مفيش لسه اخبار عن الينيا 2010 او الايفو؟؟؟ اسعارهم نازلين امتى؟؟؟ شهر 3 بداء هما ناوين ينزلوها على ديسمبر ولا ايه؟؟؟؟؟
عرض للطباعة
مفيش لسه اخبار عن الينيا 2010 او الايفو؟؟؟ اسعارهم نازلين امتى؟؟؟ شهر 3 بداء هما ناوين ينزلوها على ديسمبر ولا ايه؟؟؟؟؟
أنا لسه جي من التوكيل حالا
اللينيا هيبتدي تسليمها على أول شهر ٤ فغالبا هيبتدي الحجز على أخر ٣ وغالبا هتبقى في نفس الوقت مع الإيفو
طب والاسعار يا يوكو؟؟؟ و الحجز لسه بالفين وهيبداء من امتى بالضبط
بينى وبينك انا مستنى ابص على الايفو برضه مع انى ناوى على الينيا بس الايفو شكلها وتابلوها وهمى فاعيز ابص بصه كده برضه
انا اللى مزعلنى ان اللينيا 2010 هيا اللينيا 2007....مفيش اى تغيرر فى الشكل او تطوير فى الامكانيات
طيب هما هينزلو اللينيا اوتوماتيك ولا اية ... و كمان هيا الاسعار هتغلا اد اية كدا
يا احمد يا مظبطتنا
انفردات يوكو مغطية على الكل المفروض نعمل موضوع عن اخبار فيات فىمصر ويوكو هو اللى يكتب فيه
طب ليه التوكيل الي في يوسف عباس قالي الايفو هاتنزل على معرض اوتوماك و هتبدأ الحجز في المعرض و مش قبل كده؟
سؤال معلش هو امتى معرض اوتوماك ؟؟
طب يا جماعة حد يعرفلنا اخر كلام من مصدر موثوق فيه. عشان لو الايفو نازلة قريب نصك عالجراند.
نفس الي أنا قلته بس هيتم التأكيد يوم الإتنين الجي إن شاء الله
شكرا على المعلومات، بس أنا عيز أعرف ليه لما رحت التوكيل من يومين قالولي على شهر ٦؟ مش عايزين يبيعوا يعني؟
المهم، إذا عرفت أخبار جديدة ياريت تبلغنا و ألف شكر يا باشا.
يوسف عباس.
والله حاجة عجيبة لما كل واحد في نفس الفرع يقول كلمة شكل. بس طالما المدير هو الي قالك كده يبقى نصدق المدير :)
للأسف أنا ماعرفش اسم الي قالي كده.
يوم الجمعة اللي فات قابلت في الفرع واد مقرف وقليل الذوق وكانت ذقنه مش محلوقة سألته عن العربيات الجديدة أشار على السيارات الواقفة أمام المعرض وقال هي دي ومفيش حاجة تانية هاتنزل.
قلت له إزاي ده أنا سمعت وقريت كلام غير كده؟
قال لي هو كده وبالعافية كان بيرد. معرفش إيه المستوى الواطي ده.
بس يا أخ أحمد أو يوكو هل فيه أخبار عن الألبيا تاني؟
اعتقد الماسك الموبيل على طول دة ياسر عزت .. بس لو هو مش عارف عمل كدة لية انا شخصيا اتعامل معي باحترام شديد
هو ده فعلا ياسر عزت يا يوكو اللى رد عليا قبل كده برخامه ومردتيش اقولك على اسمه لما قولتله ان الناس هتبعت ايميل تشتكى اوماترا للشركه الام بس بصراحه المره التانيه كان ذوق معايا واى عربيه كنت ببقى عابز ابص عليها يجبلى مفتحاها ويرد على اى سؤال هو الظاهر انه بحالات مع ان ده مينفعش مع موظف بتاع customer service
فعلا وهو دماغ قوي (مع نفسه)
و مشغلينه ازاى ده ؟؟
ده المفروض يقف على عربية كبدة كلاب فى موقف العاشر
طب والايفو يا يوكو متعرفش نازله امتى؟؟؟
مواصفاتها و الفرق بينها و بين الجراند بونتو فى حد يعرف عنها اى حاجة و يا ريت لو فى صور ليها يبقى كويس
ياترا حد عارف ايه الاسعار الجديده انا شغال في معرض سيارات وفي ناس كتير بتسالني علي الايفو وعن مواصفتها وهتنزل امتي بظبط يا ريت يا يوكو تعرفلنا التفاصيل دي و كمان اخبار عن اللينيا 2010
و علي فكره الناس مديقه من اومترا قوي بسبب ان محدش عارف عن عربيتها حاجه و ان اهتمامها بالعربيات بتعتها قليل جدا و انا شخصيا مش عارف ليه مع ان الفيات ابتدا يبقي عليه اقبال في السوق كويس جدا بس للاسف في ناس لسه مالتعرفش الجديد في الفيات وفي اشكال ماتعرفهاش كله اخر حاجه عرفها في الفيات السينا و الباليو وفي ناس بتشتكي من الصيانه فهل دا اكيد ؟ .......
معلش طولت عليكو بس دا لان انا من الناس الي بيعشوا فيات
++111 بدون ذكر اسماء يوسف عباس في محمد كامل و ده هايل هايل و البنتين اللي معاه في منتهى الزوق و الصبر حتى مع الشباب اللي بيجوا يهرجوا برده بيستحملوهم .. فرع وزاره الزراعه فيه شاب معاه بونتو ساب المعرض و طلع يفرجني على عربيته و يسمعني صوت الكاسيت عشلن كنت قلقان من صوت الكاسيت ...
محدش تايه يا احمد و محدش عبيط ،،،الناس دول بيجسوا السوق و استيعابه بعد ما غرق بالسيراتو و الماتريكس و الوكيل مش عايز يجيب عربيات و يلبسها و برده الاسعار زايده عليهم و اكيد هما محتارين عشان كده محدش بيدي عقاد نافع لحد ،،بس طبعا اللي انا بحكيه ده كلام تحليلي بس بمقاييس التسويق يسمى الفشل الزريع ...انا من راي لو ادوها لطارق نور مش حيلاحقوا على البيع !!!! :shyy:
شكرا بجد يا يوكو و فعلا انا قصدي علي الاداره الي فعلا متوها الناس بس حاجه غريبه ان تو كيل محترم زي ده يتعامل مع الناس بالشكل ده انا مش عايز اقولك اد ايه في ناس مديقه قوي من الموضوع ده و كمان الصيانه انت بتقول كويسين بس انا معلش مش شايف كده لان انا جالي كذا شكوي من الصيانه وان اسف في اللفظ بتوع الصيانه مش فهمين حاجه وبيقولو اي كلام واي مواعيد معرفش ممكن تكون صدفه ولا ايه بس دا اكتر من واحد ونتمني انه يكون العكس او لو في حاجه غلط تتصلح علي شات فعلا فيات مش وخدا حقها في مصر مع الشكر