بعد استخدام شمع السوناكس ديه النتيجه

**Mshawky** · 13-03-2010 12:03 AM

المشاركة الأصلية كتبت بواسطة ksa2011

لا بس الشمع الى كان جاى عليها كان خشن العربيه كانت خشنه مش شمع ناعم
يعنى افهم من كده انه البوليش هو الشمع ؟
لو كده يبقى وصلت الفكره عندى
وربنا يبارك ليك يا باشا

لا ياباشا البوليش مش هو الشمع

الشمع هو اللى بيعمل طبقه فوق الدهان بيحافظ عليه من الشمس والتراب والمياه والخدوش السحطيه الخفيفه

لكن البوليش هو مسؤل عن اللمعه اللى بتبقا في الصاج وبيحافظ على اللمعان لمده طويل لو معمول مع الواكس فى نفس المنتج ديه الميزه بس

لكن فى منتجات ببتباع كتير شمع لوحده ووبوليش لوحده لكن ده افضل لانه بيديك الاتنين فى عمليه واحده

**KSA2011** · 13-03-2010 12:09 AM

اوبببببببببباا ايوه كده يا وديع ههههه
وصلت كده يا باشا ربنا يخليك
كده يبقى تمام
بس معلش استحملنى الشمع ده بيدوب على الدهان ولا بيبقى عليه ازاى و لو عايز تشيله بعد كده ممكن ولا هو ظروفه ايه ؟
وليه الناس بتقول يتعمل بالصاروخ ويدوى ؟ هتفرق طالما هى طبقه بتتحط على الدهان !

**Mshawky** · 13-03-2010 12:16 AM

المشاركة الأصلية كتبت بواسطة ksa2011

اوبببببببببباا ايوه كده يا وديع ههههه
وصلت كده يا باشا ربنا يخليك
كده يبقى تمام
بس معلش استحملنى الشمع ده بيدوب على الدهان ولا بيبقى عليه ازاى و لو عايز تشيله بعد كده ممكن ولا هو ظروفه ايه ؟
وليه الناس بتقول يتعمل بالصاروخ ويدوى ؟ هتفرق طالما هى طبقه بتتحط على الدهان !

هههههه لا اصل هو مش بلاستيك علشان اشيله واحطه هو طبقه رقيقه خفيفه فوق الصاج وبتروح مع الغسيل المتكرر علشان كده بقولك تعملها كل شهر مرتين
لانها لو مش بتششال يبقا الناس ديه مش هبتيع تانى هههههههههههههههه ماهو لازم العلبه تخلص

**KSA2011** · 13-03-2010 12:21 AM

المشاركة الأصلية كتبت بواسطة Mshawky

هههههه لا اصل هو مش بلاستيك علشان اشيله واحطه هو طبقه رقيقه خفيفه فوق الصاج وبتروح مع الغسيل المتكرر علشان كده بقولك تعملها كل شهر مرتين
لانها لو مش بتششال يبقا الناس ديه مش هبتيع تانى هههههههههههههههه ماهو لازم العلبه تخلص

خد صور ده
محمد شوقى باشا اخر الرجال المحترمين

ربنا يخليك ويبارك ليك شكرا جزيلا يا محمد باشا

**amr mokhtar** · 13-03-2010 12:26 AM

حد شاف ترتل واكس مؤخرآ؟؟

انا كنت بستعمله من أكتر من سنة لحد ما أختفى من كارفور و من كل حتة فى الإسكندرية
بس بعد ما جربت أكتر من نوع لقيت إن ترتل واكس هو الأفضل على الإطلاق
لو حد شافه فى حتة يا ريت يقوللى

**Samir_Adel** · 13-03-2010 12:50 AM

المشاركة الأصلية كتبت بواسطة mshawky

هو ايه علاقته ياباشا بدرى ولا متاخر ؟ هو لازم العربيه تكون متبهدله وبتنزل تراب علشان نهتم بيها بالعكس طول ماالعربيه فبريكا وبملعتها انت تحافظ عليها اكتر كمان مش تسيبها لما تفقد كل حاجه فيها وبعدين نهتم :ob_mak1[1]:

حضرتك يا فندم فهمتني غلط, انا قصدي اقول ان الكلام دة كلة مثلا اللي بشوفة بيحصل بعد 40 ألف او 50 ألف كيلو, هدفي من الكلام دة ان العربية بتاعتك لسة زيرو.. فا كنت مستغرب مش اكتر بس علي فكرة بالنسبة للامعة عموما بيكون في حبوب بتضرب و تتخلط مع بويا العربية في المصنع. لو تتدقق بنظرك جامد في البويا بتاعة عربيتك هتلاقي كميات هايلة من الحبوب دي ممكن نقول بالبلدي كدة علي شكل جليتر! هي دي وظيفتها عشان لامعة البويا علي العربية؟ انا قصدي ان مهما كانت جودة الخامات المستخدمة في الحاجات دي فا هي بردة داخل فيها كيماويات و مواد تقيلة و كتر استخدمها غلط علي البويا.
علي العموم ربنا يباركلك فيها يا برنس و يحميهالك من اي شر.

**Mshawky** · 13-03-2010 12:53 AM

المشاركة الأصلية كتبت بواسطة samir_adel

حضرتك يا فندم فهمتني غلط, انا قصدي اقول ان الكلام دة كلة مثلا اللي بشوفة بيحصل بعد 40 ألف او 50 ألف كيلو, هدفي من الكلام دة ان العربية بتاعتك لسة زيرو.. فا كنت مستغرب مش اكتر بس علي فكرة بالنسبة للامعة عموما بيكون في حبوب بتضرب و تتخلط مع بويا العربية في المصنع. لو تتدقق بنظرك جامد في البويا بتاعة عربيتك هتلاقي كميات هايلة من الحبوب دي ممكن نقول بالبلدي كدة علي شكل جليتر! هي مي دي وظيفتها عشان لامعة البويا علي العربية؟ انا قصدي ان مهما كانت جودة الخامات المستخدمة في الحاجات دي فا هي بردة داخل فيها كيماويات و مواد تقيلة و كتر استخدمها غلط علي البويا.
علي العموم ربنا يباركلك فيها يا برنس و يحميهالك من اي شر.

ولايهمك ياباشا كلنا اخوات حصل خير اذا كنت فهمتك غلط

وربنا مايحرمنا دايما من سوالك وزيارتك مواضعينا