لو سمحت حد يعرف اللانسر البوما الخليجى cc 1600 2010 فيها abs ولا لا؟
عرض للطباعة
لو سمحت حد يعرف اللانسر البوما الخليجى cc 1600 2010 فيها abs ولا لا؟
السلام عليكم...
ان شاء الله فيها
السلام عليكم...
انا عن نفسى بفضل المواصفات الخليجى اكتر...بوية انضف بكتيير من اللى هنا,تكييف اشد,
كماليات اكتر,اللى بيميز الوكيل عن الخليجى هما حجتين وبردو مهمين مينفعش تنفضلهم,
الضماااااان, ودى مهمة جدا ثم العفشة,العفشة اللى مصممينها مخصوص لمصر بسبب شوارعنا الجميلة :Oc_sun1[1]:
فعلا ياجماعة انا نفسي اشتري الخليجي بس خايف من حكاية الضمان دي وهي فعلا حاجة مهمة جدا بس ياريت محدش يعرف حل للمشكلة دي خصوصا انني سمعت ان بعض المعارض مثل الرواس بيدوك العربية بضمان الوكيل فهل دة مظبوط ولا لأ وياريت لو حد عندو فكرة عن الموضوع دة يفدنا:rfds:
الخليجى 2010 و 1600 الكلاسيك الامارات (دبى ) ليس بها abs وهى معى فعلا ً لكنها بها :-
فتيس ستريبترونك - العدادات بالشكل الجديد - الطارة الجديدة بارباج للسائق -وضمان الرواس 3 سنوات او 60 الف كم
وياريت مهندس طارق يوضح لنا الفارق بين الوكيل والمستورد
وكمان موضوع ان بعض المعارض بتعمل ضمان سنة او اكثر على العربيات فهل دى ضمانات حقيقية ام وهمية خصوصا ً انى انا قبل ما اشترى السيارة اتصلت بمركز خدمة قليوب الخاص بضمان المصرية واتقلى ان دة - موضوع الضمان الخاص بالمعارض - " نصب "
واكد نفس الكلام مندوب المبيعات بمعرض الرواس ( 3 أ برج معروف بشارع رمسيس ناحية التحرير وهو تابع للرواس ومستورد وموزع لسيارات لانسر الخليجى دبى بالضمان السابق الذكر )
وعلى هذا الاساس قمت بشراء السيارة من معارض الرواس بالضمان
مع الشكر
السلام عليكم...
بالنسبة للبوية انا متأكد مليون فى المية ان فى فرق,مثال للتوضيح انا فى عربيتى هوندا سيفيك الوكيل واخدة طبقتين بوية(ودا كلام الوكيل),اما فى قطر سألت لقيتها 8 طبقات!!
المواصفات الخليجى لازم تيجى كدا فى الخليج عشان تتحمل درجات الحرارة العالية,و التكييف ايضا مختلف عن الخليجى,يعنى بيسمو العربية مواصفات خليجى لية؟؟
و تقبل مرورى...
يعنى سياره ثمنها فوق 100 الف جنيه ومفيهاش abs ده اسمه تهريج او سرقه علنى والله حرام
للتأكد من ان العربية مفيهاش ABS راجع الموضوع ده وشوف وحدة الABS موجودة ولا لأ في العربية
http://www.nilemotors.net/Nile/8766-abs.html
وده موضوع عملته عن ضمان الخليجي
http://www.nilemotors.net/Nile/22685-a.html
معلش سؤال بسيط لحضرتك
هل فيه اي دليل ان في قطر 8 طبقات ؟ ولا دي معلومة من البائع في المعرض هناك
انا جبت المعلومة من المهندس مدير قسم السمكرة والدهان في التوكيل عندنا لما راح دورة تدريبية لميتسوبيشي في دبي لدول الشرق الأوسط وشمال افريقيا وبعد ما رجع سألته بوضوح عن النقطة دي وأكد لي ان مفيش اي فرق - اكيد لو كان فيه فرق كان في الدورة دي لازم يعرف ان دول الخليج تفرق عن غيرها
وكذلك بخصوص التكييف انا اعرف كويس ان ميتسوبيشي بتعمل تكييف عادي وتكييف دول مناطق حارة واحنا في مصر بنطلب تكييف دول المناطق الحارة يعني زينا زي الخليج
اما عن سؤال حضرتك عن المواصفات الخليجي فمنها مثلا ضرورة وجود صفارة انذار سرعة عند تجاوز اقصي سرعة مسموح بيها في دول الخليج وهي 120 كيلو متر في الساعة ، وضرورة وجود طفاية حريق ومثلث وشنطة اسعاف ، وضرورة كتابة رقم الشاسيه على قطعة بلاستك يتم تثبيتها على التابلوه على شمال السائق وربما فيه شروط تانية بس دي اللي اعرفها
وبخصوص البوية كمان وبعيدا عن موضوع مصري وخليجي ، لو فيه عربية واخدة 8 طبفات بوية دي لازم تشقق ، يعني العربيات القديمة 132 و 128 لو اتدهنت كتير على مدار السنين ومحتاجة دهان جديد فالصنايعي بيحرق البوية القديمة قبل ما يدهن البوية الجديدة لأن كتر الطبقات مش ميزة
السلام عليكم...
المعلومة من مصدر موثوق منة فى توكيل هوندا قطر(انا بلاحظ فعلا فرق كبير فى نظافة اللون)والله واعلم برضة...
