ايهما افضل نيسان صنى مانيوال بدون ABS ولا اوبتر
sunny 84000
optra 85000
????????
عرض للطباعة
ايهما افضل نيسان صنى مانيوال بدون ABS ولا اوبتر
sunny 84000
optra 85000
????????
اتأكد الأول ان عرض الاوبترا لسه شغال علشان تقريبا كان لأخر فبراير
مين افضل ؟
لو شبابى يبقى اوبترا
ولو عائلى يبقى صنى
انا اعطي صوتي للصني بدون تردد
I have a Sunny,
it is more stable than the Optra specially @ curves
it is slightly tight than the Optra, but its performance and A/C is much better,
Higher fuel consumption, about 2-3 % than the optra.
Wallaho a3lam
Cheers
انا سوقت الصنى بجد سيارة محترمة ورائعة بحس انها احسن من الاوبترا التى تتميز بالشكل فقط
نيسان صنى افضل
Sunny
Sunny
Sunny
اوبتـــــــــــرا
كورى 100 %
اوسع
اريح
بدون مشاكل تقفيل
عفشتها قويه
نظام تعليق خلفى منفصل
فرامل خلفيه ديسكات
عاليه عن الأرض انسى انها تحك فى اى مطب
تكييف ممتاز وقوى جدا
عزل ممتاز بعكس الصنى
ثبات ممتاز
عربيه حققت مبيعات كبيره خلال السنوات الأخيره
قطع غيارها متوفره داخل وخارج التوكيل
عيوب العربيه
صاج السقف والكبوت طرى جدا وبيتأثر بسهوله
بالتوفيق ان شاء الله
العرض اتمد لحد 15 مارس
مع كامل احترامي للصني اللي هي عربيه محترمه في رأي... لكن أفضل الاوبترا و لأسباب...
-عفشه ممتازه
-ثبات ممتاز
-موتور محترم
-شكل عصري من بره و جوه
-كوري 100%
-خاماتها كويسه جداا
عتبي الوحيد عليها انها من منصور فقط.... غير كده العربيه دي ممتاااااازه جدااا في رأي...
و ربنا يوفقك للخير ان شاء الله....
طبعا الصنى اكثر متانة لانها يابانى وعيوب التقفيل بسيطة وغير موجودة فى كثير من السيارات وبعيدة تماما عن اساسيات السيارة
كما ان الصنى اكثر انتشارا من الاوبترا واحسن فى اعادة البيع
السلام عليكم و رحمة الله و بركاته
نصيحة لوجه الله تعالي متسألش اي حد عن السيارة سوي نفسك بمعني روح توكيل السيارتين و شوف الناس اللي رايحة تصين عربياتها و شوف شكواهم ايه و طريقة حلها من التوكيل ثم قرر انت بنفسك واطلب تجربة قيادة لكل سيارة و قارن و قرر .
لأن انا اكتشفت ان كل واحد في المنتدي الا ما رحم ربي
1- اما متحيز لعربيته
2-لا يعرف عن السيارة سوي ما يسمعه من اشاعات
3-مدفوع لتحسين صورة علامة تجارية معينة
بغض النظر عن الحقيقة التي يجب ان يبديها خالية من اي هوي شخصي لأن دي شهادة و سوف يسأل عنها يوم القيامة
و الله علي ما اقول شهيد
تابع
انا استطيع الحكم علي السيارة الاوبترا المانيوال بحكم انني مالكها وكنت استشرت اعضاء المنتدي و ناس اخري و كله اجمع انها سيارة 100 100 و لكن الحقيقة :
1- رجة الفتيس عند التشغيل او النقل
2- ضعف الفرامل
3- حدفة يمين قوية
4- ضعف الصاج في اماكن متعددة (سقف-كبوت-الابواب اسفل الجرايد )
كل ملاحظاتي توجهت بها الي التوكيل و كان الرد كلها امور طبيعية و الحدفة طلعت زوايا و اتلطعت 4 ساعات و خرجت من التوكيل بخدش بالكبوت + فقد في مسامير غطاء المحرك + عدم حل المشاكل المذكورة
معاملة المهندسين بمركز الصحراوي بالاسكندرية لا تنم عن اي خبرة او دراسة للتعامل مع الجمهور (اللامبالاة المستفزة + الكذب و الانكار )
لا استطيع ابداء رأي عن النيسان لأني لم اقودها من قبل ذلك
الاوبترا عربيه معموله من غير فذلكه ومناسبه جدا لطبيعه السير في مصر
الأوبترا كويسه جدا بس توكيلها منصور فأحسنلك تبعد عنها
