هل ال 516 موديل 2010 افضل من ال m11 و ليه اضائه عدادات التيجو وحشه؟
عرض للطباعة
هل ال 516 موديل 2010 افضل من ال m11 و ليه اضائه عدادات التيجو وحشه؟
انا بعتبر ال m11
تطور من ال 516
بس الاتنين نفس المحرك
انا مش بحب ام 11 مش متوازنا و بحس ان هي لعبة جنب 516 نصيحة هات 516 2010 حلوة و اي استفسار كلمني علي ايميلي evramevram@yahoo.com
ام 11 شكلها احلى وتقنيا هيا التعديل بتاع ال 516 (بس اتأكد من الموضوع دة )
دي حقيقة و مش متوازنة زي 516 انا جبت بية 200 علي طريق الغردقة
انا جبت با 516 و عربية زي الفل
هوا انا قلت انها وحشة؟؟؟؟
انا لما جبت الام كان علشان انا شايف ان اساسها "بالنسبة لتفكيري" اللي هوا 516 مش وحش .... ممكن يكون ناقص حاجة .. محتاج تعديل .. انما مش سئ او مرفوض....
و لما ذاكرت في ال 11 لقيت ان هما تعبوا نفسهم و عدلو الحاجات اللي انا كنت شايفها ناقصة او محتاجة تعديل ... علشان كدة توكلت علي الله و جبتها و الحمد لله ربنا ماخيبش ظني ....:)
مش انا اللي بقول مين احسن ...انا عندي ارقام و معلومات..و برضه انا بقول العربية دي ب كذا و بتعمل كذا . فل يبقي فل انما كتير علي الهوا يبقي علي رأي احد الاعضاء خليها تصدي ....
مش كدة ولا ايه؟؟؟
لكن يعيبها
عدم وجود مسند يد مش عارف ليه
صغر المساحه الداخليه عن ال 516
صغر فتحة الشنطه
تكييف بكر عادي و ليس تاتش
عدم وجود قفل مركزي للأبواب بعد سرعة 40
عدم تقفيل الموتور بفيبر بلاستيك مش عارف ليه
عدم وجود قطع غيار خارج التوكيل (مسألة وقت)
لم تظهر عيوبها بعد زي ال 516 ظهرت كل عيوبها و تم تلافيها في موديل 2010
عيوب التقفيل بس ده انتا وحظك مش كل العربيات تقفيلها زي بعضها
ده اللي انا فاكره و صدقني انا تعبت عشان ارسى على سياره منهم و لسه موصلتش لقرار نهائي
شويه افكر في ال 516 و شويه m11 و شويه تيجو 1600
التيجو عاجباني بس في حاجات مزعلاني منها
قفل الأبواب مش تمام
الاستبن الخارجي قفله مش تمام
لوحة العدادات شكها مش حلو و اضائتها مش حلوه
مشكلة الفتيس اللي ظهرت في كذا عربيه مع انه عيب بيتعالج بس ليه اشتري سياره زيرو و انا عارف ان فيها العيب ده و كمان ايه عيب قاتل لو تم اهماله سلملي على الجير بوكس
تقفيلها اقل من ال 516 تقريبا ابو الفتوح بيوفر
سعرها مختلف من معرض لمعرض من 83500 لحد 86000
انما الحق يقال ال 3 سيارات ممتعين في قيادتهم و تحس ان ماتورهم فعلا قوي و تكنولوجي عاليه و تحس ان انتا عايز تروح بيهم مشاوير كتير عشان متعة القياده وده محستوش في الهيونداي ولا اللانوس
انا اظن ان ال m11 هي الافضل .. من حيث الشكل والصاج والعفشة .. وذلك كان قبل تعديل ال a516 الجديده 2010 ولكن يتبقى لك الشكل فقط .. وهي مسألة اذواق .. والاختيار يكون لك .. لكن السيارتان نسخه واحده تختلفتان في الشكل فقط
انا شايف ان الb15 احسن من الاتنين
شكرا على التعقيب يا استاذ هيما
516 احسن و امتن لو انت مجنون زاي تخميس و فرك و درفاتات
ماشي يا سيدي .... ال 516 احسن من ال bmw x3 و من حتي 318 و من كل حاجة ....
سؤال ل evram تكييف ال A516 اخباره ايه - كويس ولا ضعيف؟
تفاصيل التعديلات التى تمت على سيارات اسبيرانزا A516 موديل 2010
اليكم التفاصيل كاملة قدر المستطاع
اولا : احب اوضح ان التعديلات شملت كل او معظم الشكاوى التى ظهرت منذ موديل 2006 حتى موديل 2009 من النوع الذى يظهر للوهلة الاولى ومن مشاكل المدى الطويل !!
ثانيا : ندخل على التعديلات والتى من اهمها جودة التقفيل الواضحة جدا عن الموديلات السابقة من 2006 حتى 2009 والتى كانت تظهر تدريجيا سنة تلو الاخرى !
