اه ومين قالك انى بقول مش حرام هاتلى حاجه فى كلامى بتقول كده
بص يا باشا مش عاوزين ندخل فى كل حاجه الحرام والحلال والا حتلاقى نفسك عايش لوحدك فى الدنيا
ومش عاوزين ندخل فى نقاشات جانبيه وخصوصا انا مبحبش اتكلم كتير فى الدين عشان كلنا عارفين ديننا
بس احنا دلوقتى فى زمن غير الزمن يعنى حضرتك واقف فى الكليه وجات واحده زميلتك ووقفت معاكم حتسيبهم وتمشى
ولا وانت فى الشغل زميلتك كلمتك فى موضوع حتقولها اسف مبكلمش بنات
انهارده حضرتك بتركب اى مواصله بتقعد جنبك اى بنت حتقولها لا انا مبقعدش جنب بنات
كل حاجه بالاصول والاعتدال كويسه
النقطه التانيه هما لازم يقعدو يتكلمو فى امور قله قدب ونميمه وكلام على البنات مين الى قال كده هو حضرتك واخد فكره عن الناس الى بتقعد على كافتريات كلهم كده مين الى وصل المعلومه الغلط دى
وبعدين ممكن جدا تبقى قاعد فى بيتكم ومعاك 2 اصحابك وتقعد وتلاقيهم بيتكلمو على دى وجايبين سيره دى
المشكله مش فى القعده على القهوه المشكله انت مصاحب ميـــــــــــــــــــــــ ـــــــــن
وصلت الفكره
لأ شكل فكرتي انا اللي موصلتش
اولا حضرتك بتقول ان مقلتش كلمة مش حرام دي .. حضرتك راجع الي كتبته حضرتك قايل " ودا مش عيب ولا حرام علي كلام البنات"
ثانيا : حضرتك بتقول لو مشيت علي حرام ولا حلا هتعيش لوحدك والله اعيش لوحدي وارضي ربنا وادخل الجنة افضل بكتير من اني اعيش ارضي عبد ولا هيفدني يوم القيامة .. ومين اصلا قال اني هعيش لوحدي مش معنى ان حضرتك شايف الناس قدامك بطريقة معينة ومشين بنظام معين ان مفيش غيرهم متدينين .. عمر ماالنسان هيعيش لوحده والإ كنا شفنا واحد زي الشيخ محمد حسان محدش بيطيقه وعايش في الصحراء
ثالثا : لو وحده جت تكلمك في الكلية ترد عليها على اد السؤال ومن غير كمان متنظر لها .. لو هي لقيتك باصص في الأرض من نفسها هتكسف وهتخلص اللي عيزاه وتمشي .. لكن انا مش مطالب اقولها اسمك ايه ومنين و في سنة كام وسكنة فين وبابا شغال ايه وجوز بنت خالت عمت ماما اسمها ايه ؟؟ كل ده حراااااك وهتلي دليل واحد انه مش حرام
وبعدين وحتي لو هتحرجها .. ايه رأيك تحرجها ولا تحرج يوم القيامة ؟ تحرجها ولا تغضب ربنا ؟
رابعا: حضرتك بتقول مش عايزين ندخل في كل حاجة الحرام والحلال .. طب بعد اذنك سؤال : هو احنا اتخلقنا عشان نطبق شرع ربنا ولا في سبب تاني ؟ لما انا معرفش الحرام والحلال اومال هعرف الصح واعملوا منين ؟
خامسا : حضرتك بتقول الزمن بقي غير الزمن .ز طب بردو سؤال .. هو الدين والشرع لما شرع كان معمله تاريخ انتيهاء الالفية التالتة وبعديها ممكن نعمل اللي احنا عيزينه .. والا دينا هو لكل العصور والازمان ؟
سادسا: حضرتك بتقول مبحبش اكلم في الدين عشان كلنا عرفين دينا .. حضرتك واثق من الموضوع دا ؟
سابعا : موضوع القعاد علي الكافتريا اولا انا مقلتش كل اللي بيقعدوا بيكلموا في كده .. انا عطيت مثال للغالبية اللي بيتحصل .. وبعدين انا قلت في الاخر حتي لو مكلموش في الموضيع دي فقعدته معاهم وهما بيشربوا سجاير وشيشة حرام .. لأنه كدا رضي بحدوث الاثم ويعتبر شارك فيه بلجلوسه ولو عايز الحديث اقلوهلك بس اعتقد حضرتك عرفه ...
اما موضوع الكلام طب بالله عليك الشباب معظمهم ودا اصلا مش مهم في الموضوع ومش دا اللي كنت اقصده انا بس كنت بدي امثلة علي اللي بيكلامه عليه .. بس بأمانة الشباب بيكلموا في ايه علي القهاوي .. (بنات- نميمة - بيشتم ) ممكن الأولي متحصلش بس التانية والتالتة بنسبة كبيييرة جدا جدا جدا بتحصل .. اصل معلش الشب اللي قاعد على القهوة مش نازل يكلم في تعديل الوزارت في مصر والا العدوان علي فلسطين .. دا غير ان حتي في دول بنشتم لأن للأسف الشتيمة بقت عادي .. وهي الشتيمة حلال ؟ والنميمة والغيبة؟
وياريت تتقبل كلامي