السلام عليكم
ازيكم يا رجلة الاوبل
أنا كنت عايز أخد رأيكم في حاجة أنا دورت على الفيكترا و لقيت اليجانس ب-١٤٢٠٠٠ هل العربية تستاهل السعر دة أصلي بصراحة متردد اجبها جديده ولا أجيب سيفك كسر زيرو ٢٠٠٩
ألف شكر ليكم و عقبال ما أبقي أبلاوي زيكو :049:
عرض للطباعة
السلام عليكم
ازيكم يا رجلة الاوبل
أنا كنت عايز أخد رأيكم في حاجة أنا دورت على الفيكترا و لقيت اليجانس ب-١٤٢٠٠٠ هل العربية تستاهل السعر دة أصلي بصراحة متردد اجبها جديده ولا أجيب سيفك كسر زيرو ٢٠٠٩
ألف شكر ليكم و عقبال ما أبقي أبلاوي زيكو :049:
من ناحيه تستاهل فهى تستاهل و نص ..
العربيه حلوه جدا ..
عيبها حاجتين ملهومش تالت ..
وكيل سىء اذكى مهندس فيه ممكن يبيع بطاطا ...
العيب التانى قطع غيار غاليه ...
مثال ..
اكصدام 3500 جنيه مصرى فقط لا غير ...............
غير كده عربيه زى الفل ...
العفو يا باشا ....
الحاجات مش منتشره بره التوكيل اوى نظرا لقله مبيعات العربيه ...
بس موجوده ...
مش مختفيه يعنى ...
بالنسبه للعوض جروب بصراحه انا معرفش عنهم حاجه ...
منصور انا بعمل فى فرع العامريه ...
تمام اوى فى تغيير فلتر و زيت و غسيل موتور ...و تربيط عفشه ..
غير كده ..
مش بيعرفو حاجه ...
تقوله فى صوت مش عارف ايه يقولك عادى
طيب يا عم العربيه بتعمل مش عارف ايه ..
متشغلش بالك ..اصل بلدنا وحشه ...
كده يعنى ..
لو مجرب العوض جروب و متأكد انهم بيفهمو فى الاوبل يبقى خليك معاهم بس هما معتمدين من منصور ولا لا ؟؟عشان الضمان ....
أيوة هو مركز معتمد نيسان و اوبل
وأنا خايف بصراحة من موضوع الايزي ترونك عشان عمري مجربتو بس أنا من النوع إلي بحب الحاجات الجديدة فعشان كدا واثق اني هتأقلم معاه
لا الايزى متقلقش منه ...
هو تعود ليس اكثر ..
و عشان ابقى صريح معاك ..
عيب الفتيس (ده مش عيب بالنسبالى) ان الانتقال بين النقلات سواء صعود او هبوط محسوس و ملحوظ ..نظرا لطبيعه الفتيس (مانيوال)...
نصيحتى ليك ...
تجربه الاول ..
روح منصور ...
اتفرج على العربيه ..
و كله تمام
قول للمندوب مش هشترى غير لما اجرب ..
و فهمه ان كل الناس بتسب و تلعن فى الفتيس ...
هيخليك تجربها ...
لو منفعش انا تحت امرك عربيتى موجوده المشكله انى من المحله ...:brn:
مش هتقولى بقى فين العوض ده عشان ابقى اتعامل معاه طالما كويسين :049:
ياباشا ألف شكر على عرضك الكريم
العوض دة عند مطلع المقطم بتاع المعادي على الاوتستراد بس هما بردو مش جامدين أوي بس شغالين أنا سبتهم و بتعامل مع السبع في صيانة عربيتي
وبالنسبة لتجربة العربية عند التوكيل أنا إلي أعرفه إن معندوش بس أنا مسألتش بكره إن شاء الله حاروح أبرشت عليهم فالفرع بتاع مدينة نصر وأشوف لو عندهم العربية هقلهم لازم أجرب ماتعرفش عندهم تجربه فالفرع دة ولا لأ
الف شكر على العنوان يا باشا ...
فى برده اوتوماستر على فكره ..
ده مركز معتمد من منصور و كويسين (بس بلاش سمكره معاهم )..
و دى المره الوحيده الى روحت بالعربيه القاهره (لاوتو ماستر كنت عامل بيها حادثه خفيفه كده:36_7_4[1]:)..
انا جربت العربيه فى منصور فرع العامريه و ده فى اليكس ..