رقم 1 : تعديل قواعد المحرك الامامية والخلفية
تم ذلك بتغير القاعدة الامامية بقاعدة جديدة كليا وهى نفس القاعدة التى ظهرت فى السوق منذ فترة ولكنها فعلا القاعدة الجديدة المعتمدة من شيرى نظرا لضعف القاعدة القديمة وعدم تحملها المحرك وتسببها فى رجرجة خفيفة على السلانسية ! وكانت هذة المشكلة مزمنة ومتشرة فى جميع السيارات تقريبا !
وكذلك تم عمل تعديل صغير فى براكيت (حامل ) القاعدة الخلفية الجمل لتلافى مشاكلها والتى لم تظهر الا مع عدد قليل !
رقم 2 : تعديل قاعدة الدينامو ومثبت او موحد التيار
وهى الوحدة المسؤولة عن تحويل التيار المتقطع الذى ينتجة الدينامو (المولد) الى تيار ثابت كالذى تصدرة البطارية والذى تحتاجة جميع اجهزة السيارة ! وكان القديم متسبب فى رعشة الانواع بصورة واضحة على سرعات المحرك المنخفضة (السلانسية ) !
رقم 3 : تعديل طلمبة مانع انغلاق الفرامل ABS Pump
صراحةً انا لم اصل لاجابة مقنعة لماذا تم تغير الطلمبة القديمة ماركة بوش ولم ترد منها اى شكوى وكانت تعمل بكفائة طوال ال3 سنوات المضية فى الموديلات السابقة !! ومكنش ناك اى شكوى من تعطلها او مشاكل فى الفرامل بسببها !
وتم تغيرها بطلمبة جديدة تماما مصنعة من قبل شركة شيرى نفسها او وليست بوش او اى ماركة متخصصة فى صناعة هذا الجزء وهى اصغر فى الحجم (الحجم لا يشير الى اى شىء فنى اطلاقا دى للتمييز فقط بين الاتنين) !
رقم 4 : نعديل عمود الدريكسيون
ودة كلنا عرفنا بية لان التوكيل بدا يغيرة فى الضمان للموديلات السابقة وكانت مشكلتة المشهورة انه وصلاتة غير مبطنة او محشوة وبالتالى كان يصدر اصوات نقر عند السير بالسيارة على مطبات او حفر صغيرة !!
رقم 5 : تعديل خارجى فى الشنطة الخلفية
التعديل دة كلنا لاحظناه فى الموديل الجديدة والتاكسى واشار ه الاستاذ احمد فاروق مشكور بالصور وهوا تعديل جلوبال بمعنى ان شيرى خلاص اصبحت تصنع باب لاشنطة بهذا الشكل وترسلة لابو الفتوح بهذا الشكل وماعلية الا التجميع فقط !!
رقم 6 : تعديل فى العفشة
على حب مزاعم من كانوا فى جناح ابوالفتوح تم تغير ال4 مساعدين تماما بنوع جديد معتمد من شيرى نفسها لعلاج مشاكل المساعدين الخفيفة التى لا تتحمل الاجهاد الشديد من المطبات ومن قوى السوست القاسية جدا عليها !! والمفروض انها اصبحت افضل ولن نحتاج الى تغيرها بمساعدين الانسر ال KYB اليابانى ! العهد علي الراوى ! ههههههه ودة طبعا تعديل منقدرش نؤكدة بالعين المجردة ولا بالصور !
رقم 7 : تعديل علب الشكمان
تم تغير جميع علب الشكمان بنوع اخر مصرى ماعدا علبة البيئة فهى العلبة الوحيدة التى لايزال يستوردها المصنع من شيرى
والتعديل دة برضو ملهوش اى اسباب سوى يمكن التوفير فى تمن السيارة وادخال نسبة مكون مصرى اكبر من الاول !!
لان العلبة الوسطى والعلبة الخلفى لم يرد منهما اى شكوى على الاطلاق على عكس علبة البيئة نفسها ومكانها وطريقة تثبيتها او نظام تعليها مع باقى نظام العادم !! والتى لم يرد لها حتى الان اى تعديل ! ودة بسبب عدم اعتراف شيرى بالعيب على الرغم من اننا لسنا الدولة الوحيدة التى يرد بها شكوى من علبة البئة فى موديل ال516 ! بل معنا على نفس التزامن اوكرانيا وروسيا والسعودية !
رقم 8 : الجودة العامة فى التقفيل وتشمل الاتى :
-- جودة ضبط ورجلاش عصا الفتيس وشد الويرات جيدا مما جعل انقلات سلسة جدا و لايوجد بيها اى مسافات حرة الحركة !!
-- جود تقفيل الموكيت والفرش الداخلى بصورة ملحوظة فى الارضيات وعدم تشابك كابلات الضفيرة فى الارضية مما يسبب كرمشتها!
-- جودة تجميع التابلوة الامامى ومراعاه الفروقات جيدا بين التابلوه والقوائم الامامية ! ودى كانت حاجة عادية جدا ومتكررة فى الموديلات السابقة!
