هو اسعار الكيا نزلت كدة لية

**wawoo** · 26-02-2010 08:39 AM

اقتباس
المشاركة الأصلية كتبت بواسطة LeperMessiah

انا لسه شايف الخليجى اللى عند ناشيونا موتورز بس معرفش بلدها ايه و فيها زياده على اللى انت قولته التالى:

1- بصمه
2- سى دى 6 اسطوانات
3- 10 ايرباج
4- Start Egnition Button
5- حساس خلفى
6- طاره جلد
7- فرش جلد

ب 116000

هو اسعار الكيا الخليجى نزلت جامد كدة لية ..مش دى كانت فوق 140 من كام شهر بس ؟؟؟

**د.محمود صلاح** · 26-02-2010 09:08 AM

اعتقد زيادة المعروض وتفضيل المشتري للخليجي السعودى ادى للإحجام عن الأردنى والخليجي الإماراتي وبالتالي تخفيض السعر

**wawoo** · 26-02-2010 01:33 PM

المشاركة الأصلية كتبت بواسطة lepermessiah

بصراحه انا مكنتش متابع اسعار الخليجى غير من فتره قريبه و لما كنت فى ناشيونال موتورز سألت على موضوع الاسعار و البائع قال لى انهم بيضربوا مستوردين تانيين صغيرين علشان هم الاصل

هو عشان يضربو مستوردين تانين ,,يقومو ينزلو 30 الف من تمن العربية ...لية هو مكسبهم فيها اساسا كان كام يعنى ..و اللى اشترو فى الاول ب 140 و ب 150 دول يعملو اية بالضبط ّّّ!!!!

واضح ان السيراتو دى بيتعمل فيها شغل على كبير قوى و كلة بيستغل ان التوكيل بالحجز و الانتظار ..
و لما هى العربية متوفرة كدة فى الخليج و بيجى منها كتير فى مصر ..لية التوكيل مش بينزل كميات اكتر فى مصر و يقلل زمن الحجز و خلافة ..

**Ahmed Samy** · 26-02-2010 02:11 PM

هي العربية رخيصة اساسا

ولما كانت بـ135 وده اعلى سعر ليها كان معروف انها غالية علشان مش متوفرة

و اللي اشترى كان عارف كده كويس

لأن سعر الوكيا كان معلن 126 من اول يوم وطبيعي ان السعر يقع للخليجى لما دون الوكيل باربع او خمس الاف يوما ما

**mohamedhamam** · 26-02-2010 02:19 PM

السوق عرض و طلب و كان فيه فرق بين سعر التوكيل و السعر بره و الطبيعى عند زيادة المعروض و توفره فى السوق الكل بينزل علشان يعرف يبيع و إلا حاتصدى

**Eng.Sameh** · 26-02-2010 02:55 PM

العربية ما رخصتش .. العربية اصلا كانت نازلة بسعر مش بتاعها وكتير عليها قوي .. وفضلت لحد ما الغاوي نقط بطقيته ، وبعدها سعرها نزل للمعدل القريب من الطبيعي ولسه هتنزل كمان شوية لحد ما توصل للسعر المناسب ليها اعتقد هتوصل ل من 100000-110000 اعلى فئة .

**M.ABDEEN** · 26-02-2010 03:06 PM

المشاركة الأصلية كتبت بواسطة eng.sameh

العربية ما رخصتش .. العربية اصلا كانت نازلة بسعر مش بتاعها وكتير عليها قوي .. وفضلت لحد ما الغاوي نقط بطقيته ، وبعدها سعرها نزل للمعدل القريب من الطبيعي ولسه هتنزل كمان شوية لحد ما توصل للسعر المناسب ليها اعتقد هتوصل ل من 100000-110000 اعلى فئة .

زيها زي عربيات ياباني سعرها برده مبالغ فيه وفي منها اللي نزل واللي منزيلش

**Samir_Adel** · 26-02-2010 07:05 PM

هي بتكون علي حسب استهلاك السوق و عشان مطلوبة فا في شغل كتير بيحصل في الخليجي و جاي من العرض و الطلب الهايل عليها.
هي مشكلة من جميع النواحي, في عربيات خليجي زي الفل لاكن عموما المعارض ممكن حاجة مخبوطة يرشوها و صباح الفل! و سمعت ان احيانا بيعملوا حاجة كدة في التكييف مش فاكر بصراحة و لو جبت خليجي هدفع زيادة 30 او 40% في الصيانات او قطع الغيار في التوكيل, العيب من التوكيل اللي هنا.. سياسة تسويقية غريبة! الشركة الأم ملهاش زنب, أنا داخل في 3 شهور حاجز و لسة هستلم اول شهر 4, بصراحة فكرت استرد المبلغ و اجيب خليجي بس اضمن منين اللي هي مش هيكون فيها عيوب؟ بردة مخاطرة و التوكيل هيدبحني في الأسعار مع ان الخليجي واخد طبقة بويا زيادة و تكيفة احسن!

**mahmoud_magdy** · 26-02-2010 07:49 PM

برغم كل الايجابيات اللي في السيراتو
الا ان سعرها مبالغ فيه بصراحه
والناس لما بتشتري عربيه بسعر عالي ومبالغ فيه بالتالي الوكيل والتجار هيزودوا نسبة ربحهم عن اللي كانو بيكسبوه
وبرده الناس بتشتري
لو الناس فكرت شويه ومشترتش السيراتو بالسرعه دي وفكرت ان سعرها مبالغ فيه واحجمت عنها لفتره كان زمان العربيه سعرها عادي
بس طبعا اي حد معذور لان العربيه شكلها يخطف