الصني معرفش عنها حاجة قوي غير إن صوت الموتور عالي (سمعته بنفسي) بس توكيلها الناس كلها بتشكر فيه
انا معايا نوبيرا....وهيا زى الاوبترا فى حجاات كتير اوى حتى فى نقطه ضعف الصاج....على فكره انا سوقت الاوبترا مرتين من فتره قريبه...فراملها زى النوبيرا بالظبط (بالملى..) مش هتسعفك وانت على سرعه تقيله فى سحبتها فى الاول بس بعد كده كويسه...عفشتها كويسه ومش طريه اوى
انما الصنى ركوبه تانيه...والدى يمتلك نيسان صنى اى اكس 2008 ...بصراحه ركوبه تانيه...بمعنى انها ماسكه نفسها على الطريق اكتر...يعنى الكورى لما بتركبه تحس انه مايع شويه ومش ماسك نفسه لكن الصنى قويه...الفرامل تحفه بمعنى الكلمه مع انها مش ايه بى اس...السحب ممتاز وتحس ان الموتور سالك وعصبى الثبات كويس طبعا بالاضافه الى الصاج القوى ودى من اهم مميزات العربيه اللى عجبانى والتوكيل محترم جدا....
الى صاحب الموضوع...استخير الله فى شرائك..بس للعلم...السيارات اليابانى لن تعوض وهتستحملك...وبالتوفيق
يا استاذى الفاضل انت فعلا ظالم العربية وعيب اوى انك تكذب الناس اللى قالتلك
انها سيارة 100 100 مفيش حد ضحك عليك ومفيش مصلحة ان حد يضحك عليك
انا ححاول اردعليك فى نقطة نقطة
1- موضوع الفتيس مش موجود عندى وعند معظم الناس((لكن هكتفى بذكر عربيتى فقط)) لدرجة حضرتك شككتنى فى نفسى وبقيت كل شوية ابص على الفتيس
2- الفرامل متهيالى اتكلمنا فيها كتير فى قسم شيفروليه وقلنا انها كويسة وبالنسبالى انا اقول انها ممتازة حتى على السرعات العالية
3- الحدفة دى حاجة بسيطة مجرد ظبط زوايا وكان حضرتك ممكن تروح مركز برة زى بريدجستون كان الموضوع خلص فى نص ساعة بدل 4 ساعات
4- اعتقد ضعف الصاج مش فى الاوبترا بس ومعظمنا عارف الكلام ده
انا شايف اللى عندك حالة فردية
ونصيحة منى حاول تجرب فرع سموحة وهتبقى مبسوط ان شاء الله
وياريت حضرتك متزعلش من كلامى واشهد الله انه كلام حيادى
ومش متحيز خالص للعربية ومش من مصلحتى انى اتحيز ليها
تحياتى ليك
السلام عليكم
انا لم اكذب احد و بالتالي لا تستطيع حضرتك او اي احد ان يعيب علي و ده اسلوب غير مقبول للحوار
ابداء الرأي المحايد يتطلب عدم الانحياز و مراعاة الله عز وجل في النصيحة
حضرتك روح بنفسك منصور و جرب اي سيارة زيرو و شوف رجة الفتيس
شكرا مرة اخري علي هذا المستوي الراقي علي الحوار
لما حضرتك تقول انك استشرت اعضاء المنتدى وناس اخرى
وقالوا ان العربية 100 100 يبقى ده مش تكذيب
انا مجبتش حاجة من عندى كله مكتوب فى مشاركتك
على العموم اسف ان كلامى ضايقك وانا متوقع ان كلامى هيضايقك
علشان الحق بقى يزعل اليومين دول
المقارنة السعرية متكافئة
المحركات الياباني اطول عمراً
والرأي لك
sunny is the best
انا بصراحه مركبتش الاوبترا
انما الصنى انا كانت معايا من 3 ايام وعملت بيها حوالى 200-300 كيلو فى يومين
العربيه اوتوماتيك ex كانت عامله 6000 كيلو يعنى زيرو تقريبا
- العربيه سحبها ممتاز و مش بيفرق حتى لو العربيه كانت متحمله واستجابه الفتيس جيده جدا
- العربيه دركسيونها بيبتدى يتقل عند سرعه 80 و الباور بيتقل اوى عند سرعه 120
- العربيه فراملها الحقيقه جيده جدا و بتسعفك
- التكيف ممتاااااااااااااز
عيوب العربيه
- تقفيل دون المستوى
- مفيهاش اوبشنز كتير -زى العربيات اللى فى نفس الفئه -
- الكنبه الخلفيه ديقه و تدايق طوال القامه
- الكاسيت تعبان ولازم يتغير
- استهلاك البنزين عالى شويه
الاوبترا اكييييييييييييد.