-- جودة تقفيل الابواب ال4 نسبيا عن الموديلات السابقة
منقول
صدقونى يا جماعة cheeryاا احسن سيارات صينى
:36_1_37[1]::B4_564:
موضوع جميل
وانا افضل m11
والله تكيف العربية فوق عن ممتاز بس لو الجو حر شوية بيحتاج وقت يعني عشر دقايق علي ما يجب بس توزيع جميل جدا هو بس المشكلة صوتة عالية شوية صوت المروحة بتاعتة عالية
شكرا على الرد
بصراحه يا جماعه ال m11 جميلة جدا ومواصفاتها مع زيادة بعض الامكانيات الجديده زي النور والمساحات بيشتغلو اوتوماتك ووزن العربيه وفرشها الجلد ..حاجه جامده
وكمان بصراحه التعديلات في 516 جامده وزيادة الايرباج وطول العربيه المميز والوسع المعروف (يمكن اوسع من m11شويه)
كل دي حاجات تمخول العقل وتخلي الواحد يحتار بينهم
..... وتقرير الاستاذ هيما ممتاز وفعل ويحببك جدا فى العربيه
لسه ماولت محتار
بصراحة.... كل واحدة فيهم حلوة علي قد فلوسها ...... مينفعش تقارنوهم لان دي اغلي من دي حوالي 7-8 الاف جنيه و فيها حاجات بالتمن ده ...
انا روحت لميكانيكي اسمة احمد مهران في مصر القديمة
بجد استاز احسن من التوكيل الي دوخني و طلع عيني بسالة عن ام 11 قالي عربية كةيسة بس منقدرش نقيمة قولتلة لية قالي مبشتغلش فية لان ملهاش قطع غيار لسة بقولة 516 قالي عفشة لانسر و فعلا العفشة مختومة قالي موتور تكنولجيا لانسر تقفيل نمساوي علي فكرة هو الي راكب في ام 11 بقولة انهي احسن لانسر ولا 516 انا كنت بتريا والله العظيم لاقيتة بيقولي 516 بقولة نعم قالي تعالي اسند علي اكسدام لانسر و اتفرج هيخش لجوة 516 لا والله بدون مبالغة و الي عايز رقم احمد او عنوانة يكلمني علي الميل ايملي evramevram@yahoo.com و بجد العربية كويسة جدا و ام 11 لسة مفيش قطع غيار لية برة و شكرا و علي فكرة فعلا حلو ة جدا جدا جدا علي قد فلوسة
-انا شايفها فى المعرض m11 فرشها جلد...... ايدنا يا استاذ هيما
-قالولي فى المعارض ان 516 الجديده2010 فيها اير باج!! افيدوني يا اهل 516-2010 .... وكمان فى ناس بتبيعا علي النت وبتقول فيها اير باج وكلمت معرض بيبيعها 2010 قالي برضو فيها اير باج الجديده 2010.... مش عارف يا ريت تفيدوني بالصحيح
الوحيدة اللي لغاية الان تكنولوجيا متسوبيشي هيه ال620 .... زي الجالانت القديمة ...وده اسميا لانها طبعا مواتير تعتبر قديمة حاليا....ال Chery ACTECO engine مالوش دعوة بالمتسوبيشي ...ده مطور مع AVL و دي شركة بتعمل ابحاث و تطوير في المواتير لاي حاجة"حتي القطارات" ... و الموتور طالما هوة هوة يبقي اكيد ينفع اجيب حاجات ال516 و احطها في m11 بس ربنا ما يكتب علينا دلوقت الكلام ده علي ماتبقي موجودة في بند لوحدها باسمها و نحتاجها كمان 4 او 5 سنين
انا لو هاجيب عربية فيها وسائد هوا و هاترخص لو هايتشال هاشيله ...... الحزام تقريبا مالوش اضرار انما الوسائد لغاية حالا مش عارفين يحددوا بس انا مابحبهاشششششششششششش
قال رسول الله - صلى الله عليه وسلم - (عليكم بقيام الليل فإنه دأب الصالحين قبلكم وقربه إلى الله تعالى، ومنهاه عن الإثم، وتكفيراً للسيئات ومطردة للداء عن الجسم) صحيح أحمد والترمذي.
انا كنت محتار زيك
a516 شكلها استهلك وبقت تاكسي
m 11شكلها انسيابي وجديد من نوعة ومميزاتها من عفشة لجنوط 16 لتبلوة رياضي جذاب لعوامل امان في الابواب لوزن اتقل لسبات اعلي
فقررت ان اشتري m 11
m11 موديل 2010 مفيش فرش جلد...مفيش وسائد هواء
516 اكيد فيها جلد بس وسائد تقريبا للسائق فقط"غير اكيد لاني مسألت عليها اساسا"
انا متفرقش معايا الفرش ايه ولا انا بحب الair bags....مش دول اللي هايأثروا في قرار شرائي لو كنت مكانكم