الموضوع: ترضى تتجوز واحدة كدة ........؟؟؟؟؟؟؟؟؟؟؟؟ظ

المشاركة الأصلية كتبت بواسطة shnory

لو السؤال موجه ليا انا شخصيا
فانا معنديش مانع يا باشا
اني اتجوز واحده عمرها العقلي اكبر مني
المهم اني اقتنع بافكارها
لاني غير خاضع لسيطره اي فكره تصدر عن غيري الا لو انا مقتنع بانها صح
وممكن اكون انا بفكر في حاجه وهي غلط وتيجي هي تصححهالي بالمناقشه
ودا مش عيب
انما لو الموضوع بسياسه ان رايها لازم يمشي ولوي دراع والحاجات دي
فانا ساعتها بتحول لكائن تاني ياكل الاخضر واليابس ويقضي علي جميع اوجه الحياه اللي بتعترض طريقه
ههههههههههههههههههههههههه هه

كلام منطقى و عقلانى احييك عليه :)

أنا ملاحظ ان اوكتووو نفسه ماقالش رأيه... ايه يا اوكتووو, انت بقى رأيك ايه يا باشا؟؟؟

أنا و باقي الأعضاء قلنا رأينا في الموضوع, انت بقى قول رأيك.... :)

انا والله كنت عامل الموضوع جس نبض لعقليات الناس بس الموضوع طلع كبيير ......هههه(ماتخافوش مش باعمل عليكم تجارب ولا حاجة ) بس عموما انا رأيى

انة لو الفرق بينا 5 سنين سواء الفرق كان لصالحى او لصالحها مفيش مشكلة خالص عندى بس طبعا لازم عنصر التفاهم والقبول يكون موجود

لو الموضوع موضوع حب يبقي الحب مالوش كبير و ممكن تقع في حب اي بنت بتريقه غير متوقه سواء اكبر منك .. حلوه .. وحشه .. تخينه رفيعه ... مالهاش علاقه يعني
بس لو جواز صالونات و اهي واحده وخلاص و بتحسبها و الجواز عشان الجواز اعتقد 99% هايقولو لا

المشاركة الأصلية كتبت بواسطة megaman

المهم اظفر بذات الدين تربت يداك

بس كدا من الأخر يعنى سيبك من الى تلاقيها منظرها غير مقبول دينا و شرعا و إن كان مقبول لبعض الناس و معلش واحدة محجبة و وشكلها وحش أحلى مليون مرة من واحدة ماشية عريانة فى الشارع
بالظبط زى ليه أروح أشترى ربية من سوق الجمعة مرفش ظروفها لما ممكن أجيب واحدة جديدة من التوكيل

السلام عليكم ورحمة اله وبركاته

عن تجربة يا مهندس أوكتو

أقدر أقولك إن السن من أسباب نجاح الزواج وسعادته
والأصل عندي إنه كل ما تكون الزوجة أصغر كل ما يكون الزواج أنجح والحياة أسعد

وإحنا بنتكلم هنا عن عامل واحد من عوامل نجاح الزواج لكن فيه عوامل أخرى كثيييرة ليس هنا مجالها

لأن ممكن واحد يقول إنه شاف بنت صغيره متجوزه رجل أكبر منها بعشر سنوات ومطلعة عينه وواحدة تانية تكبر زوجها ومعيشاه في نعيم

يبقى هنا تدخلت عوامل أخرى مثل التربية وووو

لكن بصفة عامة كل ما كان هناك فارق سن لصالح الزوج ده بيخلي الزوجة تهاب زوجها نسبيا ( طبعا فيه عوامل أخرى للهيبة والإحترام ) وكمان فرق السن بيخلي الزوجة تبص لزوجها على إنه مرجعيتها في حالة الإختلاف في الرأي

أما لو كانت الزوجة أكبر منه في السن ففي الغالب هتكون أكبر منه أو مساوية في التفكير وكمان بتبص لزوجها على إنه صاحبها يعني لو اختلفوا في قضية معينة فهي بتشعر إن لها الحق مثله في تمرير رأيها ولو النقاش لم يقنع الزوج برأيها فهي بتلجأ في الغالب لشخص آخر أكبر منهما وغالبا بيكون أب الزوجة لكي يؤثر على زوجها ويقنعه لأنهها مش قادرة في نظرها توصله الفكرة

والرسول صلوات الله وسلامه عليه كانت له نصيحة لأحد الصحابة وربما لعلمه بشخصيته عندما قال له ( هلا جارية تلاعبها وتلاعبك )
فالجارية هي الفتاة الصغيرة والتي يشعر نحوها الرجل بشخصيته ويستطيع أن يحتويها بسهولة


ده غير طبعا التغير الفسيولوجي في المرأة وهو أسرع من الرجل وهذا ربما يجعلها تشعر بالغيرة والنقص من الأخريات الأقل سنا منها والتي تشعر مستقبلا أنهم يثيرونك او يعجبونك أكثر منها

ولك أن تتخيل رجل عنده خمسة وأربعين سنة وزوجته عندها خمسين سنة

ورجل آخر عنده خمسة وأربعين وزوجته في أول الثلاثينات


وفي النهاية أقول لك أن هذه هي القاعدة في رأيي ولكل قاعدة شواذ

مستحيل
مسيرها يبان عليها كبر السن ومن الاخر كده هتزهق منها