مش عارف مدينه نصر نظامهم ايه ...
بس هو عموما زى ما قلتلك الفتيس يتلخص فى انه محسوس بيه و هو بينقل لانه فيه دبرياج زى اى فتيس مانيوال بس هو بيدوس دبرياج لنفسه ...
و مع التعود هتلاقى نفسك متعلم حاجه جديد ..
يعنى بقيت بتعرف تسوق ..
مانيوال
اوتوماتيك
ايزى ترونيك ..
لان ده انا بعتبره فتيس جديد لا هو مانيوال ولا اوتو ...
ده فتيس جديد ...
و الحمد لله 18 الف كم معاايا مزعلنيش فى حاجه ..
غير انى فى الاول بس مكنتش متعود عليه ..
و فى خلال اسبوعين كنت خلاص ..
معجب بيه جدا ...:w6266d
ربنا يباركلك فالعربية ياريس
هو بس عايز أعرف يعني اه محسوس يعني بيطلع صوت فالنقلة ولا بتحس إن العربية وقفت ورجعت مشيت تاني ولا إيه بالظبط أصل أنا سقت مانيوال لمدة إسبوع كدا كانت في
عربية أخويا لانسر كنت مستمتع أكتر من أوتوماتيك بس على طرق المفتوحة ذي الدائري لكن قرفني فالزحمة و مكنتش حاسس بمشكلات النقل دي يمكن عشان أنا هادي جداً في سوقتي
والله شوية معلومات متبادلة من الطرفين مفيدة جداا.....متابع باهتمام
اولا : الفنيس الايزى ترونيك:
الايزى تروزنك فيه 2 مود
الاتوماتك ويرمز له بالرمز A فى dashboard
والمود ده حضرتك شكليا زى الاتوماتك تماما حضرتك مش حتلمس الفتيس تماما بعد ما تجيب اتوماتك انت بس تخف (مش ترفع حتى) رجلك عن البنزين عشان العربيه تنقل
طيب لو مش حتخف رجلك عن البنزين ولا حاجه العربيه حتنقل عادى بس حيكون فى نتشه خفيفه وده ما بين الاول والتانى بتحس اوى بالنتشه بس بعد كدا فى النقلات التانيه مش بتحس اوى بالنتشه حتى لو ما خفتش رجلك عن البنزين
جمال الموضوع فى راى انك تقريبا بتتحكم فى النقلات كأنك عندك دبرياج بس هو مش موجود
حركة رجلك على البنزين هى الى بتحدد
رجلك خفيفه على البنزين العربيه بتقل لما انت تخف بنزين بس طبعا بعد ما تكون عديت 2500 على rpm
ضغط جامد على البنزين فالعربيه تشد وتلاقى rpm يعلا ل 4000 وينقل متأخر
يعنى من الاخر العربيه بتتفاعل معاك حسب سواقتك
مود المانول وده حضرتك حتحرك الفتيس للامام والخلف وتنقل لما انت ترغب تماما
لا يوجد نتشه تماما فى هذا المود
طيب لو انت نسيت تنقل او اتأخرت فى النقل
عموما الفتيس مزود ببرنامج حمايه من حجتين
1 ان العربيه تكرركر او تقف
2 انك تؤذى الموتور يعنى تعلا rpm لدرجة كبيره اة تذخل فى المنطقة الحمراء فى rpm
هذا يعنى انه فى المانول مود العربيه حتنقل لوحدها لو انت نسيت تنقل والعربيه كانت حتكركر او الموتور لفاته حتزيد اوى فالعربيه تعمل النقله لحمايه العربيه والفتيس
طيب ايه الفرق بقى
الفرق انه فى المانول مود النقل فى حاله الخطر فقط على العربيه اما الاتوماتك مود فينقل حسب حركة رجلك على البنزين
طيب ايه الوحش فى الفتيس؟؟؟
اولا العربيه عموما معقده الى حدا ما و مش سهله جدا
السواقه بالفتيس محتاج شويه تعود
بس اوحش شئ على الاطلاق لما تهدى فى بعض الاحيان تسمع صوت تككككككككك
الى هو صوت فصل الحركة وده راح والحمد الله بعد ما منصور ضبط السوفت وير
ثانيا:
لازم تجرب العربيه قبل ما تشتريها
العربيه NOT TO ALL TASTE
العربيه ثقيله فى طلعتها بس بعد 60 تسارعها رائع
ثالثا:
السعر ممتاز عشان العربيه 2008 بس لو مش حيفرق معاك المستعمل نصحيتى هات توب لاين استعمال خفيف ب 140 الف كماليات جامدا جدا زينون باى وفتحة سقف وشاشة معلومات كامله وكاست ام بى 3 وAUX وكراسى جلد كهربا وesp وتكيف اتوماتيكى و6 ايرباج و7 سمعات يعنى على المبلغ ده تعتبر صفقه ممتازه
صاج العربيه تقيل جدا الباب بتعها ثقيل
طبعا سعر اعاده البيع سئ بس لو حتبيع خلال 5 سنين يعتبر كويس
رابعا التوكيل:
فى الميكانيكا يعتبر معقول بس قى اعطال الكومبوتر كارثه بكل المقاييس
فى المجمل مصور مش قد العربيه
هو مركز فى النقل ثم الدايوا انا اوبل فلا اهتمام لاسف
بس فى مراكز خدمة يقال انها كويسه
العربيه الحمد الله كويسه جدا بس اتظلمن جدا مع سياسة منصور الفاشله
الف شكر ليك يا باشمهندس احمد علي الشرح الجميل وطبعا خالد ايمن ..
