الموضوع: مساعد فى شراء عربية مستعمله

المشاركة الأصلية كتبت بواسطة TheBuccaneer

Honda Civic
Mitsubishi Lancer 1998 - واحده من أحسن ال lancer التى ممكن أن تركبها
Toyota Corolla - تكون محظوظ إذا وجدت موديل 1996 بالسعر ده, هى تعتبر من احسن ال toyota التى ممكن ان تركبها الى حد انها قد تكون أحسن من الجديده
لا تفكر حتى فى كل من Daweo Lanos, Hyndai verna على الرغم من تكاثر وجودها, وعلى الرغم من إن العربيه سحبها جميل حتى السرعة الثالثه إذا كانت فى منافسه مع toyota او mitsubishi لكن بتكون خفيفه جدا بعد ال 100. ومع اية مطب هوائى تلاحظ إن العربيه بتهرب منك.
ممكن Opel Vectra و ده طبعا عيبها الوحيد قطع غيارها المرتفعة السعر.
حسب الترتيب من الأفضل إلى الأقل
Opel Vectra 1996
Honda Civic 1992 to 2000
Toyota Corolla 1996
Mitsubishi Lancer 1998, 2002

الصراحة الأربعة احلى من بعض، وطبعا سعر قطع الغيار لازم اكون حطة فى حسابى، لانى زى ماقلت لحضرتك، رجلى تقيلة على العربية

فا حضرتك لو ينفع ترتب لى العربيات الاربعة دولا من حيث اسعار قطع الغيار، ابقى شاكر جدا

المشاركة الأصلية كتبت بواسطة MEZAONLY

اسمع بقى يا باشا انتا عليك وعلى فيرنا 2007 او 2008 ةتيجى بالخمسين وفابريكة كمان وممكن دايو لانوس 2007 دى نصحيتى ليك الاتنين عربيات عملية ونظيفة
وابعد عن الصنى 99 علشان قطع غيرها نار والاوبل هتصرف عليها وانتا لسة فى جامعة مش حمل مصاريف تانى والاتوس دى كتكوتة وصغيرة بناتى يعنى ويارب اكون قدرت افيدك

فعلا، انا لاقيت الاتوس عربية توتو خالث ، على الاقل بالنسبة لى لانها متنفعنيش خالص فيرنا او لانوس العربيتين فعلا من اجل المواصلات فقط، وفعلا يعتمد عليهم ، بس لو كدة فانا كنت اجيب زيرو تقسيت احسن لى، + انى الصراحة عندى عقدة من ثبات الهيونداى

المشاركة الأصلية كتبت بواسطة amrelsaqqa

فيرنا بس تكون نضيفة

طالما مش بتاع سفر كتير او جرى جامد و سرعات عالية

فيها كل اللى انت عاوزه

بس مش ثابتة بعد ال120 او 140

وبالنسبة لى تحت ال 120؟؟؟؟؟؟ زى الهوندا او اللانسر كدة؟؟؟؟

المشاركة الأصلية كتبت بواسطة mohmdomar

من الاخر :
بولو\ ابيزا موديل 2001 فيها كل اللي عايزه ثبات اعتمادية قطع غيار معمرة والاهم انها شبابي جدا
او تجيب بونتو حديثة والعربية دي معايا وجامدة جدا وبردو فيها كل اللي انت عايزه

العربيتنى هاتشباك، ومظنش اللى فى البيت هيوفقوا عليها، علشان السفر والنقل والذى منه
مع انى بحب الهاتشباك جدا

المشاركة الأصلية كتبت بواسطة AhmadKamal

Sunny 1300 cc, model 2003/2004 is a good choice.

Also U can go for Fiat Sienna, or Petra.

Lancer 2000,

Toyota 1997

or Toyota 1999/2000.

Good luck....

شكرا على ردك

المشاركة الأصلية كتبت بواسطة mezaonly

ثبات اية حضرتك مش انتا بتقول انك مرة بالعافية جبت 130 وكمان لمدة دقيقة ومعلش كمان الفيرنا حلوة جدا لغاية 130 الرك على السواق والانوس برضة تحفة وسيبك بقى من القديم الانسر والهوندا هتوجع دماغك فى تصليح وارف اركب زيرو لانوس او فيرنا وكسبت راحا وموديل وقوة وعربيات اعتمادية وسعر اعادة البيع عالى يعنى دول انسب اختيارررررررررررررررررررر
ويارب اكون افاتك

معلش حضرتك، اصلى بالاكسل على 80 وبحس انى راكب ورقة ومش راسية، ومع اقل غرزة ببقى مقلق، حتى لو مش ديقة :)، فا علشان كدة مخنوق من الهيونداى

المشاركة الأصلية كتبت بواسطة thebuccaneer

فيرنا. لانوس. نصيحة من أخ والله والله والله يمين احاسب عليه يوم الدين لا تصلح تكون عربيه أساسا هى عباره عن امكانيات بسعر رخيص ليس إلا, لكنها غير ثابته من ال 100 مش من ال 120. انا ركبت ال mitsubishi lancer 2008 و حسيت بعدم ثباتها بداية من ال 110 فلا يعقل ان تكون الفيرنا و اللانوس ثابته عن ال mitsubishi lancer 2008!. انا معايا bmw طبعا بدون تزكيه معروف ثباتها ولا يقارن ثباتها بأية نوع تانى غير mercedes, audi لكن انا ليه صديق ليه كان ماشى على 60 و لكن حصل انه عن عدم قصد غفل عن الطريق و فجأة وجد امامه سور الكوبرى وبمجرد لفه بسيطه منه ناحية اليمين العربيه انقلبت. أنا كنت فى السوق وده اللى سمعته بالضبط من شخص كان هناك عاوز يشترى عربيه, وكانت خلفى عربيه فيرنا فابريكه بره وجوه موديل 2008 هذا ما قاله هذا الرجل بالضبط لصاحبه الفيرنا ده عربيه بنت .... مجرد ما تأكل مطب هواء تلاقى العربيه راحت فى مكان تانى خالص نصيحه من شخص ليس له اية غرض الفيرنا مجرد عربيه ذات امكانيات عاليه جدا بسعر زهيد كذلك اللانوس كذلك الشيفروليه افيو كل هذا السيارات انتجت فقط لزيادة المبيعات. تخيل حضرتك فى شركه مثل هيونداى عاوز تزيد مبيعاتك, وإذ بشركه مثل دايو قامت بأنتاج عربيه مثل اللانوس بأمكانياتها بسعر رخيص مع وجود نفس الأمكانيات فى سيارة هيونداى ولكن ليس نفس الكفاءة, هذه بسعر وليكن 50000 و الهيونداى بسعر 70000 على سبيل المثال فمن سيحقق نسبة مبيعات أعلى. بدأت دايو, ثم هيونداى, ثم شيفروليه, ثم تويوتا بعربيتها اليارس. حضرتك قيم الموضوع بالعقل فى الجزء ده. عالعموم ربنا يوفقك الى عربيه تكون كويسه. أسف جدا على اطالة ردى

عادى حضرتك، متقلش كدة، لا اطالة ولا حاجة :)
وفعلا، مشكلة الثبات هى اللى مخليانى افكر اغير العربية (مع انها بجد مش مكلفة وبتستحمل منى كتييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييييير ومش بتشتكى) هو موضوع الثبات، وبما ان العربيات اللى ثبتها 10/10 فى الزيرو عالى، فا مقدميش غير المستعمل، او اغير عفشة اللى معايا.

:)