ده كان تقييمى لشارك كويتى 2008 أقل فئة
http://www.nilemotors.net/Nile/21788-2008.html
أتمنى انه يساعد كل المهتمين بالكويتى
لو حد طلب هبقى أقول كل فئات الكويتى و مواصفاتها
رقم العضوية : 198
تاريخ التسجيل : 25Apr2007
المشاركات : 2,429
النوع : ذكر
الحالة :
بصفتى احد ملاك البوما ومن عشاق الشارك .. انا شايف فعلا ان اللى ظلم الشارك وخلاها ماتحققش انتشار زى البوما هو سعرها المرتفع والمبالغ فيه اضافه الى طمع التجار والتوكيل فى المكسب الكبير اللى بتحققه البوما .. يعنى المفروض شكل جديد نزل يعنى سعر الشكل القديم يقل هنا حصل العكس القديم سعره زاد بصوره تغيظ والجديد مش لاقى اللى يشتريه مع انه احلى واقوى واكثر تطورا
رقم العضوية : 3874
تاريخ التسجيل : 27Dec2007
المشاركات : 482
النوع : ذكر
الاقامة : Cairo
السيارة: None
السيارة[2]: Nissan Qashqai Manual
دراجة بخارية: No
الحالة :
ده كان تقييمى لشارك كويتى 2008 أقل فئة
http://www.nilemotors.net/Nile/21788-2008.html
أتمنى انه يساعد كل المهتمين بالكويتى
لو حد طلب هبقى أقول كل فئات الكويتى و مواصفاتها
رقم العضوية : 11020
تاريخ التسجيل : 19May2008
المشاركات : 3,938
النوع : ذكر
الاقامة : Kuala Lumpur-Malaysia
السيارة: -
السيارة[2]: Audi A6
دراجة بخارية: -
الحالة :
بصراحة أنا شايف اللي موت الشارك للأسف هو الفتاوي والتجار الجهلة والمندوبين المتخلفين اللي في معارض السيارات
حرام بجد إحنا هنا في مصر حرمين نفسنا من عربيات جيدة جدا وركوبة تستحق لصالح شوية عربيات زبالة حولها هالة من المعتقدات والأوهام سمعناها من ناس بتبصم وما بتعرفش تنطق اسماء العربيات صح
لا عزاء للعربيات التحفة اللي ظهرت وماتت و محدش ركبها
رقم العضوية : 11106
تاريخ التسجيل : 20May2008
المشاركات : 5,343
النوع : ذكر
الاقامة : الزقازيق
السيارة: صني 2008-لانسر 99
السيارة[2]: تيدا هاتشباك HL-سيريون S
دراجة بخارية: مبحبهاش
الحالة :
معلش يعني يا جماعه اللي بيركب الشارك ده هو اللي عارف قيمتها
ومعظم اللي بيركب البومه بيركبها عشان سمعتها وانتشارها
سبحان الله وبحمده سبحان الله العظيم
رقم العضوية : 29232
تاريخ التسجيل : 05Jan2009
المشاركات : 63
النوع : ذكر
الاقامة : Cairo
السيارة: Lancer
السيارة[2]: Lancer
الحالة :
كلام حضرتك مظبوط انا معايا العربيه من 6 اشهر و عامل تقريبا 4000 كم بيها.
اولا كشكل احلى من معظم العربيات و شيك جدا من بره وجوه. اما حكايت شبابى ففعلا هيا كده و للسبب ده النل اشتريت الهاف سبورت لان الكامله صراحه شبابى زياده عن اللازم. على فكره لنل 36 سنه
ثانيا السحب كويس جدا بس انا مش من عشاق الجرى. واالى معايا اتوماتيك كمان. بحس ان البومه سحبها احسن بس الفرق غير ملحوظ.
العربيه مش منتشره بسبب سياسه التوكيل. انا رحتلهم لقيتها ب 137 وبعد كم شهر وصلت ل 146 و ده سعر يقربها من جيتا او اوكتافيا. انا كنت هجيب اوكتافيا بس حسبتها لقيت الاوكتافيا ب 168 اول فئه بدون جنوط و انا جبت الشارك ب 125 من ناشيونا موترز و دى هاف سبورت فيها جنوط 16 و ABS & 2 airbags
فطبعا فرق 43 الف مش قليل فجبتها وبعدين مش كل واحد عنده استعداد للمخاطره فى شراء عربيه بدون ضمان فيه ناس بتحب تريح دماغها وتشترى المضمون.
بالنسبه لصوت الموتور هوا خشن شويه بس ده اعتقد لانه موتور رياضى. عموما انا بحس بيه بس ساعه ما بدور او اكون ماشى فى مكان هادى اوى. غير كده ومع السرعه مشى بيفرق معايا ولا بحس بيه.
اما قطع الغيار فسعرها فى التوكيل تقريبا زى البومه اما بره فالفوانيس ليها بدائل تايوانى و بكده معتقدش ان فيه اى مشكله.
