اقتباس:
المشاركة الأصلية كتبت بواسطة kapci
الى أخى الأخ الأوبتراوى
اولا انا لما قارنت العربيتين كانوا الإتنين قدامى فى معرض فورميولا الأهرام وكنت عاوز اعلى حاجة فى الأوبترا واعلى حاجة فى النيسان وحبيت انقل خبرتى للى بيسأل ومش بقارن سعرهم دلوقت وانا معرفش ان فيه فى مصر حاجة اسمها اوبترا اسبورت اساسا بتنزل مصر لكن اعرف بس الدايو اللاسيتى بتنزل عندنا فى بورسعيد وهى فيها اوبشنز كتير مش فى الأوبترا اساسا وصعب نقارن بيها
الى الأخ kapci
الاوبترا كان بينزل منها فئه رياضيه Abs و Air Bags وجنوط سبور 15 وطاره ملتى فنكشن وكانت أغلى من العاديه ب 10 الاف جنيه
بس مؤخرا بطلوا يجيبوها معرفش ليه
ودى بعض صور ليها من معرض الفورميلا 2009 مش اللى فات
http://img63.imageshack.us/img63/5228/23012009248.jpg
http://img691.imageshack.us/img691/9682/optra2w.jpg
اقتباس:
ثانيا التقفيل المصرى فعلا افضل من الكورى وياريت سعادتك ماتبصش على اننا وحشين اوى كدة لأن دلوقت مصر بتقفل مرسيدس و بى ام دبليو زى احسن بلد فى الدنيا وبلاش انهزامية بقا
انهزاميه ؟
اولا مرسيدس وبى ام قصه تانيه اكيد تقفيلها ومصانعها ومهندسينها مش زى النيسان اللى ب 80 الف
ثانيا انا مش هاقول عليها وحشه وخلاص لمجرد انها تقفيل مصرى , ولا هاضحك على نفسى واقول ماله تقفيل بلدى
المعاينه خير دليل وأظن الفرق واضح بينها وبين اى عربيه كورى 100 %
اقتباس:
ثالثا بالنسبة لقطع الغيار انا اقصد ان قطع الغيار الأصلية متوفرة فى النيسان (اليابانى الأصلى) فى التوكيل وبرة التوكيل والعمر الإفتراضى ليها اعلى بكتير من الصناعة الكورى
الكلام دا مش صح
يعنى تيل الفرامل اللى يقعد فى الاوبترا 30 الف هايقعد فى النيسان 60 كم ؟
دى كلها قطع استهلاكيه وبتفرق حسب طريقه الاستخدام والسواقه وحالة العربيه
فموضوع العمر الافتراضى دا حتى لو اطول فعلا فى الصنى , مش هايبقى الضعف يعنى او هايبقى الفرق الجامد اللى يستاهل يتقال انه ميزه
اقتباس:
رابعا السيارات اليابانية المحترمة زى التويوتا ثم الهوندا ثم النيسان (ثالث اكبر منتج للسيارات فى اليابان) عمرهم الإفتراضى اكبر بكتير من الكورى وانا صاحب خبرة فى الموضوع ده لأن احنا عندنا عربيتين موديل 99 واحدة كيا شوما 99 وواحدة نيسان صنى 99 وعارف الفرق بينهم دلوقت ازاى وعمر قطعة الغيار ازاى وعارف الأداء مع الزمن ازاى
مع احترامى ليك انا برضه من خلال تجربتى لنيسان صنى 96 والنترا 98 وغيرهم لفتره طويله
مفيش فرق مادام بتعامل العربيه كويس وبتهتم بيها وصيانتها
اللينك اللى حضرتك حاطه مش راضى يفتح معايا
بس عموما انا فتحت موقع نيسان ايجيبت
مكتوب Max.torque Kg-m / Rpm
فى فرق بين الكيلو Kg-m والنيوتن Nm دا اولا
هو صحيح مفيش فرق كبير لان ال 16.5 Kg-m يساوى 161.8 Nm
بس قولت لازم اوضح
ثانيا انا مابصدقش المواقع المصريه لان كلها اخطاء وبيكتبوا اى حاجه
شوف حضرتك دا لينك للنيسان صنى نفس اللى عندنا بالظبط اللى هى موديل 2010 اخر شكل
نازل FaceLift فى ماليزيا من 2005
