ارجو المساعدة للاهميه القصوى

**forteka4_you** · 27-02-2010 03:04 AM

انا جبت عربيه لادا مو 92 وعاوز اعمل فيها حاجه مختلفه علشان محسش انها قليله..مع العلم انى لسه مبتدى فى موضوع العربيات مع العلم ان الموتور بحاله ممتازة ومش محتاج مصاريف وكنت عاوز اركب شويه كماليات
انا عاوز اركب نظام سيستم كامل فى حدود 2500 جنيه ايه هى افضل الانواع بالنسبه للسعر دة
وعاوز اركب اضاءة زينون ينفع ولا لا وتكون فى حدود كام عالى ققط
عاوز اعمل الابواب الزجاج الامامى للسيارة كهرباء
عاوز اغير التابلوة بتاع العربيه والديكسون ينفع ولا لا وفى حدود كام
عاوز اركب المرايا اللى بتتوصل بكاميرا من ورا تنفع ولا لا
ارجو مساعدة الاعضاء للاهميه

**Mostafa.Mahran** · 27-02-2010 04:28 AM

اولا الف مبروك عليك العربية

ثانيا كلنا اول ما جبنا العربية كنا عاوزين نعمل فيها العجب بس بعد شوية هتلاقى الموضوع هدى

المهم حالة العربية تكون كويسة على طول بمعنى انك متسبش حاجة فيها عاوزة تتصلح

الكلام الى انت عاوز تعمله متصرفش جامد عليه علشان شوية و هتعوز تغير لموديل احدث و ساعتها الكلام ده كله مش هيجيب تمنه

**ahmedemad15** · 27-02-2010 01:15 PM

كل الحاجات دى
انصحك تبيعها وتجيب عربيه جديده احسن
ياعم اللادا دى زى الجرار الزراعى وظيفتها انها توصلك من مكان لمكان
وانا بأيد رأى مصطفى مهران ان كلنا كنا عاوزين نعمل كدا وانا اقلك حاجه كمان تخيل ان اللادا دى ممكن تخرج بيها انت وزمايلك ولفلف فى الشوارع بيها ؟؟؟؟
اشك فى هذا اولا هيجيلك شد عضلى فى رجلك وايدك وهتلاقى العربيه سخنه
بص انت بدل ما عايز تدفع خد نصيحه منى بلاش كماليات وخليك فى الاساسات يعنى اعملك عمره او هاتلك رادتير نحاس او اشتريلك فوانيس جديده ركبلها جنوط
لكن شغل السماعات دا كبيره ب 1000 ج عشان مايبوظلكش البطاريه
وماانصحكش انك تغير التابلوه لنوع تانى هاتلك نفس نوع العربيه بيعمل حوالى 200 ج
والف مبروووووووووووووك ياباشا وربنا يكفيك شرها

**forteka4_you** · 27-02-2010 01:19 PM

الله يبارك فيك بس كنت عاوزك لو تعرف ان الحاجات ديه تنفع ولا لا ياريت تفدنى

**emad_ms** · 27-02-2010 02:18 PM

شوف ياسيدى خليك فى المتوسط احسن يعنى فية امبليفير بالفلاشة والريموت مع راديو fm ودة ثمنة فى حدود175 جنية مع طاقم سمعات بايونير ودةثمنة من100:250 جنية مع مانع شوشرة والطلبات دى تجيبها من باب اللوق وقبل ما تركب نظام الصوت اكشف على سلك البوبينة والبوجيهات لازم يكون سلك كربون وليس نحاس لان السلك النحاس بيعمل شوشرة مع الكسيت وبتسمع شوشرة الموتور فى السمعات ولو كان السلك نحاس غيرة بكربون لان كفاتة احسن اما بالنسبة للاضائة ممكن تركب بس نصيحة متركبهاش علشان المرور مانع اضائة زينون لانها اضائة مبهرة اما بالنسبة للمريات الجانبية انا مركب مرايات شاهين هى مرايات كبية وشكلها جميل على السيارة وعملية ورخيصة واناجايب المرايتين من التوفيقية ب55 جنية والسمكرى اللى ركبهم اخد 15 جنية اما بالنسبة للزجاج الكهرباء وبور الدركسيون ممكن تركبة عند حمدى لادا او فى الحرفيين ارخص وربنا يعينك

**forteka4_you** · 27-02-2010 03:27 PM

على فكرة انا عاوز اركب النور عالى فقط علشان المرور يعنى لو هدخل على لجنه او حاجه هشغل الواطى وياباشا لو المرور عاوز يديك مخالفه هيديهالك مش هيغلب سواء نور زينون او غيرة
وبالنسبه للمرايات انا مش عاوز المرايات الجانبيه لانى بالفعل مركب مرايات الشاهين لان شكلها احلى بس انا عاوز مرايه الصالون اللى متوصله بكاميرا من الخلف تشتغل مع المارشدير
وبالنسبه للزجاج الكهرباء انا سالت فى سبير كار وقالى انه العربيه اللادا منزلش ليها زجاج كهرباء الكلام دة صح ولا حد عامله وفين وبكام

**د.محمود صلاح** · 27-02-2010 04:13 PM

مافيش داعي للحاجات دي كلها تكلفة على الفاضي وبالذات موضوع الزجاج الكهربا ,, كفاية طقم صوت كويس ويكون مش مغري للشرقة أو من النوع اللي وشه بيتفك ..
الزينون بلاش منه تكلفة بدون داعي وهات لمبات قوية أفضل لك