بجد انا تعبان جدا
و حاسس خلاص ان حتجنن قريب او حتجيلي حاله شيزوفرنيا
تعبان و حالتي كل يوم من سيئ لاسوأ
مش عارف العيب فيا و لا المجتمع و لا ايه بالظبط
خلاص حتجنن مش عارف اتاقلم مع الحياه
عايز التزم بس مش عاوز انفصل عن الحياه و الناس
عايز ابقى كويس من غير ما يتبصلي بصه استغراب او استهزاء او غيره
ليه الناس فاكره ان الدين صلى و صوم بس
ليه لما برضاش اكلم بنات الا في حاله الطوارئ زيما دينا يقول يتقال عليا معقد نفسيا و مريض
و لو اتكلمت معاهم باحترام يتقال دا انا لسه صغير و بيتكسف
و لو اتكلمت معاهم بحته هزار خفيف برده مفيش فايده
فيها ايه لو مكلمتش بنات خالص هو حنقص ايه لو مكلمتهمش بس ساعتها حبقى شارد او شاذ عن المجتمع عن صحابي عن الناس في سني
فيها ايه لما برضاش حد يشتم والدي او والدتي بهزار بشتايم معروفه و يتقالي اني حساس و مخدهاش بناحيه شخصيه هو الواحد لازم يبقى فاجر انه يشتم و لا يتشتم باهله بهزار وليه بيستفيدوا ايه
فيها ايه لو طولت دقني حيبقى شكلي مش حلو مش مشكله الراجل مش بشكله الناس تبصلي ببصه غريبه ليه هو انا حقتلهم و لا اذيتهم حتى بالعكس انا في ساعه الزنقه ابقى جنبك اكتر من التاني
فيها ايه لو مبشربش سجاير و لا شيشه حاسس ان بقيت حاله شاذه جدا لازم يبقى طبيعي حتى لو ابطلها بس لازم
حاولت اقرب من المتدينين اروح اصلي معاهم في المسجد و انتظم معاهم في الجلسات لقيت نفسي برضه مش قادر مش عاوز اوصل للمرحله ديه اوي برضه تعبت
و لما تعبت روحت امشي مع الموجه تعبت اكتر
انا نفسي ابقى انسان محترم ملتزم دينيا بس متمسك في الحياه بكل مجالاتها
انا نفسي ابقى انا
هو ده صعب ولا ايه انا خلاص حتجنن
ياريت لو فيه حل