New Nissan Sentra facelift in Malaysia
وأظن ان موديل المحرك مكتوب صح QG16DE
وانا جبت لحضرتك الرسم البيانى اللى بيأكد كلامى واتأكدت كويس قبل ما اجيبهولك انه نفس الموديل اللى عندنا مش موديل تانى
حضرتك برضه لو لسه شايف ان اللى انا جايبه دا مش مظبوط براحتك
اقتباس:
خامسا العفشة فى الأوبترا ممكن تكون قوية زى ما حضرتك بتقول لكن القوة مش معناها انها عفشة رياضية واكيد حضرتك تعرف الفرق الكبير فى القيادة بين العفشتين
انا شايف ان الاهم هو نظام التعليق
اقتباس:
سادسا بالنسبة لنظام التعليق الخلفى فى الصنى ممكن تشوفه فى نفس الرابط وهو متعدد الوصلات برضه مش زى ما حضرتك بتنفى
مش باقول لحضرتك المواقع المصريه بتكتب اى حاجه
ياريت تنزل تبص على عربيه صنى جديده من ورا وانت هاتشوف انها على وصله واحده زى مانا باقول
اقتباس:
سابعا بالنسبة للفرامل الأمامية هى ديسكات برضه مش زى ما حضرتك بتنفى (فى نفس الرابط)
انا مانفتش انا قولت اعتقد انها غير موجوده فى الصنى
ايه هو التطور الجامد فى موتور الصنى عن الاوبترا ؟ الاتنين مواتير قديمه
بالعكس دا صوت موتور الصنى اعلى , وكمان من مميزات ال CVVT انه بيوفر بنزين لكن دا مبيحصلش فى الصنى
اقتباس:
تاسعا وهو الأهم ان كل الكماليات اللى حضرتك قلتها فى الأوبترا الأوتوماتيك مفيهاش اى عوامل امان اللى هى الفرق الرئيسى بين الشعوب المتحضرة اللى بتخاف على نفسها والشعوب التانية يعنى مفيهاش ABS, EBD, BA, Air bags زى النيسان الصنى يبقى ازاى نقارن اعلى فئة فى الأوبترا بأعلى فئة فى النيسان حتى لو كان الفرق بينهم 9000ج حاليا
اكيد عوامل الأمان مهمه , ودى اللى يميز الصنى عن الاوبترا , مع ان ممكن لاقدر الله ايرباج مايفتحش , او Abs مايشتغلش , ودا وارد جدا , لانه بيحصل فى العربيات الاوروبى , مش هايحصل فى اليابانى وكمان متقفل فى مصر ؟؟؟؟
اقتباس:
عاشرا صاج النيسان الصنى اقوى مليون مرة من الأوبترا ومصنع من خامات قوية وخفيفة فى نفس الوقت ودى تكنولوجيا ابتديتها مرسيدس بنز من سنة 2000 لحد دلوقت وعلشان كدة النيسان اخف فى الوزن لكن تحملها اكبر بكتير وصاجها اقوى ومعاملات الأمان اعلى
الامان عمره ماكان بالصاج , وكل الشركات متجهه فى تصميمها حاليا لتخفيف اوزان الصاج بعكس عربيات زمان , لتخفيف الحمل عن الموتور وتوفير البنزين , وانا مانكرش ان صاج السقف والكبوت فى الاوبترا ضعيف , بس مش مهم الصاج المهم اللى راكب جوا
اقتباس:
هل عوامل الأمان دى كلها متساويش 9000ج؟؟
انا بتمنى نتعلم ان عوامل الأمان فى اى سيارة وقوة موتورها وعفشتها (الأساسيات بتاعة العربية) هى اساس اختيار اى عربية مش عربيات لعبة وفيها شوية كماليات بيضخكوا بيها علينا ومالهاش اى قيمة فى حالة وقوع حادث لا قدر الله
تسوى طبعا ومعاك حق عوامل الامان مهمه
اقتباس:
انا بتمنى ماتتضايقش من كلامى لكن انا ركبت يابانى وركبت كورى وعارف الفرق كويس
وفى النهاية اختلاف الرأى لا يفسد للود قضية
بالعكس هاتضايق من ايه انا سعدت بالمناقشه معاك
وللعلم انا ركبت يابانى وكورى وصينى واوروبى
تحياتى