من مدة حسيت ان العربية لما بتاخد مطب سريع بدون تهدية ذى متكون بتنط من ورا.وحاليا العفشجى نصحنى بتغيير اليايات الخلفية نظرا لرداءة اليايات اللى بتنزل بهم الشاهين ونصحنى اشترى يايات 132 مشرع.ما مدى صحة هذا الكلام؟
عرض للطباعة
من مدة حسيت ان العربية لما بتاخد مطب سريع بدون تهدية ذى متكون بتنط من ورا.وحاليا العفشجى نصحنى بتغيير اليايات الخلفية نظرا لرداءة اليايات اللى بتنزل بهم الشاهين ونصحنى اشترى يايات 132 مشرع.ما مدى صحة هذا الكلام؟
عالية و هتقلل الثبات خليك فى السوست بتوعها احسن
العفشجى بيقول ان سوستها رديئة.والعربية بتجي زيرو وبيغيرهم.الكلام ده سمعته من ناس كتير مش منه بس.
أظن الكلام غير صحيح
لأن المسؤول عن منع السيارة من النط بعد المطب هما المساعدين
جرب المساعدين يمكن باظوا
هز السيارة بإيدك من ورا ثلاث مرات جامد للآخر وبعدين إبعد إيدك مرة واحدة
لو السيارة طلعت من آخر هزة ومنزلتش تاني يبقى المساعد سليم
لو طلعت ونزلت وطلعت مرتين وأكثر يبقى المساعدين باظو وفسدوا
يبقى تجيبلك جوز مساعدين خلفي ألماني زيت وغاز يظبطولك العربية
اليايات زي الفل وميتغيروش إلا لو إنكسروا أو حملت عليهم زيادة عن اللزوم وإنضغطوا والعربية وطيت عن الطبيعي
غير كده يبقى اليايات سلام
السلام عليكم ورحمة الله انا معايا شاهين 2004 وفعلا غيرت السوست وجبت سوست 132 بس غيرتهم علشان العربية كانت بتتخبط من تحت فى المطبات ولكن العيب اللى عندك فى العربية شكله كده عيب مساعدين وعلى فكرة لازم العربية تنط من ورا لو انت اخدت المطب بسرعة لان العربية من ورا اخف بكتييير من قدام وشكرا