نيسان صنى افضل
الصنى افضل
النيسان افضل طبعا من الاوبترا
الى الأخ اللى عاوز رأى الناس فى المقارنة بين الصنى والأوبترا احب اقول لحضرتك الفروق بين العربيتين من الكتالوج - انا كنت بقارن الأوبترا اوتوماتيك فول اوبشن 94000ج مع النيسان الصنى السوبر صالون 100000ج فى معرض فورميولا الأهرام وانا راجل شغال فى مجال السيارات وليا تعامل مع مراكز الصيانة كلها على مستوى الجمهورية وهقولك الفروق اللى بينهم
الصناعة:
كورى 100% للأوبترا مقابل يابانى تقفيل مصرى محترم جدا للصنى وده فى رأيى نقطة تفوق للصنى لأن اليابانى افضل بكتير من الكورى فى العمر الإفتراضى والعربية لما بتتقفل فى مصر قطعة الغيار هتبقى فيها وفرة اكتر لمدى اطول
الموتور:
الأوبترا - 1600سىسى - 107 حصان عند 5800 لفة - 150 نيوتن متر عند 4000 لفة
الصنى - 1600 سىسى - 118 حصان عند 6000 لفة - 165 نيوتن متر عند 4000 لفة
من المعلومات دى يبقى موتور الصنى افضل فى القدرة وفى عزم التسارع مقارنة بالأوبترا
عوامل الأمان:
الأوبترا مفيهاش abs (مانع الإنزلاق) او ebd (موزع قوة الفرامل الإليكترونى) او ba (مؤازرة الفرامل الفجائية) ولا وسادة هوائية للراكب الأمامى اللى موجودين فى الصنى
الكماليات:
الأوبترا مفيهاش وصلة ipod كونسول خشبى - تطعيم نيكل كروم - جلد طبيعى للدركسيون وعصاية الفتيس وفرامل اليد - مرايات تطوى كهربيا اللى موجودين فى السوبر صالون
العفشة:
الأوبترا مفيهاش العفشة الرياضية الموجودة فى السوبر صالون
كل الناس اجمعت ان ثبات الصنى وفراملها وقوة موتورها اقوى من ناحية السواقة
من المفترض ان العمر الإفتراضى لليابانى اعلى من الكورى
من الآخر انا شايف ان النيسان الصنى افضل بكتير من الأوبترا بالإضافة ان توكيلها محترم وقطع غيارها متوفرة وعمرها اطول كيابانى مقابل الكورى
:b4_388::b4_388::b4_388::b4_388::b4_388::b4_388::b 4_388::b4_388::b4_388::b4_388::b4_388::b4_388::b4_ 388::b4_388::b4_388::b4_388::b4_388::b4_388::b4_38 8::b4_388::b4_388::b4_388::b4_388::b4_388::b4_388: :b4_388::b4_388::b4_388::b4_388::b4_388:
السلام عليكم
اسمح اعلق على المقارنه اللى حضرتك عملتها
اولا مقارنة الصنى سوبر صالون اللى ب 100 الف بالاوبترا الاوتوماتيك ظلم للاوبترا
الصح تقارن بالاوبترا السبورت اللى ب 101 الف ودى فيها Abs واير باجز وجنوط سبور وطاره ملتى فنكشن
بس للاسف الاوبترا السبورت حاليا مابتنزلش ومش عارف هاتنزل تانى ولا لأ
يبقى نقارن الاوبترا الاوتوماتيك اللى ب 91 الف حاليا حتى 15 مارس وبين الصنى الاوتوماتيك العاديه مش السوبر صالون
الصراحه اول مره اعرف ان التقفيل المصرى افضل من الكورى 100 % عموما دا رأيك ويحترماقتباس:
الصناعة:
كورى 100% للأوبترا مقابل يابانى تقفيل مصرى محترم جدا للصنى وده فى رأيى نقطة تفوق للصنى لأن اليابانى افضل بكتير من الكورى فى العمر الإفتراضى والعربية لما بتتقفل فى مصر قطعة الغيار هتبقى فيها وفرة اكتر لمدى اطول
