الموضوع: ::: الإستدعاءات تتواصل مع الشركات اليابانية ... سوزوكى . دايهاتسو . نيسان ::

المشاركة الأصلية كتبت بواسطة Eng:mohamed

بس 8 مليون عربيه تسحبها تويوتا؟؟؟؟ليه؟أمال الإنتاج كام؟؟؟؟؟؟؟ديشليون؟

الرقم ده في أمريكا بس مش باقي العالم كمان

المشاركة الأصلية كتبت بواسطة hh

أستدعاء السيارات للأصلاح ليس بجديد, و اللي متابع عارف ان شركات كتير عملت recall لمويديلات قبل كدة منها حتى ال بي أم. الجديد بقى هو تسليط الضوء بشكل مبالغ فيه على الموضوع ده, و ده اللي مخليني بميل لنظرية أن الحكومة الأمريكية هي اللي بتساعد على تكبير الموضوع عشان ترفع من أسهم جي أم.

نفس شكوكي بالضبط لأن طول عمر الشركات بتسحب عربياتها لإصلاح عيب أو إتنين ظهروا مع الإستخدام ... إشمعنى دلوقتي الموضوع بقى كبير كده ومتسلط عليه الضوء قوي

المشاركة الأصلية كتبت بواسطة kareemhisham

هو الناس مش راضية تفهم ليه ؟!

يااااااا جمااااااااااعة .. من زمان اوي و الشركات بتسحب سيارااااااااااااااات ..

Auto Recalls, Component Recalls, Recalls by Makes and Models

BMW .. دودج .. فورد .. جيب .. فولفو .. بونتياك .. اودي .. لكزس .. فولكس فاجن .. كرايسلر .. انفينيتي .. جاجوار .. نيسان .. شيفروليه .. اكورا .. ميني كوبر .. مازدا .. ميتسوبيشي .. هوندا .. كاديلاك .. لاند روفر .. GMC

كللللللللللللللللللل دي ماركات سحبت عربيات في ٢٠١٠ بس .. و لما تشوفوا الاتسحب قبل كدة هتلاقوا ان استون مارتين سحبت عربيات ..

و ان لامبورجيني سحبت عربيات بسبب عيب في العفشة و مرة تانية بسبب عيب في التوجيه ..

نفسي فعلا الناس تتأكد من صحة الكلام ده ... ولو تفتكروا كلكوا أول لما البيتلز الجديدة إتعملت فولكس فاجن بعديها بسنة واحدة رجعت سحبت كل العربيات اللى إتعملت منها عشان كان فيها عيب في الضفيرة بتاعتها كانت ممكن تخلي العربية تولع وده اللى حصل في عربيتين فقط راحوا ساحبين الباقي ... والبي إم الـ زي 8 ... Z8 كان فيها مشكلة في عملية تهوية الفرامل وأول موديل منها إتسحب بالكامل لإصلاح المشكلة وغيره كتير من كل الماركات زي ما الأخوة الأفاضل ذكروا

طيب شوفتوا الخبر ده

زيادة مبيعات الشركات اليابانية في اليابان

الأثنين، 1 مارس 2010 - 20:59 | (27)
0

تحسن السوق الياباني
ذكرت شركة "تويوتا" اليابانية لصناعة السيارات أن مبيعاتها في اليابان ارتفعت بنسبة 48% على الرغم من عمليات السحب الضخمة التي قامت بها الشهر الماضي لبعض طرازاتها في أنحاء مختلفة من العالم.

وقالت الشركة إنها باعت 146 ألفا و145 سيارة في السوق اليابانية خلال الشهر الماضي بزيادة نسبتها 48%, كما باعت 3373 سيارة من طرازها الفاخر "لكزس" بزيادة 257% عن الفترة نفسها من العام الماضي، بحسب تقارير صحفية عالمية يوم الاثنين.

وزادت المبيعات السنوية في قطاع السيارات بنسبة 35% على لتبلغ 294 ألفا و887 سيارة في فبراير مقارنة بالعام الماضي حينما تضرر الطلب بسبب الركود العالمي.

وسجلت شركتا "هوندا" و"نيسان" المنافستان أيضا مبيعات قوية, حيث ارتفعت مبيعات "هوندا" ثاني أكبر شركة لصناعة السيارات في اليابان بنسبة 36% إلى 41 ألفا سيارة، ونيسان بنسبة 18% إلى 47 ألفا و948سيارة.

