هلا مازالت ثقتك بجودة تويوتا في محهلا مازالت ثقتك بجودة تويوتا في محلها ام تزحزحت ام انعدمت شاركنا برأيك لها ام تزحزحت ام انعدمت شاركنا برأيك
هلا مازالت ثقتك بجودة تويوتا في محهلا مازالت ثقتك بجودة تويوتا في محلها ام تزحزحت ام انعدمت شاركنا برأيك لها ام تزحزحت ام انعدمت شاركنا برأيك
انا واحد من الناس لو معايا فلوس الكرولا هجيبها
وهتكون من أول البدائل اللي هختارها
تويوتا شركة محترمة وصاحبة ثقة
لسة باثق فيها مادام بتعترف بالعيوب وتقدم حلول سواء تحت ضغط او بدون ضغط.
طبعا اثق فى تويوتا جدااااااا
تويوتا يا جماعة مش شركة عادية ...دي عبارة عن ميدنة كاملة في اليابان...دولة صغيرة..
عموما مهما حصل تويوتا هاتفضل تويوتا.....
اكيد تزحزحت وانا كنت من عشاقها وكانت هرم عالى طلعت عادى وفى غلطات وعيوب راحت مفخرة التويوتا
على فكرة كان فى اعلان عن تويوتا واحد عربى بيسرخ وبيقول
التويوتا مبتعطلش التويوتا مبتعطلش
طبعا الراجل دا راى اتغير دلوقتى
مش معنى انهم اكتشفوا عيوب انها شركة فاشلة وغير ناجحة
لكن هناك اخطاء واعتقد انهم قادرين على حلها وتجاوزها
التويوتا علامة الثقة
ما زلت اثق فيها :S_thum1[1]:
سمعة العربية تاريخ .. مش موقف
لكل جواد كبوة
والله انا بقي اي حد بيسئلني علي عربية جديده مش برجح ليه تويوتا وده في الايام دي بس
الى عملوه زود ثقتى فى العملاق تويوتا و لكل جواد كبوة و بعدين ما اغلب الكبار حصل معاهم كدة و لا علشان دى السيارة الأكثر مبيعا على مستوى العالم!!!
+11111111111
مازلت أثق في التويوتا وبالذات الموديلات الأقدم
طول عمرى بحب تويوتا بس فى مصر لا لان سعرها مغالى فيه جدا جدا و مره قبل ما اجيب الفيرنا كنت فى تكويل تويوتا فى العباسيه مع والدى بفكر فى الكورولا و بقول للسيلز اللى هناك السعر غالى قوى قالى كفايه انك معاك علامه تويتا قولتله شكرا انا مش عاوز العلامه العربيه ممتازه فعلا لكن مش محققه معادله القيمه مقابل السعر خالص و مش هيه لوحدها كل العربيات بس بالنسبه لتويوتا بحسها زياده شويه يعنى مثلا ازاى ادفع 115 الف فى عربيه مافيها ار بى ام انا عارف ان كلام ممكن يضايق ناس و ناس تانيه هاتقولى يعم ده فضل الفرنا عليها :))
لكن انا واحد عملى انا عاوز ايه من العربيه غير انى ادور و امشى و معايا تكييف و باور و كمان ار بى ام بس خلاص
والله العربية ممتازة ومافيش أفضل منها (بالمناسبة أنا باتكلم عن كورولا 2010) بس من بعد ما اتعاملت مع التوكيل أنا يستحيل أشتريها مرة ثانية.
أعتقد أن التوكيل لو اتغيرت إدارته وكل الموظفين فيه هتزيد قيمة العربية كتير في نظري.
http://www.nilemotors.net/Nile/129492-a.html
اقتباس:
سمعة تويوتا تلقت أيضا صدمة اضافية مؤخرا نتيجة افشاء مضمون أحد التقارير الداخلية للشركة الذي كشف عن أن بعض موظفيها نجحوا في توفير أكثر من100 مليون دولار نتيجة ممارستهم ضغوطا علي السلطات الأمريكية المعنية من أجل غض النظر عن استرجاع عدد كبير من سيارات كامري ولكزس كان بها عيوب فنية ينبغي اصلاحها.
