Car go ,,, واسلوب تعامله مع الزبائن

**Terrible_DaRsH** · 01-03-2010 01:32 PM

المشاركة الأصلية كتبت بواسطة mohamedezat

بعيد عن صاحب المحل كشخص وعن العضويات اللى اتعملت فى نفس اليوم علشان الموضوع ده بالذات وبعيد عن اى اهانه موجه لاى شخص

90% من اصحاب محلات اكسسوار السيارات بيكونوا عندهم مرض التناكه
10% الباقيين بيكونوا لسه فاتحين ومعملوش زبون يتنكوا عليه

دول غلبوا الصنايعيه
اقسم بالله انا لما بحب اعمل حاجه فى عربيتى بابعت اى حد بيها رغم ان صاحب المحل ممكن يكون صاحبى
بس انا عارف اسلوبهم بالرغم انهم بيعاملونى كويس الا انى بتضايق جدا من معاملتهم للاخرين

واحد يجى ويسال عن الحاجه ويستفسر عنها وعن سعرها تلاقى رد باسلوب مش كويس وبدون اى اهتمام ولما تساله انت ليه بتعامل الناس كده يقولك ياعم ده ولا هايشترى ولا هايتنيل
بقا ده كلام ده ؟

انت اخترت انك تفتح محل كماليات ياعنى عندك حاجات كتير جدا وكل يوم فى جديد ياعنى الناس هاتستفسر اكتر ما هاتشترى يبقا المفروض يكون عندك استعداد للكلام ده كله وطوله بال

بالظبط كدا ...

**أحمد علاء** · 01-03-2010 02:07 PM

السلام عليكم
والله انا مش عارف المواضيع في المنتدى بدأت تبقى عنيفة ليه كده وتفقد الهدوء الإيجابي.
في البداية انا لا اتعامل عادة مع محلات الإكسيسوار ولا عندي خبرة بها ولا اعرف المحل المشار إلية ولا صاحبة.
بس انا بتكلم من باب النصح للإخوه في المنتدى العزيز
عموما لازم نتقي ربنا في كلامنا علشان منغتبش حد وده اهم 100 مرة من اي مكسب دنياوي
والناس في المنتدى بتحذر لو مكان اشترى منه بضاعة مغشوشة او بيسبب في تلف السيارة او ما شابه.
وعارف مدى الضيق الذي يحسة الإنسان عندما يتعامل مع أحد بطريقة ليست لائقة.

بس يا ريت نفكر اكثر من مرة قبل نشر اي اتهام او تجريح لأي شخص مهما كان لأن لا يصح ابدا. وانت شايفيين الموضوع اصبح ملئ بالإتهامات المتبادلة بداية من قلة الذوق والتناكة إلى الإتهام بالجهل او الغباء بين ناس تنتمي لحاجات كتير مشتركة واهمها الدين.

وكلنا بنقرأ الأيه الي في جميع صفحات المنتدى
*=== (( ما يلفظ من قول إلا لديه رقيب عتيد )) ===*

والله من وراء القصد

**Karim_Monir** · 01-03-2010 02:57 PM

اولا اسم الموضوع لا يصح مطلقا
ثانيا انتم اغتبتم ناس كتير جدا رجاء كثرة الاستغفار من اجل اكلكم لحم اخيكم ميتا
ثالثا محمد عثمان هايكون له تواجد رسمي هنا في المنتدى ابتداء من غد
لان في اعلان نازل للمحل من اول مارس واحنا اتاخرنا عليه في تصميم البانر
واحب اوضح شيئ:
تواجدة هنا رسميا بشكل اعلاني لن يعفية من انتقاده ولكن النقد له حدود واداب يجب مراعاتها
لاننا غرضنا نقد بناء مش نقد شتم وتجريح وده ضد الاداب العامة وقواعد المنتدى
--
رجاء للمشرف التدخل لان الموضوع مليئ مخالفات لقواعد المنتدى بدء من عنوانة الى مشاركات الفرانكو الى الاسلوب العنيف لبعض الاعضاء
تحياتي
كريم منير
المنسق العام

**AHMED1718** · 01-03-2010 03:07 PM

المشاركة الأصلية كتبت بواسطة medoxmedox

يا جماعه في محل اكسسوارات اسمه كار جو
انا مرحتش هناك قبل كدا ,,, بس بتابعه باستمرار علي الفيس بوك
بصراه صاحب المحل قمه في التناكه و قله الادب
في ردوده علي الاسثله و استهزاؤه بالناس
والله يا جماعه احنا اللي بنجيبو لنفسنا
لازم محل زي دا يعرف يقدر الزبون اللي بيدفعلو
يا ريت يا جماعه ناخد مواقف ايجابيه و مش علشان شويه اكسسوارات نسمح لحد يتعامل بالطريقه المشينه دي

