الى الأخ kapci
الاوبترا كان بينزل منها فئه رياضيه Abs و Air Bags وجنوط سبور 15 وطاره ملتى فنكشن وكانت أغلى من العاديه ب 10 الاف جنيه
بس مؤخرا بطلوا يجيبوها معرفش ليه
ودى بعض صور ليها من معرض الفورميلا 2009 مش اللى فات
http://img63.imageshack.us/img63/5228/23012009248.jpg
http://img691.imageshack.us/img691/9682/optra2w.jpg
انهزاميه ؟اقتباس:
ثانيا التقفيل المصرى فعلا افضل من الكورى وياريت سعادتك ماتبصش على اننا وحشين اوى كدة لأن دلوقت مصر بتقفل مرسيدس و بى ام دبليو زى احسن بلد فى الدنيا وبلاش انهزامية بقا
اولا مرسيدس وبى ام قصه تانيه اكيد تقفيلها ومصانعها ومهندسينها مش زى النيسان اللى ب 80 الف
ثانيا انا مش هاقول عليها وحشه وخلاص لمجرد انها تقفيل مصرى , ولا هاضحك على نفسى واقول ماله تقفيل بلدى
المعاينه خير دليل وأظن الفرق واضح بينها وبين اى عربيه كورى 100 %
الكلام دا مش صحاقتباس:
ثالثا بالنسبة لقطع الغيار انا اقصد ان قطع الغيار الأصلية متوفرة فى النيسان (اليابانى الأصلى) فى التوكيل وبرة التوكيل والعمر الإفتراضى ليها اعلى بكتير من الصناعة الكورى
يعنى تيل الفرامل اللى يقعد فى الاوبترا 30 الف هايقعد فى النيسان 60 كم ؟
دى كلها قطع استهلاكيه وبتفرق حسب طريقه الاستخدام والسواقه وحالة العربيه
فموضوع العمر الافتراضى دا حتى لو اطول فعلا فى الصنى , مش هايبقى الضعف يعنى او هايبقى الفرق الجامد اللى يستاهل يتقال انه ميزه
مع احترامى ليك انا برضه من خلال تجربتى لنيسان صنى 96 والنترا 98 وغيرهم لفتره طويلهاقتباس:
رابعا السيارات اليابانية المحترمة زى التويوتا ثم الهوندا ثم النيسان (ثالث اكبر منتج للسيارات فى اليابان) عمرهم الإفتراضى اكبر بكتير من الكورى وانا صاحب خبرة فى الموضوع ده لأن احنا عندنا عربيتين موديل 99 واحدة كيا شوما 99 وواحدة نيسان صنى 99 وعارف الفرق بينهم دلوقت ازاى وعمر قطعة الغيار ازاى وعارف الأداء مع الزمن ازاى
مفيش فرق مادام بتعامل العربيه كويس وبتهتم بيها وصيانتها
اللينك اللى حضرتك حاطه مش راضى يفتح معايااقتباس:
عزم موتولر الصنى من الكتالوج 165 نيوتن متر عند 4000 لفة واللى حضرتك جايبه ده مش مظبوط وممكن حضرتك تراجع كتالوج الوكيل او تدخل تعمله داونلود وده اللينك وخللى بالك ان نسخ المواتير بتختلف من بلد لبلد
http://www.nissan.com.eg/ar/.../mode...5451119133.htm
بس عموما انا فتحت موقع نيسان ايجيبت
مكتوب Max.torque Kg-m / Rpm
فى فرق بين الكيلو Kg-m والنيوتن Nm دا اولا
هو صحيح مفيش فرق كبير لان ال 16.5 Kg-m يساوى 161.8 Nm
بس قولت لازم اوضح
ثانيا انا مابصدقش المواقع المصريه لان كلها اخطاء وبيكتبوا اى حاجه
شوف حضرتك دا لينك للنيسان صنى نفس اللى عندنا بالظبط اللى هى موديل 2010 اخر شكل
نازل FaceLift فى ماليزيا من 2005
New Nissan Sentra facelift in Malaysia
وأظن ان موديل المحرك مكتوب صح QG16DE
وانا جبت لحضرتك الرسم البيانى اللى بيأكد كلامى واتأكدت كويس قبل ما اجيبهولك انه نفس الموديل اللى عندنا مش موديل تانى
