و انا كمان مركب ال skf الامامى و زى الفل الحمد لله ...
بس حاسس انه تقيل شويه ... حتى لما ارفع العربيه و احاول ادور العجله بيدى بحس العجله تقيله ... بس مفيش صوت ولا اى حاجه ...
عرض للطباعة
و انا كمان مركب ال skf الامامى و زى الفل الحمد لله ...
بس حاسس انه تقيل شويه ... حتى لما ارفع العربيه و احاول ادور العجله بيدى بحس العجله تقيله ... بس مفيش صوت ولا اى حاجه ...
ممكن اعرف اى هى اعراض تلف البليه
عشان عندى العربيه صوتها بيبدتى يعلى بعد 2000 ار بى ام ؟؟
الاعراض هى صوت هدير عالى مع السرعة... للتاكد ان الصوت من البلية امشى على سرعة و مور و بطل الموتور... لو الصوت موجود يبقى 99% بلى عجل
خللى بالك ان لما تطفى الموتور السيرفو ممكن يفضى لو استعملت الفرامل بشكل متكرر والعربية مبطلة و كمان ممكن لو حودت الدركسيون المسوجر يقفل على الدركسيون و متعرفش تحود فا خلليك حذر جدا و انت بتعمل الاختبار دة
MMamdouh
ياجماعه ان الحمد لله جبت البلي الامامي الـ skf الاسباني (اصلي) و الواحده عامله 110 جنيه والنهارده ركبته (وطبعا على مكبس) والحمد لله العربيه ماشيه زي الفل على الاخر , نعومه كنت مفتقدها من فتره فعلا
اما بالنسبه للبلي اللي كان راكب فـ كان ضااااااااايع , خلو بالكم ياجماعه ان السوق غرقان بنوع إيطالي كده مش فاكر اسمه ! بس هو الواحده بـ 45 جنيه وفي علبه صفرا ومكتوب عليها حروف بالازرق ,, النوع ده انا عرفت انه صيني و مضروووووب كمان وكانت شحنه جايه مصر ومغرقه السوق بقالها بتاع سنتين , اللي يلاقي بلي بالمواصفات دي بلاش يجيبه لانه مش هيكمل 6 شهور وبالكتير اوي سنه وبعدها هتحس انك راكب جرار زراعي مش عربيه , واللي محدش يعرفه بقه ان النوع ده اللي كان راكب عندي :Ob_mak1[1]:
حبيت بس اقولكم على اخر الاخبار , عشان الموضوع يكون متكامل
ملحوظه :-
انا جبت البلي ده من شركه اسمها (العنتيبي) متخصصه في البلي وبس في شارع رمسيس قريب اوي من جريده الجمهوريه , والسعر 110 جنيه زي ما قولت للبليه الواحده الاسباني , حبيت اضيف المعلومه دي يمكن تفيد حد
كويس اوي
بس المكبس اللي انتا بتقول عليه ده عن اي مكانيكي و لا بتروح التوكيل ؟؟؟
انا اصلي البلي عندي تعبان بس لسه في اوله خالص (الصوت اللي بتقول عليه ده بيطلع عندي فوق ال ١٠٠ بس) بس عدبيتي كورولا ٧٨ و بصراحه اتكسف اروح بيها عند اي توكيل علشان حيتريقو عليا :stink[1]::unhappy:( زي ما بيحصل لما بروح بيها عند اي ميكانيكي برضه ... بس بيتهبلو عليها لما بيعرفو اني مركبلها تكييف و سنتر و زجاج كهرباء - بس اللعبه دي مش حتنفع اعملها في التوكيل )
لا يا باشا المكبس ده عند اي خراط , واحيانا في ميكانيكيه بيكون عندهم المكبس ده , بس المهم ان البليه متركبش بالدق , الموضوع مش محتاج توكيل خاااااالص
وبعدين يا ريس عربيتك زي الفل :S_thum1[1]: والحمد لله لان في ناس تانيه مش طايله عجله واحده منها
على فكره , انا اول مره غيرت بلي كان الصوت بيظهر معايا بعد 80 و 90 كم/ساعه , وتاني مره كان بيظهر معايا على 50 كم/ ساعه وانت طالع . لكن بالنسبه لعربية حضرتك وبما إن الصوت بيظهر بعد 100 كم/ساعه فممكن تتأكد الاول انه عيب بلي , لانها ممكن تكون حاجه تانيه
وتتاكد سواء بأنك ترفع العجله اللي شاكك فيها على كوريك وتجرب تلفها جامد ولو الصوت مش باين حط ودنك على صاج الرفرف وتحاول تسمع لو في خشونه في حركتها (لان الصاج هيوصلك الصوت اوضح) ,,, ولو حابب تريح دماغك خالص روح لميكانيكي وهو يقوم باللازم
اصل موضووعك فكرني اني مره لما كنت بغير تيل الفرامل من سنه تقريبا الراجل و هو رافع العربيه علي الكوريك لفلي الكاوتش اللي ورا و سمع صوت خفيف فقالي ده فيها بلي و حيتغير بس لسه قدام مش دلوقتي .. بس بصراحه مش فاكر هل الصوت ده كان و هو مركب التيل (يبقي صوت التطيبع ) ولا قبل مايركبه ؟ ... اصلي اللي قالهالي كان صبي الميكانيكي و حسيت انه عاوز يعيش شويه :36_1_34[1]:
فربط بين كلامه و بين الصوت اللي كنت بسمعي و انا جاي من الاسكندريه (كنت جايب ١٣٠ تقريبا ) و كان فيه اصوات زي صوصوه خفيفه كده .. فقولت احتمال تكون دي