اولا حرام عليك انك تحكم على حد متعرفوش انا ولا اعرفه ولا يعرفنى وجيتله يوم الاحد على اساس انه شغال كل يوم وانا كنت جاى من سفر ولاحترامه الشديد جداا الراجل تطوع وجالى وفتح محله علشان يدينى اللى انا عايزه والكلام ده الساعة 2 صباحااااااااااااااااااااا اااااااااااااااااااااااا

مش يعمل كده لو واحد تنك زى مبتقول حضرتك

وللعلم كل اللى انا كنت عايزه مكنتش حاجة كبيرة يعنى علشان متفتكرش نزل علشان هيكسب من ورايا

كل اللى كنت عايزه فوجات وانزار يعنى ده كله ميجبروش انه يحترمنى وينزل مخصوص ف ميعاد زى ده

وشكرا ليك يا محمد

**أحمد علاء** · 01-03-2010 03:16 PM

المشاركة الأصلية كتبت بواسطة karim_monir

اولا اسم الموضوع لا يصح مطلقا
ثانيا انتم اغتبتم ناس كتير جدا رجاء كثرة الاستغفار من اجل اكلكم لحم اخيكم ميتا

احسنت بارك الله فيك يا استاذ كريم
--
رجاء للمشرف التدخل لان الموضوع مليئ مخالفات لقواعد المنتدى بدء من عنوانة الى مشاركات الفرانكو الى الاسلوب العنيف لبعض الاعضاء
تحياتي
كريم منير
المنسق العام

مع إحترامي لك بس فعلا انا شايف ان لازم يتم تفعيل دور الإشراف اكثر من كده في موضوعات كتير علشان يرجع للمنتدى هدوءه الإيجابي بعيدا عن العنف والردود المؤذية للجميع. وطبعا ده هيتم بالتوازي مع تفاعلنا كأعضاء بالتنويه عن أي مشاركة مخالفة.

جزاكم الله خيرا

**dr-mohamed** · 01-03-2010 03:25 PM

المشاركة الأصلية كتبت بواسطة karim_monir

اولا اسم الموضوع لا يصح مطلقا

في دي عندك حق وكل المشاركات هتلاقيها مش موافقة على العنوان سواء كانت بتمدح في المحل وصاحبه او بتذم فيه

ثانيا انتم اغتبتم ناس كتير جدا رجاء كثرة الاستغفار من اجل اكلكم لحم اخيكم ميتا

اللي اغتاب يتحمل وزر الغيبة امام الله لكن اللى انتقد متهيالي مفيش عليه زنب يا كريم ومن حقنا نتقد اي حد اذا كان هناك مبرر للنقد

ثالثا محمد عثمان هايكون له تواجد رسمي هنا في المنتدى ابتداء من غد
لان في اعلان نازل للمحل من اول مارس واحنا اتاخرنا عليه في تصميم البانر
واحب اوضح شيئ:
تواجدة هنا رسميا بشكل اعلاني لن يعفية من انتقاده ولكن النقد له حدود واداب يجب مراعاتها
لاننا غرضنا نقد بناء مش نقد شتم وتجريح وده ضد الاداب العامة وقواعد المنتدى

مهم جدا جزئية ان الاعلان لن يفيه من النقد والا ميبقاش هو ده المنتدي بتاعنا يا كريم وركز على دي جدا

رجاء للمشرف التدخل لان الموضوع مليئ مخالفات لقواعد المنتدى بدء من عنوانة الى مشاركات الفرانكو الى الاسلوب العنيف لبعض الاعضاء

والعضويات اياها اللى اتعملت في الموضوع ده يا كريم مش مخالفة ولا ايه ؟
تحياتي
كريم منير
المنسق العام

**Karim_Monir** · 01-03-2010 04:25 PM

استاذ احمد علاء دور المشرف يتفعل لما تعمل تقرير مشاركة سيئة
لكن المشرف بيبقى وراه حاجات كتير وهو في النهاية متطوع مش معين

دكتور اكيد انت اكتر واحد على دراية بسياسة المنتدى واحنا رفضنا عقود رعايةمش مجرد اعلانات لعدم التدخل في سياسة المنتدى

اما العضويات المخالفة وغيرة المشرف يتدخل في كتابتها بالفرانكو لمخالفتها القواعد
والمؤمن كيس فطن :-)
ولا انت شايف ايه

تحياتي

-

-

الموضوع: Car go ,,, واسلوب تعامله مع الزبائن

LinkBack

أدوات الموضوع

عرض

-

-

-

-

-

المواضيع المتشابهه

اعتذار عن موضوع Car go ,,, واسلوب تعامله مع الزبائن

طرق كوستا كوفي الملتويه لخداع الزبائن

6 ابريل واسلوب عمر

الكلمات الدلالية لهذا الموضوع

المفضلات

المفضلات

ضوابط المشاركة