ولو انت شايف ان ميزة التقفيل المصرى توافر قطع الغيار زى ما حضرتك قلت
فقطع الاوبترا متوفره داخل وخارج التوكيل وفى اصلى وفى تقليد وباسعار متفاوته يعنى مفيش اى مشاكل او قلق بخصوص النقطه دى
موتور الصنى اعلى كهورس باوراقتباس:
الموتور:
الأوبترا - 1600سىسى - 107 حصان عند 5800 لفة - 150 نيوتن متر عند 4000 لفة
الصنى - 1600 سىسى - 118 حصان عند 6000 لفة - 165 نيوتن متر عند 4000 لفة
من المعلومات دى يبقى موتور الصنى افضل فى القدرة وفى عزم التسارع مقارنة بالأوبترا
بس العزم بتاعه 143 نيوتن عند 4400 Rpm مش 165 زى ماحضرتك بتقول
يعنى الاوبترا اعلى فى العزم
وعمليا على ارض الواقع مفيش فرق ملحوظ بين العربيتين
ودى صوره توضح قدرة محرك الصنى
http://img535.imageshack.us/img535/1167/qg16de.jpg
تماماقتباس:
عوامل الأمان:
الأوبترا مفيهاش abs (مانع الإنزلاق) او ebd (موزع قوة الفرامل الإليكترونى) او ba (مؤازرة الفرامل الفجائية) ولا وسادة هوائية للراكب الأمامى اللى موجودين فى الصنى
زى ما اتفقنا بقى مينفعش نقارن السوبر صالون بالاوبترا العاديهاقتباس:
الكماليات:
الأوبترا مفيهاش وصلة ipod كونسول خشبى - تطعيم نيكل كروم - جلد طبيعى للدركسيون وعصاية الفتيس وفرامل اليد - مرايات تطوى كهربيا اللى موجودين فى السوبر صالون
وعموما الاوبترا فيها وصلة iPod
ودى كمالياتها بالتفصيل
باور - تكييف - 4 زجاج كهربا - مرايات كهربا - راديو كاسيت مع فتحة Aux و 4 سماعات فى الأبواب - سنتر لوك بريموت وانذار - فتح تنك البنزين والشنطه من الداخل - فتح الشنطه من الريموت - مسند يد وحامل اكواب - تحكم فى درجة اضاءة التابلوه - مخرج كهربا - فتحة تبريد فى التابلوه - زرار لتسخين الزجاج الخلفى - اريال مدمج بالزجاج الخلفى - جراب نظاره - نور قراءه - فوج لايت - طى الكنبه الخلفيه - عجلة قياده قابله للتعديل - نور ستوب خلفى
يعنى ماتقلش حاجه عن الصنى ان مكانتش تزيد
عفشة الاوبترا قويه جدا ونظام تعليقها الخلفى افضل من الصنى لان الاوبترا تعليقها الخلفى منفصل اما الصنى على وصله واحدهاقتباس:
العفشة:
الأوبترا مفيهاش العفشة الرياضية الموجودة فى السوبر صالون
كل الناس اجمعت ان ثبات الصنى وفراملها وقوة موتورها اقوى من ناحية السواقة
وبالمناسبه الاوبترا فراملها الخلفيه دسكات ودى برضه تعتير ميزه اعتقد انها غير موجوده فى الصنى
وعمر ما كل الناس ما بيجمعوا على حاجه واحده
شكرا على المقارنه
الى أخى الأخ الأوبتراوى
اولا انا لما قارنت العربيتين كانوا الإتنين قدامى فى معرض فورميولا الأهرام وكنت عاوز اعلى حاجة فى الأوبترا واعلى حاجة فى النيسان وحبيت انقل خبرتى للى بيسأل ومش بقارن سعرهم دلوقت وانا معرفش ان فيه فى مصر حاجة اسمها اوبترا اسبورت اساسا بتنزل مصر لكن اعرف بس الدايو اللاسيتى بتنزل عندنا فى بورسعيد وهى فيها اوبشنز كتير مش فى الأوبترا اساسا وصعب نقارن بيها
