيل والخامات قريبه جدا من الصينى وتحديدا frv الماتور اعتقد الجين اقوى بس انا هنا ان شاء الله عتكلم على موضوع الكارته اللى بتيجى من الامارات او انجلترا وهى بترفع الهورس باور من 77 الى 105 او 120 وده سعرها تقريبا 1500 جنيه وانا اتكلمت فى الموضوع ده مع اثنين الاستاذ محمد دى مصرى وهو اكد المعلومه والاستاذ احمد من الاسكندريه معه جراند وقال ان فى واحد جاب الكارته من انجلترا واظن ده حيعمل ثوره فى العربيه لانك كده مش محتاج اى شىء تانى فى العربيه وبالنسبه للاستاذ ابو مريم احب اقوله ان اقل فئه فى الجراند اعلى من i30 اللى هى بتبداء من 104الف وهو مش تحيز للجراند بس اعتقد من مشاهدتى لل العربيتين واراء الاعضاء الجراند تكسب ويا ابو مريم الجين برده عربيه محترمه وربنا يبارك لنا جميعا ويكفينا شرها
[/frame]
طبعا الجين 2
جراند بونتو ايه بس
دى عربية تعبانة جدا
هههههههههههههههههههههههه
ايه يا عم محمد انت شخرمت الجراند كده خالص هههههههههههههههههههه
العربيتين كويسين وفي تقارب بينهم
بس في حاجة انا سمعتها مش متاكد منها
الجراند بونتو التوكيل هيوقف تنزيلها بعد كده
الكلام ده صح ولا علط؟؟؟؟؟؟؟؟؟
ايوه عينزل الايفو بس الايفو نفس الماتور مع اختلاف الشكل الخارجى والداخلى فقط ومع طبعا زياده السعر
مش عاوز اتحيز لل جين2 علشان هيا معايا
ولا عاوز اظلم الجراند بونتو علشان مشوفتهاش
بس كل اللي اقدر اقوله ان العربيتين حلوين بجد
بدون تحيز للجين2 فهي عربيه كويسه وتعتبر عربيه مميزه ورخيصه وكبيره في نفس الوقت
وطبعا حسب احتياجات الشاري
في الاخر انت بتشتري عربيه علشان تفضل معاك فتره مش قليله ومحتاج ان كل حاجه تكون موجوده من قطع غيار لكماليات احتجت تركبها وخلافه وكمان رخيصه نوعا ما عن الغالي اللي موجود في السوق
بصراحه البونتو لما شفتها في الشارع حبيتها جدا لشكلها جميله بصراحه
اسلم حل دلوقتي بعد معرفتك بأسعار قطع الغيار والاعطال لكل من السيارتين ودراستهم جيدا
ان حضرتك تنزل تشوفهم بنفسك واللي تستريحله اكتر تتوكل على الله وتجيبه
ويمكن يكون في ادامك اختيارات اوسع من الاتنين دول وتقدر تعمل مقارنات اكتر وترسى على عربيه افضل من الاتنين
بس نصيحه لو حضرتك بتمشي في الزحمه كتير متستغناش عن الاوتو
لان المانيوال مرهق شويه
وشكرا
[frame="7 80"]
انا النهارده كنت بستلم الجين2 مع صاحبى المهم العربيه ماشاء الله جميله جدا شكل واداء وهى قريبه من الجراند لكن ماتورها اقوى والجراند خامات وتفقيل احسن والشكل ده طبعا يختلف من واحد للتانى فى الرأى
[/frame]
ازاى بتقارن بين الايطالى والماليزى ... ؟؟؟
الجراند بونتو افضل بكتيييييييييير .. انا معايا جراند بونتو وركبت مع صحبى الجين 2 انا حاسس بفرق