حضرتك برضه لو لسه شايف ان اللى انا جايبه دا مش مظبوط براحتك
انا شايف ان الاهم هو نظام التعليقاقتباس:
خامسا العفشة فى الأوبترا ممكن تكون قوية زى ما حضرتك بتقول لكن القوة مش معناها انها عفشة رياضية واكيد حضرتك تعرف الفرق الكبير فى القيادة بين العفشتين
مش باقول لحضرتك المواقع المصريه بتكتب اى حاجهاقتباس:
سادسا بالنسبة لنظام التعليق الخلفى فى الصنى ممكن تشوفه فى نفس الرابط وهو متعدد الوصلات برضه مش زى ما حضرتك بتنفى
ياريت تنزل تبص على عربيه صنى جديده من ورا وانت هاتشوف انها على وصله واحده زى مانا باقول
انا مانفتش انا قولت اعتقد انها غير موجوده فى الصنىاقتباس:
سابعا بالنسبة للفرامل الأمامية هى ديسكات برضه مش زى ما حضرتك بتنفى (فى نفس الرابط)
ايه هو التطور الجامد فى موتور الصنى عن الاوبترا ؟ الاتنين مواتير قديمهاقتباس:
ثامنا اللى سيادتك المفروض تعرفه ان موتور النيسان متطور جدا عن الأوبترا وبينتمى لتكنولوجيا CVVT وده ممكن تلاقيه فى اللينكات التالية
Continuous variable valve timing - Wikipedia, the free encyclopedia
بالعكس دا صوت موتور الصنى اعلى , وكمان من مميزات ال CVVT انه بيوفر بنزين لكن دا مبيحصلش فى الصنى
اكيد عوامل الأمان مهمه , ودى اللى يميز الصنى عن الاوبترا , مع ان ممكن لاقدر الله ايرباج مايفتحش , او Abs مايشتغلش , ودا وارد جدا , لانه بيحصل فى العربيات الاوروبى , مش هايحصل فى اليابانى وكمان متقفل فى مصر ؟؟؟؟اقتباس:
تاسعا وهو الأهم ان كل الكماليات اللى حضرتك قلتها فى الأوبترا الأوتوماتيك مفيهاش اى عوامل امان اللى هى الفرق الرئيسى بين الشعوب المتحضرة اللى بتخاف على نفسها والشعوب التانية يعنى مفيهاش ABS, EBD, BA, Air bags زى النيسان الصنى يبقى ازاى نقارن اعلى فئة فى الأوبترا بأعلى فئة فى النيسان حتى لو كان الفرق بينهم 9000ج حاليا
الامان عمره ماكان بالصاج , وكل الشركات متجهه فى تصميمها حاليا لتخفيف اوزان الصاج بعكس عربيات زمان , لتخفيف الحمل عن الموتور وتوفير البنزين , وانا مانكرش ان صاج السقف والكبوت فى الاوبترا ضعيف , بس مش مهم الصاج المهم اللى راكب جوااقتباس:
عاشرا صاج النيسان الصنى اقوى مليون مرة من الأوبترا ومصنع من خامات قوية وخفيفة فى نفس الوقت ودى تكنولوجيا ابتديتها مرسيدس بنز من سنة 2000 لحد دلوقت وعلشان كدة النيسان اخف فى الوزن لكن تحملها اكبر بكتير وصاجها اقوى ومعاملات الأمان اعلى
تسوى طبعا ومعاك حق عوامل الامان مهمهاقتباس:
هل عوامل الأمان دى كلها متساويش 9000ج؟؟
انا بتمنى نتعلم ان عوامل الأمان فى اى سيارة وقوة موتورها وعفشتها (الأساسيات بتاعة العربية) هى اساس اختيار اى عربية مش عربيات لعبة وفيها شوية كماليات بيضخكوا بيها علينا ومالهاش اى قيمة فى حالة وقوع حادث لا قدر الله
بالعكس هاتضايق من ايه انا سعدت بالمناقشه معاكاقتباس:
انا بتمنى ماتتضايقش من كلامى لكن انا ركبت يابانى وركبت كورى وعارف الفرق كويس
وفى النهاية اختلاف الرأى لا يفسد للود قضية
وللعلم انا ركبت يابانى وكورى وصينى واوروبى
تحياتى