هو حضرتك بتقارن بوية سكنس ببوية العربيات القديمة؟؟على حد علمى ان البوية السكنس مش بتتشقق,و فى عربيات معمولة بجلازوريد(جلاسو) ودى ملهاش حل,
العربيات اللى بتجلنا مظلومة قوىىىى...
انا مش بقلل ابدا من اللانسر اللى فى مصر,عربية ممتازة و ناجحة جدا وفعلا العفشة اللى بتجيلنا اقوى من الخليجى,بس الواحد بيحب شوية الدلع اللى موجود فى العربيات الخليجى...
و تقبل مرورى...
هوا ايه الفرق اللى فى العفشه ؟؟؟
و ازاى اعرف ان العربيه خليجى ؟؟ لو مستعمله يعنى
السلام عليكم...
اللى اعرفة ان العفشة اللى بتنزل فى المواصفات الخليجى مختلفة عن المصرى,
المصرى اقوى و انشف عشان شوارعنا الجميلة...
اما بالنسبة للمستعمل انا بصراحة بفرق بينهم من شكل الجنوط و مش عارف اية التغييرات اللى حصلت فى 2009 و 2010
ياباشا حكاية فرق نضافة فى اللون دى ممكن تحصل لو العربية المصرى بتترش فى مصر والخليجى مرشوشة فى الخليج :)
لكن الاتنين مرشوشين فى اليابان
ومع احترامى لكلام حضرتك حتة 8 طبقات دى مش مقتنع بيها لسبب صغير لان فى اعتقادى المفروض لو العربية اتخربشت خربوش جامد هياثر على طبقتين تلاتة منهم والباقى موجودين زى ماهما يعنى اللون ميروحش وده مبيحصلش والله اعلم طبعا
ممكن اه يكون فعلا كذا طبقة لكن فى رايى مش هستفيد بالكذا طبقة فى مصر فى حاجة..لكن نضافة اللون اكييييييييد واحدة لان الاتنين مرشوشين فى مصنع الشركة الام فى اليابان...ومعتقدش ان بوية الخليجى انضف من بوية العربيات اللى بتروح اوروبا وامريكا .. فنضافة اللون دى اكيد حاجة ستاندارد لا جدال فيها
فى النهاية فى رايى المتواضع انا شايف ان اللى هحتاجو فى مصر هنا عفشة تناسب الطرق بتاعتنا اللى ملهاش حل وليس 8 طبقات بويه
شكرا لمشاركتنا بارائك ... تقبل تحياتى
السلام عليكم..
انا اللى بشكر حضرتك لمشاركتنا برأيك,بصراحة كلام حضرتك منطقى,بس انت عارف الواحد دائما بيخاف من اى حاجة جاية من مصر(اتضحك عليا قبل كدة فى عربية من توكيل كبير فى مصر) فا عشان كدا تلاقى رأى دائما ضد اى حاجة جاية لمصر او تقفيل مصرى,و انا اعترف ان عندى عقدة الخواجة(مع انى واللة كنت بفضل المصرى فى كل حاجة) بس بعد اللى حصللى انا بفضل ان اكون مريض...
تقبل مرورى
بالطبع عفشة التوكيل اشد من الخليجي و طبعا الجميع يعلم اني معايا بومة خليجي 2007 يعني اول دفعتها و فعلا ملاحظ ان عفشة المصري اشد لكن بالفعل التكييف بتاعي اشد من التوكيل و ده عن تجربة
و بالاضافة ان نفس موديل عربيتي المصري مافيهاش ايرباج و ايضا صاج الخليجي معالج ضد البارومة
محمد فهمي
الفرق بين الخليجى و المصرى فى الكماليات فقط + ان ال1600 الخليجى موتورها القدرة الحصانية بتاعته أعلى شويه مقابل انها محتاجة بنزين 95 لأن الموتور مصمم عليه + الصفارة بعد سرعة 120 كم/س.
العفشه.......... هى هى و اللى مش مصدق هو حر.
التكييف ............. هو هو و اللى مش مصدق هو حر.
الدهان ............ هو هو و اللى مش مصدق هو حر.
فرق الكماليات صعب حصره لإختلاف المصدر و الأوبشن و البلاد و لكن الكماليه اللى كتير بتكون ناقصه فى الخليجى هى الabs لذلك يجب التأكد منها انما المصرى ال1600 كلها فيها abs
لو التوكيل اللى قصد حضرتك عليه التوكيل اللى عربياته بتصدى وبتعطل وبتولع وناس كتير شاكياه فى جهاز حماية المستهلك فده طبيعى ان يتضحك عليك من عربيه فيه
وانا ضد اى تقفيل مصرى زيك بالظبط..لكن لو حاجة جاية مصر وتقفيل خواجه من شركة ليها اسمها وتاريخها يبقى اجبها وانا مغمض...بينى وبينك بعد اللى حصلك ليك حق تتعقد :)
ولعلمك الكلام فى موضوع الخليجى والمصرى كتير...طب ايه رايك انى سمعت قبل كده ان خامات الخليجى بتبقى اقل جودة لان العمر الافتراضى للعربيات هناك صغير وبيقعدو العربية هناك اخرهم 5 سنين ويرموها...بس اهو كلو كلام وكلو بيفتى
عموما مش فارقة نوع المواصفات ايه مصرى او خليجى او هندى حتى :) المهم الصناعة والتقفيل فين واسم الماركة اللى عالعربية
تحياتى