ثانيا التقفيل المصرى فعلا افضل من الكورى وياريت سعادتك ماتبصش على اننا وحشين اوى كدة لأن دلوقت مصر بتقفل مرسيدس و بى ام دبليو زى احسن بلد فى الدنيا وبلاش انهزامية بقا
ثالثا بالنسبة لقطع الغيار انا اقصد ان قطع الغيار الأصلية متوفرة فى النيسان (اليابانى الأصلى) فى التوكيل وبرة التوكيل والعمر الإفتراضى ليها اعلى بكتير من الصناعة الكورى
رابعا السيارات اليابانية المحترمة زى التويوتا ثم الهوندا ثم النيسان (ثالث اكبر منتج للسيارات فى اليابان) عمرهم الإفتراضى اكبر بكتير من الكورى وانا صاحب خبرة فى الموضوع ده لأن احنا عندنا عربيتين موديل 99 واحدة كيا شوما 99 وواحدة نيسان صنى 99 وعارف الفرق بينهم دلوقت ازاى وعمر قطعة الغيار ازاى وعارف الأداء مع الزمن ازاى
عزم موتولر الصنى من الكتالوج 165 نيوتن متر عند 4000 لفة واللى حضرتك جايبه ده مش مظبوط وممكن حضرتك تراجع كتالوج الوكيل او تدخل تعمله داونلود وده اللينك وخللى بالك ان نسخ المواتير بتختلف من بلد لبلد
http://www.nissan.com.eg/ar/.../mode...5451119133.htm
خامسا العفشة فى الأوبترا ممكن تكون قوية زى ما حضرتك بتقول لكن القوة مش معناها انها عفشة رياضية واكيد حضرتك تعرف الفرق الكبير فى القيادة بين العفشتين
سادسا بالنسبة لنظام التعليق الخلفى فى الصنى ممكن تشوفه فى نفس الرابط وهو متعدد الوصلات برضه مش زى ما حضرتك بتنفى
سابعا بالنسبة للفرامل الأمامية هى ديسكات برضه مش زى ما حضرتك بتنفى (فى نفس الرابط)
ثامنا اللى سيادتك المفروض تعرفه ان موتور النيسان متطور جدا عن الأوبترا وبينتمى لتكنولوجيا CVVT وده ممكن تلاقيه فى اللينكات التالية
Continuous variable valve timing - Wikipedia, the free encyclopedia
تاسعا وهو الأهم ان كل الكماليات اللى حضرتك قلتها فى الأوبترا الأوتوماتيك مفيهاش اى عوامل امان اللى هى الفرق الرئيسى بين الشعوب المتحضرة اللى بتخاف على نفسها والشعوب التانية يعنى مفيهاش ABS, EBD, BA, Air bags زى النيسان الصنى يبقى ازاى نقارن اعلى فئة فى الأوبترا بأعلى فئة فى النيسان حتى لو كان الفرق بينهم 9000ج حاليا
عاشرا صاج النيسان الصنى اقوى مليون مرة من الأوبترا ومصنع من خامات قوية وخفيفة فى نفس الوقت ودى تكنولوجيا ابتديتها مرسيدس بنز من سنة 2000 لحد دلوقت وعلشان كدة النيسان اخف فى الوزن لكن تحملها اكبر بكتير وصاجها اقوى ومعاملات الأمان اعلى
هل عوامل الأمان دى كلها متساويش 9000ج؟؟
انا بتمنى نتعلم ان عوامل الأمان فى اى سيارة وقوة موتورها وعفشتها (الأساسيات بتاعة العربية) هى اساس اختيار اى عربية مش عربيات لعبة وفيها شوية كماليات بيضخكوا بيها علينا ومالهاش اى قيمة فى حالة وقوع حادث لا قدر الله
انا بتمنى ماتتضايقش من كلامى لكن انا ركبت يابانى وركبت كورى وعارف الفرق كويس
وفى النهاية اختلاف الرأى لا يفسد للود قضية
optra 85000
النيسان صني افضل من وجهة نظري
بجد مستمتع بالمناقشة المثمرة دى
تحس ان الصني ذات فخامة عالية جدن