وبعدين كشياكه من جوه فهى اجمل من النيو سيراتو و الشارك عربيه يابانى 100%.
انا بس عيب العربيه بالنسبالى ان الاكصدامات ضعيفه والصاج كمان بس كل اليابانى كده والكورى كمان اسوأ. يعنى لو هنقارن مع فورد او اوكتافيا او اوبل او جيتا فطبعا الشارك ورق.
و يا جماعه العربيه مش منتشره اوى اوى بس موجوده و ده بيدى تميز للى راكبها مش كل الناس تبقى راكبه البومه كانها ال 128.
رقم العضوية : 8128
تاريخ التسجيل : 29Mar2008
المشاركات : 179
النوع : ذكر
الاقامة : egypt
السيارة: lancer
السيارة[2]: opel vectra
دراجة بخارية: لا
الحالة :
يا جماعه انتو بترغو فى ايه اللى ظلم ام العربيه دى سعرها المبالغ فيه فحت وردم تعالو نتكلم عن اول فئه فيه انا كنت بشترى عربيتى الانسر 2008 زيرو كانت ب 92 الف تقريبا اول فئه وكنت هموت واشترى الشكل الجديد اول فئه برده اللى كان ب 118 الف او اكتر شويه كمان يعنى فرق 26 الف جنيه بين دى ودى طبعا وبدون نقاش لف وارجع تانى رقم كبير مقارنه بين ان دى مانيول ودى مانويل بين ان دى لانسر ودى لانسر بين ان دى اول فئه ودى برده اول فئه كانك بتتكلم فى عربيه من شركه تانيه خالص غير الانسر فرق سعر رهيب دا اول ما نزلت خرجت العربيه الانسر من اهم ما يميزها وهيا سعرها خلت اهم ميزه للانسر اوت لذلك زى ما قال علاء ولى الدين فى فيلم الناظر صلاح الدين لف وارجع تانى لما كان بيعمل مظاهره هههههههههههههههه بالظبط لف وارجع تانى .
دى حاجه الحاجه التانيه انه لو الشركه دى كانت زكيه واحد فى المليون كانت نزلت السعر معقول او اقل شويه فى الاول على الاقل علشان تاخد شعبيه وبعد كدا كانت تزودو مش تعمل العكس تعلى اللاسعار فى الاول تخلى الناس تبعد عن العربيه وبعدين لما يدللو على عربياتهم يعملو عروض ويخسفو بالاسعار الارض ويخلو اللى اشترو فى الغالى يلبسو طرح لما يجو يبيعو كدا خلو سمعه العربيه فى الارض لما واحد يشترى العربيه ب 155 الف 2008 ويببعها النهاردا ب 104 او 102 دا لو كانت فبريكه يعنى بيخسر اكتر من تلت تمن العربيه دا دمر سوقها خالص لكن لو كانت العربيه دى نازله فى رنجها الطبيعى اللى هو لانسر طلعت او نزلت لانسر ليست سياره رفاهيه فارهه ب 160 الف جنيه معلش انا لما ادفع المبلغ دى مدفعوش فى لانسر مهما كان الاسم دا ارتبط فى مصر بالعربيات العمليه مش بالعربيات المرفهه كدا لانسر دخلت فى الغميق هنا فى مصر لذلك فشلت فشل زريع اما البومه من 2003 سعرها معقول ومواصفاتها معقوله ومناسبه لسعرها والشارك المفروض كانت تنزل سعرها قريب قوى من البومه من الاول مش تنزل ملهاش علاقه بالبومه سعرا وموضوعا وكلاما ومنطقا هيا عربيه تتحفه بكل معنى الكلمه الشارك دى عربيه انا عن نفسى هموت واجيبها ولكن ربنا عرفوه بالعقل . عربيه فاشله فى اعاده البيع هنا فى مصر ابعد عنها قدر المستطاع حتى لو هتموت عليها علشان متلاقيش نفسك لابس فى حيطه فى الاخر دا المنطق هنا فى مصر حسن السوق ولا حسن البضاعه بصراحه انا مش عارف السبب فى غلو العربيه دى ايه التجار ولا الشركه ولا الجمارك ولا ولا اللى انا عارفه انه فيه غباء فى السوق المصرى لازم اى حد يعمله حساب هنا علشان لما تحب تبيع العربيه لاى سبب من الاسباب سواء سفر او ظرف طارق او احتجت فلوسها متلاقيش نفسك لبست طرحه فى البلد دى الغريبه فى سوقها وفى تجارها وفى حاجات كتير قوى المهم ان اللى عايز اقوله هنا انه العربيه كويسه بس سعرها مش كويس دا سببه ايه مش فارقه المهم فى النهايه انها فشلت فشل زريع فى مصر على غير المتوقع للشركه دى اللى كل عربياتها ناجحه من سنين وسنين
[sor2]http://imageshack.us/a/img585/2103/cqtb.jpg[/sor2]
المفضلات