بشمهندس احمد جاب من الاخر ...
انا بس ليا ملحوظه صغيره ..
التوب لاين مفيش فيها esp دى اشتغاله من منصور ...
هى فيها asr ...و منصور بيقول عليه esp ...
يا جماعة ألف شكر لك على مجهدكو
بس على فكرة بالنسبة لموضوع المستعمل أنا بالي فترة كبيرة بلف على العربيات مفيش اوبل مستعمل نضيف و بتكلم في ١٤٠ كلو أعلى من كدا بكتير يعني ناس بتهرج يا إما تروح تلاقي العربية تعبانة حتى لو مشية كيلومتر قليل
ربنا يسهل إدعولي
اكتر من 140...
فرحتنى والله ...
انا قريب هبيع ..بس متقلقش مش لعيب فى العربيه ...
دى اسباب نفسيه بحته ..
كويس انها بتجيب اكتر من 140 ...
طمتنى يا راجل ..
هه و بعدين
الحوار شيق ما بين واحد بيحب الفيكترا و يفكر فيها و التانى فهمها و ماشى بيها , و التالت جفظها
الله بنور عليكم
أنا أكتر حاجة مضيقاني فالفروق بين اليجانس والفئات الأعلي هي
مثبت سرعة(هل ممكن يتركب فالتوكيل )
مقاعد جلد(دي ممكن تتعمل برا)
راديو + مشغل اسطوانات مدمجة + mp3 مدخل صوت خارجى(مش عارف بردو ينفع يتعدل فالتوكيل)
مصابيح زينون
زائد القلق الاكبر الفتيس إلي مش عارف أجربو لأن العربية مش موجودة عند منصور و موجودة عند موزعين
ربنا يخليك يا باشا ..
الجيتا هى هى الاوكتافيا a5 و دى مع والدى و ما شاء الله عربيه كويسه جدا ...
و انا شايف انها مش مختلفه كتير عن الفيكترا ..
حاجات بسيطه ..
لو تحب اقولهالك ..
تحت امرك:E_braces[1]:
هههههههههههههه
و دى حاجه تتنسى ؟؟
ده ختم على قفايا من منصور ههههههههههههههههههه:I_angr1[1]:
الله يخليك يا طنانى ...
انت استاذ يا خالد برضوا
تمااام يا باشوات
كلام زي الفل يا خااالد
ايه اخبار الفكترا بتاعتك
رأيى الشخصى
هات هوندا سيفيك ملهاش حل
بص يا عمرو مثبت السرعة بيركب بحوالى 700 ج
الجلد ممكن برا وحاجه زى الوكيل
الراديوا الى فى اليجانس هو من غير ام بى 3 يس يمكن تغيره الى واحد ام بى 3 بس حيكون غالى شويه او ممكن تغير كاست العربيه لواد كاركت كامل دى فى دى و جى بى اس وحجات كتير
الزينون الى فى التوب لاين غالى جدا
يس ممكن تركب زينزن عادى مش afl زى التوب لاين
انا لسا من اسبوعين شايف واحد اليجانس كحلى فى منصور مدينة نصر
كلام تمام يا بشمهندس ..
اضيف بس ان تمن الزينون فعلا غالى جدا ...