هل المفروض نثق فى تويوتا بعد هذا الكلام !!اقتباس:
وكان بداية هذه المعركة هو الاستجابة, بعد طول تردد, للمثول أمام الكونجرس الأمريكي لاستعادة ثقة المستهلك الأمريكي. حيث اعترف تويودا أمام الرأي العام الأمريكي بأن شركته ربما كانت متسرعة في زيادة انتاجها الخارجي في السنوات الأخيرة, خاصة في الولايات المتحدة والصين, وهو ماأثر سلبيا علي سلامة وجودة منتجاتها كما عبر عن قناعته بأن شركته قد تأخرت في التعامل مع السيارات المعيبة وتجاهلت شكاوي المستهلكين.
أؤيد كلامك تماما :verygood:
تأكيدا لذلك .. هذه مشاركه بوجهة نظرى الشخصيه فى موضوع تويوتا
http://www.nilemotors.net/Nile/129717-a.html
مع انى "بكره" تويوتا بس "احترمها" و ما زلت بحترمها ...
على الاقل ...
مش ماشيه بنظام خلى الطبق مستور ...
حتى لو تم الضغط عليهم ..
بس فى الاخر ..
صلحو العيب ...
و يكفى انها اول شركه فى مصر "تعترف"بعيب فى عربياتها و تصلحه ...
الكبير مبيقعقش بسهولة وتويوتا هي الاكبر على مستوى العالم
كل اللى فات كان مجرد كلام لو بالفعل اصلاح العيوب تم بسلاسة و باحترام لجميع العملاء و أصبح الاهتمام بالجودة على حساب المبيعات ستعود الثقة
مما لا شك فيه ان اسمها اتهز واتهز هزة جامدة كمان
وبصراحة مش فاهم الناس اللي لسة واثقة فيها اوي دي ليه
بيتهيالي دي عاطفة في موقف مفهوش عواطف
الحقيقة تويوتا دلوقتي في موقف لاتحسد عليه ولازم ينسفو الغلطة دي ويعوضوها بمنتهى السرعة في الموديلات الجديدة وتعويض الناس ده مفروغ منو طبعا
لو عرفت تنسي الناس الغلطة الشنيعة دي بخدمة اعلى وصناعة اقوى وطفرة سريعة
ساعتها بس نقدر نقول ان تويوتا عوضت الغلطة بنسبة90 في المية
لانو في رايي للاسف مش سهل يعوضوها 100 في ال100
تويوتا
اكتب اية و أقول اية ؟
جودة.... اة طبعاً مفيش كلام ... لكن حصلها زلزال
بس بصراحة ... انا شايف انهم لازم يعيدوا النظر في تسعير عربياتهم
علامة تويوتا اتهزت جداً ... بس اكيد هترجع بقوتها تاني
انا مش واثق اوي في تويوتا حالياً ... بس واثق ان كل مصنعي السيارات ما هم إللا اصحاب بيزنس !!
