الموضوع: Car go ,,, واسلوب تعامله مع الزبائن

المشاركة الأصلية كتبت بواسطة mahamedaraby

هو دلوقتى شفته على الفيس بوك و زعلان من الموضوع ده

وانا راى ان هو يدخل ويرد بنفسه على الكلام المكتوب ده ويوضح وجهه نظره

وياسلام بقى لو بتحد هو نايل موتور ويعملنا عروض وخصم لنايل موتور

ويزعل ليه
المفروض يبقي فرحان ان اسمه جه في نايل موتورز
بضحك طبعا ندخل في الجد
المفروض انه تاجر
يعني المفروض ميزعلش
موضوع زي ده بيبين راي مجموعة من الناس فيه والمفروض يشوف ايه اللى بيضايق الناس منه او يزعلهم علشان ميعملهوش ويكسبزباين جديدة مش يزعل ويلوي بوزه يبقي هو الخسران لان زي ما هو عنده محله زي ما الناس عندها الف محل اكسسوار تشتري منهم غيره وهو الخسران في النهاية

المشاركة الأصلية كتبت بواسطة ahmed20_08nubira

هو لو شاف الموضوع هيغلى الاسعار على اعضاء نايل موتورز :)

لو عمل كدة و ده اكيد مش هيعمله يبقي هو الخسران

المشاركة الأصلية كتبت بواسطة ahmed20_08nubira

افشتك...انت محمد عثمان؟ ههههههه

ههههههههههههههههههههههههه ههه
حلوة

المشاركة الأصلية كتبت بواسطة beto84

طالما مارحتش يبقي متتكلمش وترمي الناس بالباطل علي فكرة انا فاتح محل كماليات واتعملت مع محمد عثمان ومش هقولك غير ان ياريت كل الناس زي محمد عثمان والناس اللي معاه في محله كلهم ذوق وادب نصيحة مني ليك اتعامل مع الناس وبعد كده احكم عليهم

يعني حضرتك عضو من 2008 وليك مشاركة واحدة بس قبل كدة
و دي المشاركة التانية
معلش يعني المشاركة دي مش مقنعة بالمرة بالعكس مردودها سلبي اكتر منه ايجابي

المشاركة الأصلية كتبت بواسطة bassamhafez

معاك حق

انا مرة اشتريت من عنده طقم بوجيهات ايريديوم ب 290 جنيه وفي الاخر عرفت انه بيتباع في توكيله ب 150 جنيه بس كنت ركبته وخلاص
بس هو الولد اصلا شكله هادي وتحس انه تنك شويه بس ممكن تكون دي طبيعته لاني بلاحظ انه بيبقى لذيذ مع بعض الناس اللي هما اصحابه
بس عموما هو بيرد على كل الاستفسارات على الفيس بوك عادي هو صحيح بيرخم في بعضها بس دي قليلة جدا
انا مشبقول كده وخلاص بس انا بدخل على الجروب ده كتير جدا وبشوف معظم الحوارات عليه

نفس الحكاية امير بتاع سبير كار كلمته وعرفته انى هروح له علشان باكتات لانسر ورحت سالت عنها في المحل بتاع المبيعات قال الموجود بتاع البومة بس انما الكريستالة مش موجودة رغم انى كنت سائله عن كريستالة فسئلت عن امير وكلمته وفكرته بنفسي قال موجودة ونادي على بتاع المبيعات فكان نفس الرد انها مش موجودة قاله اللى موجودة عندك ركبها (يعني ركب بتاعة البوما على الكريستالة ) طبعا المقاس مكانش موجودة وقصوا منها اجزاء علشان تنفع تركب
اولا خدعني وكان المفروض يقول انها بتاعة البوما بس ممكن تتقص وتركب على الكريستالة هو معملش كدة وبرغم انى عرفت ده قبل ما تركب لكن سكت لانى لقيت انها مش هتفرق كتير
ثانيا اسلوبه معايا كان جاف شوية هو صحيح ادانى حامل للموبايل هدية و دي يشكر عليها لكن معلش المثل بيقول لقيني ولا تغديني لكن اكتشفت ان ده مش اسلوبه لان دخل واحد صاحبه وقعدوا يضحكوا و ده ضايقني اكتر لكن مقدرش ازم فيه او اقول انه وحش هو كل ما في الامر مش فارقة معاه حاسس ان لو مشي زبون هايجي غيره عشرة ميعرفش ان الزبون ده ممكن يمشي ويمشي معاه عشرة كانوا ممكن ييجوا

المشاركة الأصلية كتبت بواسطة memoz

هو انت مش من حقك انك تقول علي حد انو قليل الادب لانك اصلا متعاملتش معاه ولا تعرفه
غير كده لو مش عجبك اسلوبه ممكن متتدخلش علي الجروب بتاعه
و شكرا

اكيد طبعا اخونا اللى عمل الموضوع ميقصدش قلة الادب بالمعني الحرفي هو يقصد ان اسلوبه في الرد يخلو من اللياقة مش اكتر
وبسيطة متزعلش نفسك اكيد العضو مش هيدخل الجروب بتاعه تانى من نفسه




وواضح يا جماعة ان فيه اختلاف في الاراء ومتهيالي ده مش اول موضوع عن جو لان كان فيه من فترة بسيطة عضو دخل عمل موضوع عن ان اشتري حاجات وطلعت بايظة لان جو مش بيركب حاجة و جو دخل رد عليه وكانت هتوصل لدرجة المشاجرة على النت

جو زيه زي اي شئ في الدنيا لا يمكن الناس كلها تتفق عليه
البعض شايف انه انسان زوق واسعاره اقل اسعار وبضاعته مش موجودة عند اي حد تاني
والبعض التاني شايف انه معندهوش زوق وان اسعاره غالية جدا زي ما قال احد الاخوة انه ضعف التوكيل
اللى عايز يتعامل معاه كان بها
واللى مش عايز كان بها
بس يا ريت منركزش على الصفات الشخصية لاننا مش هنتجوزه
نركز على نوعية البضاعة وعلى السعر واسلوب البيع لان ده اللى يفيد الكل فعلا ونتكلم عن وقائع حدثت بالفعل زي اخونا بسام حافظ ما عمل كدة