14 الف جنيه مصرى فقط لا غير ..
لانه الفانوس بيتغير بالكامل بواحد جديد فيه الزينون ..
:B4_611:و فانوس التوب لاين ب 7000 باكو ..عشان بيلف يمين وشمال و بيطلع فوق و تحت :Oc_sun1[1]:
على فكره فى عربيه توب لاين لونها شمبين ..(دهبى)
موجوده فى منصور فرع دفره ..
العربيه دى فيها قلم بويه فى الاكصدام الخلفى ..
وواحد زيه فى الاكصدام الامامى ..
صغير جدا ..
ممكن لو تحب ..
تاخدها و تنزل فى سعرها جااااامد
عشان الحتتين دول ...
اصلا التوب لاين دلوقتى انا سمعت انها بتخلص على 172 ...
انت و شطارتك بقى تنزل فى دى كام .....
أهلا بيك في الكلوب يا أستاذ .....
أخوك "متردد قديم" في شراء الفكترا سي والمنتدى يشهد عليا ....
بفكر فيها من أيام شهر أغسطس اللي فات والشيطان اللي عليا يخليني أتراجع في آخر لحظة دون سبب واضح....... :11:
مش عارف ايه الحكاية رغم اني فعلا معجب بالعربية ومقتنع بيها تمااام الاقتناع وعملت تست درايف مرتين في فرع مصرالجديدة ( الحقيقة مع بقاء عدد محدود من السيارات مبقتش عارف اذا كان لسة فيه تست درايف ولا لا ) ....
أنا قعدت متردد - ومازلت الحقيقة - من أيام التوب لاين لما كانت في التوكيل و تلات ألوان كمان .. كانوا أسود وشامبين وسلفر ... وطبعا دلوقتي مبقاش فيه ولا واحدة زيرو فاضلة حتى عند الموزعين ( لو تعرف حد عنده زيرو ياريت تقوللي ) ...
أنا اللي عاجبن فيها بصراحة تلات حاجات بس زيادة عن الاليجانس .. كمبيوتر القيادة وده بالنسبة لي في غاية الأهمية .... عدد 6 ايرباج عشان اللي ورا برده يبقى ليهم حماية ... والأنوار الزينون ...
انما بصراحة الـ mp3 ومثبت السرعة والكراسي الكهرباء الجلد بذاكرة والكلام ده ما يفرقش معايا أبدا ... ( أذواق بقه !! :E_braces[1]:) ...
وعلى فكرة ممكن الاليجانس يركبلها مثبت سرعة بـ 700 جنيه في التوكيل وده من كلام بتوع منصور في كذا فرع .... إن المسألة بسيطة يادوبك دراع الاشارة بيتشال ويركب دراع بالمثبت .....
عموما ربنا يوفقك ويوفقني لما فيه الخير .......
(ملحوظة : العربية الاليجانس موجودة عند منصور بس لون شامبين بس .. أنا لسة سائل عليها وشايفها من 3 أيام ... وموجودة ألوان تانية عند مقار والغلبان ودول موزعين كبار)........
هههههههههههههههههه
الحلاوه بتاعى مش اقل من لفه بالعربيه ..
ههههههههههه
بص بصراحه العربيه دى ..
عشان تاخدها و انت مطمن ..
تاخد بوهيجى يتفرج عليها ..
اه منظر مش كويس ..
بس للاسف هما الى عملو فى نفسهم كده ..
او بلاش دى ..
انت عندك جمب التوكيل ..
عاشور اوبل
ده تاجر قطع غيار استيراد عربيات اوبل و بيجمع عربيات كمان ..
لو شافهالك هيعرفلك الى فيها ...
بس
لاززززززززم
الى ياخدها يكسر معاهم فى السعر لحد ما يجيب اخرها خاااااااااااااااااااااااا اااااااااالص
دول قلمين بويه يا عم ...
الطين دا مش كويس للعربيه خلي بالك حاول غطيها احسن لو ح تسبها
مخالفة امن و متانة يا خالد
نغيير اللون عن اللى موجود فى الرخصه
( رذاله مرورية)
اه مخالفة انتظار فى الممنوع و سير عكس اتجاه و تعطيل حركة سير و اقتحام موكب و امن و متانه ( او امن و نتانه ) و اضاءة مبهرة و كسر كلابش
كله ده و هى مركونه جوه الجراج
امال لو طلعت بره هتدفعك ايه