أثق فيها جدا
كل الشركات بيحصل فيها مشاكل أحيانا و بدام الشركة أعترفت بأخطائها و بتحاول تصلحها يبقى ثقتى فيها تزيد مش تقل
انا مش عايز اكون متحامل علي تويوتا لان انا عارف انها شركه ليها اسمها بس انا وجهه نظري الشخصيه ان تويوتا نفسها محتاره بمعني ان اداءها متذبذب احيانا تطرح موديلات كويسه و احيانا العكس و في ظل التقدم الالماني الرهيب من نواحي الرفاهيه و السلامه و كمان التقدم الكوري من ناحيه القدره علي طرح سيارات شعبيه تخاطب الطبقات الوسطي اصبحت تويوتا في خطر خساره عملاءها لان انا بلاحظ ان الشركه احيانا تتجه ناحيه الرفاهيه و احيانا تتجه ناحيه التقنيات الاقتصاديه ويكاد يكون من المستحيل الدمج بين الفئتين ودي مشكله تويوتا و لو نلاحظ نجد ان سعر الكورولا في مصر مثلا غير تنافسي اطلاقا لو قارنا بينها و بين الاوكتافيا مثلا او بين الياريس و الالنترا طبعا ده لا ينفي او يسقط صفه الجوده عن تويوتا ولكنه ينفي عنها القدره التنافسيه و كمان المشكله التانيه ان اصدارات تويوتا المتتاليه نجد ان لا علاقه لها مع بعضها من ناحيه الشكل الخارجي و ده بيقلل من مبدا الاصاله في السياره اللي بعض الزبائن بيحترموه جدا انا رايي ان تويوتا ليها ميزات تنافسيه عاليه جدا جدا في تقنيات الدفع الرباعي و يمكن يكونوا متفوقين علي الالمان في هذا الجانب و دي الميزه اللي لازم يستغلوها و يمكن ده سبب نجاح تويوتا البهر في دول الخليج عفوا للاطاله شكرا
اثق فى تويوتا الموديلات القادمة سوف تكون اكثر دقة وتميز والاستفادة من العيوب والاخطاء ولولا انها شركة لها وزن ما كانت خاطرت بمستقبلها وصرحت عن العيوب وسحبت سياراتها
لو فى اختيار ان ثقتى تزحزحت شويه زى ما انت قولت فى عنوان الموضوع كنت اخترتها لكن فى الاستطلاع موجود الثقه الكامله وعدم الثقه نهائيا وانا مش موافق على الاختيارين دول
شكرا على الموضوع المهم
يا جماعة اولا : اسف على الاسلوب بس انا بتكلم فى شركة فى عيوب فى مديلات من 2008 ومردتش تعترف غير لما اكثر من 6 اشخاص ماتو فى حوادث بسبب عيب فى نظام الفرامل ومرفوع علهم اضية ومطلوب تعوبضات ممكن تخليه تعلن افلاسها واحنا بتنكلم فى انا بحب الماركة دى وانا لا بجد لا قدر الله لو حد من اقربائنا او اصدقائنا حصلو كدة بسسب عربية حنفضل نتكلم كدة الامركان بيخافوا على نفسهم الناس بتعهم اكتر مننا رأى : طالما اعترفت بعد ضغوط لا اثق بها
هذه أول مشاركة لي في هذا المنتدى الجميل
أولا انا لسه شاري كورولا مانيول 2009
طبعا ما فعلته تويوتا من اعتراف بمشاكل سيارتها كان تحت ضغط
لكن ليس كل من يخطئ يعترف بخطأه , هذا ان لم يتمادى في الدفاع عن نفسه و تجاهل الاخطاء
اريد ان اوضح ايضا ان هناك الكثير من السيارات الاخرى بها مشاكل مثل الياباني و الكوري طبعا و الالماني كمان
لكن لان تويوتا شركة ليست صغيرة فكانت صاحب السبق في الاعتراف بالخطأ ثم تبعها الاخرين في الاعتراف بان هناك مشاكل في سياراتهم
و هذا يدل ان تويوتا هي اكبر شركة سيارات عالميا و هي قائدة صناعة السيارات
ثقتي تهتز في اي منتج تهتز فقط عندما اجد الشركة تنكر العيب او المشكلة التي تواجهني لكن عندما تعترف بالعيب و تصلحه
هوه ده الي يخلي الشركة دي محترمة و يجعلها تحتفظ بعملائها أوفياء لها مهما حدث
أنا شايف الموضوع بتفاؤل أكثر ... تاريخ تويوتا عريق ... والأهتمام بالشركة في المستقبل أكيد هيبقي أحسن
نهائي بالعكس أحترمتها أكتر
بصراحة بأثق فيها جدا و يكفي التجارب التي امر بها يوميا مع سيارتي الياريس علي الطريق و في مختلف الظروف لتثبت لي دائما اني أستطيع الاعتماد عليها و انا مطمئن
م/ سمير الشهاوي