استفسار بوما 2010

**seaman** · 01-03-2010 11:53 PM

لو سمحت حد يعرف اللانسر البوما الخليجى cc 1600 2010 فيها abs ولا لا؟

**mussolini** · 02-03-2010 11:36 AM

السلام عليكم...

ان شاء الله فيها

**seaman** · 02-03-2010 06:11 PM

المشاركة الأصلية كتبت بواسطة mussolini

السلام عليكم...

ان شاء الله فيها

شكرا يا باشا بس حاجه غريبه ناس كتير شافو الموضوع وميعرفوش ليه هو مواصفات الخليجى سريه ولا ايه

**mussolini** · 02-03-2010 08:04 PM

السلام عليكم...

انا عن نفسى بفضل المواصفات الخليجى اكتر...بوية انضف بكتيير من اللى هنا,تكييف اشد,
كماليات اكتر,اللى بيميز الوكيل عن الخليجى هما حجتين وبردو مهمين مينفعش تنفضلهم,
الضماااااان, ودى مهمة جدا ثم العفشة,العفشة اللى مصممينها مخصوص لمصر بسبب شوارعنا الجميلة

**DrMax** · 02-03-2010 10:31 PM

المشاركة الأصلية كتبت بواسطة mussolini

السلام عليكم...

انا عن نفسى بفضل المواصفات الخليجى اكتر...بوية انضف بكتيير من اللى هنا,تكييف اشد,
كماليات اكتر,اللى بيميز الوكيل عن الخليجى هما حجتين وبردو مهمين مينفعش تنفضلهم,
الضماااااان, ودى مهمة جدا ثم العفشة,العفشة اللى مصممينها مخصوص لمصر بسبب شوارعنا الجميلة :oc_sun1[1]:

على فكرة البويه مفيهاش فرق بين المصرى والخليجى..ده كلام معارض...
وبالنسبة للتكيف الشركة بتنزل تكييف للمناطق الحارة وده بينزل فى الخليجى والمصرى..والوكيل هنا بيطلب تكييف مناطق حارة بحكم الجو عندنا...والمهندس طارق كان قال الكلام ده بنفسه

**مصراوي جدا** · 03-03-2010 09:35 AM

المشاركة الأصلية كتبت بواسطة drmax

على فكرة البويه مفيهاش فرق بين المصرى والخليجى..ده كلام معارض...
وبالنسبة للتكيف الشركة بتنزل تكييف للمناطق الحارة وده بينزل فى الخليجى والمصرى..والوكيل هنا بيطلب تكييف مناطق حارة بحكم الجو عندنا...والمهندس طارق كان قال الكلام ده بنفسه

فعلا الكلام ده مظبوط مفيش فرق بوية ولا تكييف بين المصري والخليجي

بخصوص الضمان فيه خليجي بضمان لكن ضمان المستورد مش ضمان الوكيل .. ضمان الرواس 60 ألف كيلو او 3 سنين وفيه معارض سنتين وفيه معارض سنة واحدة

**مصراوي جدا** · 04-03-2010 10:01 AM

المشاركة الأصلية كتبت بواسطة el931

الخليجى 2010 و 1600 الكلاسيك الامارات (دبى ) ليس بها abs وهى معى فعلا ً لكنها بها :-
فتيس ستريبترونك - العدادات بالشكل الجديد - الطارة الجديدة بارباج للسائق -وضمان الرواس 3 سنوات او 60 الف كم
وياريت مهندس طارق يوضح لنا الفارق بين الوكيل والمستورد
وكمان موضوع ان بعض المعارض بتعمل ضمان سنة او اكثر على العربيات فهل دى ضمانات حقيقية ام وهمية خصوصا ً انى انا قبل ما اشترى السيارة اتصلت بمركز خدمة قليوب الخاص بضمان المصرية واتقلى ان دة - موضوع الضمان الخاص بالمعارض - " نصب "
واكد نفس الكلام مندوب المبيعات بمعرض الرواس ( 3 أ برج معروف بشارع رمسيس ناحية التحرير وهو تابع للرواس ومستورد وموزع لسيارات لانسر الخليجى دبى بالضمان السابق الذكر )
وعلى هذا الاساس قمت بشراء السيارة من معارض الرواس بالضمان
مع الشكر

للتأكد من ان العربية مفيهاش ABS راجع الموضوع ده وشوف وحدة الABS موجودة ولا لأ في العربية
http://www.nilemotors.net/Nile/8766-abs.html

وده موضوع عملته عن ضمان الخليجي
http://www.nilemotors.net/Nile/22685-a.html

المشاركة الأصلية كتبت بواسطة mussolini

السلام عليكم...

بالنسبة للبوية انا متأكد مليون فى المية ان فى فرق,مثال للتوضيح انا فى عربيتى هوندا سيفيك الوكيل واخدة طبقتين بوية(ودا كلام الوكيل),اما فى قطر سألت لقيتها 8 طبقات!!

المواصفات الخليجى لازم تيجى كدا فى الخليج عشان تتحمل درجات الحرارة العالية,و التكييف ايضا مختلف عن الخليجى,يعنى بيسمو العربية مواصفات خليجى لية؟؟

و تقبل مرورى...

معلش سؤال بسيط لحضرتك
هل فيه اي دليل ان في قطر 8 طبقات ؟ ولا دي معلومة من البائع في المعرض هناك

انا جبت المعلومة من المهندس مدير قسم السمكرة والدهان في التوكيل عندنا لما راح دورة تدريبية لميتسوبيشي في دبي لدول الشرق الأوسط وشمال افريقيا وبعد ما رجع سألته بوضوح عن النقطة دي وأكد لي ان مفيش اي فرق - اكيد لو كان فيه فرق كان في الدورة دي لازم يعرف ان دول الخليج تفرق عن غيرها

وكذلك بخصوص التكييف انا اعرف كويس ان ميتسوبيشي بتعمل تكييف عادي وتكييف دول مناطق حارة واحنا في مصر بنطلب تكييف دول المناطق الحارة يعني زينا زي الخليج

اما عن سؤال حضرتك عن المواصفات الخليجي فمنها مثلا ضرورة وجود صفارة انذار سرعة عند تجاوز اقصي سرعة مسموح بيها في دول الخليج وهي 120 كيلو متر في الساعة ، وضرورة وجود طفاية حريق ومثلث وشنطة اسعاف ، وضرورة كتابة رقم الشاسيه على قطعة بلاستك يتم تثبيتها على التابلوه على شمال السائق وربما فيه شروط تانية بس دي اللي اعرفها

وبخصوص البوية كمان وبعيدا عن موضوع مصري وخليجي ، لو فيه عربية واخدة 8 طبفات بوية دي لازم تشقق ، يعني العربيات القديمة 132 و 128 لو اتدهنت كتير على مدار السنين ومحتاجة دهان جديد فالصنايعي بيحرق البوية القديمة قبل ما يدهن البوية الجديدة لأن كتر الطبقات مش ميزة

**shereefagora** · 02-03-2010 09:37 PM

فعلا ياجماعة انا نفسي اشتري الخليجي بس خايف من حكاية الضمان دي وهي فعلا حاجة مهمة جدا بس ياريت محدش يعرف حل للمشكلة دي خصوصا انني سمعت ان بعض المعارض مثل الرواس بيدوك العربية بضمان الوكيل فهل دة مظبوط ولا لأ وياريت لو حد عندو فكرة عن الموضوع دة يفدنا