يعني فيه اكتر من كده

هو ده اللي عاوزينه اليابانيين
هما عارفين ان فيه هوجة
هما استغلوها انهم يطلعوا محترمين اي كان الأسباب ايه والمشكلة فين
ولكن كل الناس بعد ما الموضوع يخلص هيحس انهم فعلا محترمين ومفيش شركات تقدر تفتح على نفسها هوجة زي دي

المشاركة الأصلية كتبت بواسطة أبو حمزة

عجبتني إثارة النقطة دي يابو عبد الله أحييك عليها
خصوصاً إن معظم الشركات اللي بتستدعي بيكون لموديلات حديثة

بالظبط يا ابو حمزة
وهو ده نفس موضوع تويوتا برضه
تويوتا سحبت عربيات موديل 2004
يعني بقالها عشر سنين ماشيه ولا صاحبها مات ولا حصلها مشكلة ولا حادثة لأن لو كان حصل مكنشي العربيه هتبقى موجوده اساسا علشان تتسحب
وببعدين العربيه بقالها 6 سنين او 10 سنين ولسه منتظر ان يطلع فيها عيب
ده هو ده اساسا العمر الأفتراضي عندهم بالخارج للعربيات يعني معلش لو العربيه بقالها 10 سنين ماشيه في الشوراع وعملت مشكلة عمرك ما هتفكر اساسا ان دي مشكلة صناعه او الشركة لها علاقة بها
ده بقالها 10 سنين ومعملتش حاجه يعني عمر فعلا

المشاركة الأصلية كتبت بواسطة N.Y.S.M.A

الرقم ده في أمريكا بس مش باقي العالم كمان [/COLOR][/FONT]

[/COLOR][/FONT][/CENTER]

يا باشا ال8 مليون دول من العالم كله

المشاركة الأصلية كتبت بواسطة أبو عبدالله

بالظبط يا ابو حمزة
وهو ده نفس موضوع تويوتا برضه
تويوتا سحبت عربيات موديل 2004
يعني بقالها عشر سنين ماشيه ولا صاحبها مات ولا حصلها مشكلة ولا حادثة لأن لو كان حصل مكنشي العربيه هتبقى موجوده اساسا علشان تتسحب
وببعدين العربيه بقالها 6 سنين او 10 سنين ولسه منتظر ان يطلع فيها عيب
ده هو ده اساسا العمر الأفتراضي عندهم بالخارج للعربيات يعني معلش لو العربيه بقالها 10 سنين ماشيه في الشوراع وعملت مشكلة عمرك ما هتفكر اساسا ان دي مشكلة صناعه او الشركة لها علاقة بها
ده بقالها 10 سنين ومعملتش حاجه يعني عمر فعلا

ما هو عشان كده أنا حاسس إن الموضوع فيه لعبة من تحت الحزام بتلعبها الحكومة الأمريكية مع تويوتا بالذات

المشاركة الأصلية كتبت بواسطة أبو عبدالله

طيب شوفتوا الخبر ده


يعني فيه اكتر من كده

هو ده اللي عاوزينه اليابانيين
هما عارفين ان فيه هوجة
هما استغلوها انهم يطلعوا محترمين اي كان الأسباب ايه والمشكلة فين
ولكن كل الناس بعد ما الموضوع يخلص هيحس انهم فعلا محترمين ومفيش شركات تقدر تفتح على نفسها هوجة زي دي

تصدق والله يا استاذ ابو عبد الله ان الخبر دة فرحني :)

اشكرك بشدة

المشاركة الأصلية كتبت بواسطة kareemhisham

يا باشا ال8 مليون دول من العالم كله

أنا لما قريت الموضوع كان بيتكلم عن 8 مليون في الولايات المتحدة و2 وشوية في أوروبا وواحد وشوية في شرق أسيا ولما حسبتها كان الإجمالي حوالي 14 مليون عربية وطبها السحب هايتم على مدة كبيرة ولسة شغال

المشاركة الأصلية كتبت بواسطة kareemhisham

تصدق والله يا استاذ ابو عبد الله ان الخبر دة فرحني :)

اشكرك بشدة

الله يفرحك كمان وكمان
يا اخي مفيش حاجه تزعل اساسا
كل الكلام ده بعد كام شهر ولا هيبقى له اثر وبكره افكرك
هيا هوجة اعلامية زي هوجة مباراة مصر والجزائر بس على كبير شويه على شغل عالمي ومين اللي بيعملها وسائل الاعلام الأمريكية كمان

انا شايف ان اليابانيين هيستخدموا الأزمة دي لمصلحتهم وهو ده اللي بشوفه دلوقتي
بدأوا يتكلموا عن معايير اخرى للسلامة والتطوير والجودة وشغل
وبدأت الشركات اليابانية تسمع الكلام وتسحب عربيات بقالها عشر سنين ماشيه في الشوارع وعايشه ومفيش اي مشكلة وحتى لو فيه مشكلة برضه انت بتتكلم في عشر سنين
ولكن ده كله علشان يحسسك انك بتتعامل مع شركات بتقدر وتحترم العميل حتى لو مش عارف عيوب سيارته
انا مش بتكلم عن مثالية
انا بتكلم عن شغل واساليب لكسب ثقة الناس وبزيادة عن الأول كمان
مين ضغط على الشركات اللي في اليابان دلوقتي
المؤسسة الأمريكية برضه للسلامة