الموضوع: لا انصح بشراء اللوجان ؟؟؟؟؟؟؟؟!!!!!!!!!

المشاركة الأصلية كتبت بواسطة r_gamal1

النهاردة كنت بشوف قناة اوتو موتو والشريط اللى موجود على الشاشه الناس بتسال عن العربيات والقناة بترد عليهم
المهم واحد بيسال على اللوجان الزيرو المسئول رد عليه قله عربيه قويه وناعمه وشيك وعيوبها قطع غيار غاليه !!!!! وتقيله في بيعها !!!!! ولا انصح بالشراء !!!!!!!!!!!!
بالزمه دة اسمه كلام مين قله ان قطع غيارها غاليه طيب هو قارن بينها وبين الانواع التانيه من نفس الفئه وعرف منين انها هتكون تقيله فى البيع دة لسه محدش بيفكر اصلا فى بيعها دى لسه جديدة وبعدين الناس فكرتها عن الرينو اتغيرت تماما وعلى اى اساس ينصح بالشراء او لأ الكلام دة مش سهل ويغير راى ناس كتير
ياريت لو انا بفكر غلط حد يقولى

على رأي توقيع محمد ممدوح ...... اللي مايعرفش يقول هجص (قصدي طبعا على القناة) ..... و كلام القناة لا هو قرآن و لا انجيل عشان نمشي وراه مغمضين .....

المشاركة الأصلية كتبت بواسطة test50

المفروض رينو ترفع قضيه على القناه.......وهاتكسب القضيه وتخد تعويض محترم
ووالقناه ديه تقفل وترحمنا

ترفع قضية ليه؟ عادي ..... ده ابداء رأي و كل واحد حر في رأيه ..... طالما هو ما شتمش ......

المشاركة الأصلية كتبت بواسطة shifu

i hear from my friends that own megane that EIM is very expensive in spare parts and in paint

This is not true ...... I had my passenger door and fender fixed and painted, the fender sticker replaced and the total cost including parts, labor and sales tax was 1350 ! ...... I paid more than that in the past for lesser repairs on my Mitsubishi !

Plus, the parts are very expensive compared to what? to Asian cars? All European car parts cost more than their Asian counterparts, however the higher cost comes with a better warranty AND a longer service time .......

المشاركة الأصلية كتبت بواسطة best2010

بدون عواطف .. كلام القناة فيه شىء من الصحة .. واحنا كنا لسة بنتناقش فى مراية اللوجان المغربى اللى الوكيل بيبعها ب 1200 ج!!! ..

مفيش مراية كهرباء بالفريم و القاعدة و الموتور لأي عربية في مصر سعرها ارخص من كده و ده بالارقام يعني بدون عواطف ..... انا غيرت مراية اللانسر ب 1200 جنيه من اربع سنين و يا عالم بكام دلوقتي !!

المشاركة الأصلية كتبت بواسطة best2010

وفعلاً سعر اعادة البيع للرينو عموماً قليل واقل من عربيات قيمتها اقل بكتير .. لان دية ثقافة المصريين وافتكر قريت موضوع على اجزاء لأحد الأعضاء بيناقش ليه سعر اعادة بيع الرينو منخفض- خاصة الميجان

الميجان حاجة و اللوجان حاجة ...... الميجان سعر اعادة بيعها منخفض لانها فيها تكنولوجيا كتير في كل حاجة و ده فعلا بسبب ثقافة المصريين بعبع بيخوف الناس ...... انما اللوجان عليها طلب عالي جدا و ده محافظ على سعرها و فيه ناس شفناهم باعوها بخسارة محدودة جدا ......

المشاركة الأصلية كتبت بواسطة best2010

وانا رأيى الشخصى ان السبب هو الوكيل + جشع تجار الرينو واحتكارهم لبعض البضائع وانا سمعت كلام يشيب جشع بعض تجار الرينو بالذات

واحنا لو مش هنقف وننتقد اخطاء التوكيل اكيد مش هيصحح اوضاعة .. وكفاية ان غبور بسلطاتة ببابا غنوجه قادر انه يسوق عربية اقل من الرينو وينجح بجدارة !!!
معلش موضوع المرايا ده ضايقنى بجد

بدون عواطف برضه زي ما حضرتك قلت انا شايف الوكيل مالوش ذنب خالص

الناس هي اللي مش فاهمة العربية ...... و اسعار قطع الغيار انا شايف انها ملائمة لجودتها و عمرها الافتراضي و لان العربية اوروبية مش اسيوية ..... و تجار الرينو فيهم ناس كتير كويسة و مش عايز اقول اسماء عشان ما يبقاش اعلان ..... انا مثلا اما فانوس الفوج لايت بتاع السينيك اتكسر جبته استيراد اصلي بيبرق زي الجديد بضفيرته ب 200 و اما دورنا اكتر لقيناه ب 150 .... يا بلاش !!

و المراية اللي ب 1200 مش عايزها تضايق حضرتك لان زي ما قلت لك دي القاعدة و الفريم و الفيشة + الموتور + الكف بتاع المراية و ده سعر اكتر من عادل و انزل و اسال في اي توكيل تاني بتاع عربية تانية مراية كهرباء كاملة بكام و هتلاقيها اغلى ......

و بعدين الدلع مش ببلاش :) عايز مراية كهرباء يبقى تستحمل ...... و مش عايز اصدمك و اقول لك المرايات الضم بالكهرباء بتاعة السينيك بكام ...... طول ما فيه اوبشنز زيادة طول ما السعر بتاع القطعة يزيد ...... المراية الثابتة ارخص من المراية الضم اليدوي ارخص من المراية الضم اليدوي مع ظبط بالكهرباء ارخص من المراية الضم بالكهرباء و ظبط بالكهرباء .....

زي ما كارت الميجان اغلى من مفتاح اللوجان المتشفر اغلى من مفتاح اي عربية مش متشفر ! ده حال الدنيا ...... و صدقني جولة على التوكيلات التانية هتخليك تحمد ربنا ..... على رأي المثل - و اعذرني على المثل العامي البلدي شوية - اللي عايز يقدر عيشة أمه يروح يشوف عيشة مراة أبوه !!!!!!

و ما تقلقش ..... شوية و هتلاقي سيارات الحوادث المتقطعة سواء محلي او استيراد شدت حيلها شوية و هتلاقي المراية استيراد بنص التمن او اقل .... و يا سيدي تفاءل بالخير ....... ممكن العربية تقعد معاك 10 سنين ما تغيرش حتى كف مراية :)